Wugubule 10:5 - I CILAGANE CIPYA 1991

⁵ Kanyhi malayika yuyulya mono namuwona yemile mucanyha ye lilenga na mu yisi nghavu, yakawinula muwoko wakwe wo kulume ku wulanga,

Luganuzi Luswanu Kuli Wanhu Wose 2002

⁵ Kanyhi malayika yuyulya mono namuwona yemile mucanyha ye lilenga na mu yisi nghavu, yakawinula muwoko wakwe wo kulume ku wulanga,

Wugubule 10:5 ပူးပေါင်းရင်းမြစ်များ

Metumo ge Watumwa 14:15

“Nhawulenyi mukwituma zizi? Nase nha cili wanhu du kotya nyenye. Nase cili baha ho cimuganulilenyi Luganuzi Luswanu, ho muzilece zizi zo wulele, mumupitucile Mulungu mumi mono yawumba wulanga ne yinze, lilenga na vyose vyono vili mugati.

Metumo ge Watumwa 17:23

Ku soko, lono nali kukola ako na ako, nghulanga vihwani vyo wuhembelo wenyu, niwa kuwona wuhembelo wunji wono wina mandiko aga, ‘Kuli mulungu yulya mono si yamanyice.’ Ale, yuyo mono mumuhembaga si mumumanyile, yo yuyo yo nghumulonjelenyi anye.

Walumi 1:20

Ku wulawa lululya lono u Mulungu yayiwumbila yinze, ivilungo vyakwe vye cibitilila, no wulungulungu wakwe, hamba viwe si yikwijela kwa meso, ninga yimanyice calinze. Ne wanhu wosuma kuzimanya izinghani zizo, kusoko ye vinhu vivyo vyono u Mulungu yaviwumba. Holeka wasina cinji cono wokwikojela!

Wahebelaniya 6:13

U Mulungu lono yamupelela Abulahamu u wihuwizo, yelahiziza mwitagwa lyakwe mweneco, hambi nha hasina yunji muwaha mono yamucizize u Mulungu, mono u Mulungu yali yelahize.

Wugubule 1:18

Ane yo nene mono nili mumi! Nali fwiye, ningaʼlu nili mumi cibitilila ne cibitilila. Nina wulajilize we lifwa sunga na wa muyinze ye wafu.

Wugubule 10:2

Na mu muwoko wakwe yali yebate citabu cidodo cigubulwe. Nayo yakawusimya u mugulu wakwe wo kulume mwilenga.

Wugubule 14:7

Nayo malayika yuyo yakalonga kweʼzi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ningʼaniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 16:17

Hanyuma malayika wo mupunghati, nayo yakalijidile libakuli lyakwe mu mbeho. Ne lizi liwaha likahulikwa likulawa mwigoda lyo wutemi, mu wuhembelo, likutya, “Yakondya kuwa!”

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”

Wugubule 4:9

Na lono viwumbwa vi vilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwigoda lyo wutemi, mono kekalaga cibitilila ne cibitilila,