Wugubule 11:10 - I CILAGANE CIPYA 1991

¹⁰ Ne wanhu wose wono wekaye mononze, wowusecelela wufwe wa wawo wanhu wejete. Nawo wonoza sikukuu, no kwipela vipe gwa munhu na muyagwe, vyono wawa wawizi wejete wali wawagaza muno, i wanhu wa mononze.

Luganuzi Luswanu Kuli Wanhu Wose 2002

¹⁰ Ne wanhu wose wono wekaye mono'nze, wowusecelela wufwe wa wawo wanhu wejete. Nawo wonoza sikukuu, no kwipela vipegwa munhu na muyagwe, vyono wawa wawizi wejete wali wawagaza muno, i wanhu wa mononze.

Wugubule 11:10 ပူးပေါင်းရင်းမြစ်များ

Matayo 10:22

Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

Yohana 16:20

Nghumulonjelenyi mbeka, vyono anye mowa kulila no kukalala, ninga we yinze, wowa kusecelela. Anye mokalala, ninga wukalale wenyu hanyuma wolowa nyemo.

Yohana 7:7

Sunga na wanhu wa mononze, si wosuma kumusulenyi anye, langa ane wasulile, kusoko nghuwalonjela, vyono i metumo gawo mabi.

Metumo ge Watumwa 5:33

Ninga wose wono wali wali baho mwibalaza lilyo waza kuzihulika zizi, wakakolwa ne likuwo, sunga wahilaga kuwawulaga.

1 Wakolinto 13:6

kanyhi wendo si wukuwa kusecelela wubi ngʼo, langa wusecelelaga i mbeka.

Wugubule 12:13

Nalyo lizoka lyali lyeza manya vyono lyagumilwa hono hasi mononze, likanza kumusepa sepa yu yulyo mucekulu mono yalelo mwana we cilume.

Wugubule 13:14

Likawajiliza wanhu wenji wono wekaye mononze, ku so mapoto gago gono lyapegwa liganoze ha mwande ya alilya lilimu lilongozi. Nalyo lilimu lilyo likawalonjela wanhu wono wekaye mononze, wanoze cihwani so kulipela yilumbo lilyo lilimu lyono lyali lina likomele yiwaha muno lyono lyatemangwa no mumaje, ninga alu likuwumipa kanyhi.

Wugubule 13:8

Na wose wono wekaye mononze wolihemba, ninga awalya wono matagwa gawo gandikwe mu citabu co wumi co Mwana we ngholo mono yawulagwa ku wulawo mwamulizo we yinze, wawo langa si wolihemba yaye.

Wugubule 16:10

Malayika we hano nayo yakalijidila libakuli lyakwe mu wikalo wuwaha we lililya lilimu. Uwutitu wukawa kudinda mu wutemi walyo, wanhu wakawa kwilumanga i zinimi zawo ku soko yo wusungu,

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.