Wugubule 1:18 - I CILAGANE CIPYA 1991

¹⁸ Ane yo nene mono nili mumi! Nali fwiye, ningaʼlu nili mumi cibitilila ne cibitilila. Nina wulajilize we lifwa sunga na wa muyinze ye wafu.

Luganuzi Luswanu Kuli Wanhu Wose 2002

¹⁸ Ane yo nene mono nili mumi! Nali fwiye, ninga'lu nili mumi cibitilila ne cibitilila. Nina wulajilize we lifwa sunga na wa mu yinze ye wafu.

Wugubule 1:18 ပူးပေါင်းရင်းမြစ်များ

Matayo 11:23

Nagwe go Kapelanawumi, wukwihwesa vyono kotegulwa sunga ku wulanga mbi? Aa, ngʼo, langa kovulumuswa sunga kono kowali wafu! Kusoko i mapoto gono ganozezwa kuliʼgwe, hono gali ganozezwe ku Sodoma, mhali likaya lilyo lilibaho sunga ne nzuwayi.

Matayo 16:19

Nane nokupela gwegwe zifunguwo zo wutemi wa ku wulanga, na yowa, co cose cono kocidindila mononze, cowa cadindilwa nha vivyo na ku wulanga, na co cose cono kocidigulila mononze, naco cowa cadigulilwa nha vivyo na ku wulanga.”

Luka 24:5

Wacekulu wawo wakenjilwa na woga, wakenamya wusu wawo hasi. Hobaho i wanhu wawalya wejete wakawatya, “Alo so cici mukumulondola u mumi muli wono wafwiye?

Yohana 11:25

Yesu yakamutya, “Ane nha yo nene wuzuce, no wumi. Nayo mono yanyihuwiye nene, hamba yafwe kowa mumi,

Yohana 14:19

Hakali hadodo we yinze, si wowa kumbona kanyhi, anye langa mombona, na vyono ane nili mumi, na nyenye nanye mowa womi.

Walumi 6:9

Hambi nha cimanyile vyono Kilisito yakondya kuzukulwa muli wafu, hamba si kolofwa kanyhi, ilifwa lisina vilungo kanyhi kuli mwene.

2 Wakolinto 13:4

Hamba yiwe nha yatumbicilwa mu musalaba mu wusocele, ninga alu yakuwumipa kwe vilungo vyo Mulungu. Nase cisoceye nha vivyo so wilunza nayo, ninga ciwumipana hamonga nayo kwe vilungo vyo Mulungu ku soko yenyu.

Wagalatiya 2:20

ninga nghuwumipa, ninga yo si nene kanyhi, langa Kilisito yo yakuwumipa muli nene. No wumi wuwu wono nina nawo lulu, nghuwumipila u wihuwilo, u wihuwilo wa muli Mwana wo Mulungu mono yanyenda sunga yakelavya wumi wakwe ku soko yangu.

Wakolosayi 3:3

Hambi anye nha mwafwa, no wumi wenyu wuhundikanwe hamonga na Kilisito muli Mulungu.

Wahebelaniya 1:3

U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu u Muwaha.

Wahebelaniya 12:2

Akuno cikumulanga Yesu u mwamulizo u wihuwilo wetu, no kuwukwiza. Mono ku soko i nyemo yono yali yawiciywe u mwene yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Wahebelaniya 7:16

U mwene si yanozwa yawe mukohani mu nzila yo wulajilize ne malajilizo ge cimunhumunhu, langa mu vilungo vyo wumi wono wusina mudumo.

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalonjela hali Mulungu.

Wugubule 10:6

yakelahiza mwitagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!

Wugubule 15:7

Hanyuma ciwumbwa cinji ciyagwe ne viwumbwa vivilya vine vyumi, cikawapela wawalya wamalayika mupunghati, mabakuli ga zahabu gono gamemile likuwo lyo Mulungu, mono kekalaga cibitilila ne cibitilila.

Wugubule 2:8

“Kuli malayika we likanisa lya Simulina, wandice nhavi, “Ayi yo nghani yono yikulawa kuli mwene mono wo Mwamulizo na wo Mudumo, mono yafwa no kuwumipa kanyhi.

Wugubule 20:13

I lilenga nalyo, likawalavya kunze, i wafu wose wono wali wali mugati yalyo, i lifwa hamonga ne yinze ye wafu, vikawalavya kunze iwafu wose wono wali mumo. Na wose wakalingʼanizwa nha vyono genha metumo gawo.

Wugubule 20:14

Hanyuma ilifwa hamonga ne yinze ye wafu, vikatagwa mwilamba lyo moto. Ne lilamba lilino lyo moto, lyo lifwa lye kejete.

Wugubule 3:7

“Kuli malayika we likanisa lya Filadelifiya wandice nhavi, “Ayi yo nghani yono yikulawa kuli mwene mono yelile kanyhi we mbeka, mono yena funguwo ya Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.

Wugubule 4:9

Na lono viwumbwa vi vilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwigoda lyo wutemi, mono kekalaga cibitilila ne cibitilila,

Wugubule 5:14

Na vilya viwumbwa vine vyumi, vikatya, “Heya vyo yiweze.” Na awalya wawaha wakagwa funama wakamuhemba.

Wugubule 6:8

Nane nghalanga, nghawona baho fwalasi yinji ye liwala lye silu. Ne litagwa lyo mono yali yali mucanyha yayo, yacemagwa Wufwe na Ahela vityatizye nayo. Ale, wawo wakapegwa vilungo mwipinga limonga lye lipinga lye yinze ho wawawulaje wanhu ko mumaje, ne nzala, ne lihuhuji, na kwe malimu makali ga mononze.

Wugubule 9:1

Hanyuma malayika we hano nayo yakayitowe ndulele yakwe. Nane nghayiwona nyelezi yono yali yigwiye mono yisi, yilawiliye ku wulanga. Nayo nyelezi yiyo yikapegwa funguwo ye likombo lyo wuninyina.