Wahebelaniya 5:3 - I CILAGANE CIPYA 1991

³ Vyono na mweneco nayo musocele, holeka yimunojeye yalavye ikumbiko, si ku soko ye wanhu du, langa na ku soko yo wubi wakwe mweneco.

Luganuzi Luswanu Kuli Wanhu Wose 2002

³ Vyono na mweneco nayo musocele, holeka yimunojeye yalavye likumbiko, si ku soko ye wanhu du, langa na ku soko yo wubi wakwe mweneco.

Wahebelaniya 5:3 ပူးပေါင်းရင်းမြစ်များ

1 Wakolinto 15:3

Nane nghamupelenyi anye zinghani zi mbaha muno muno zono nazibocela nene no mweneco, nha vyono, Kilisito yafwa so wubi wetu, nha vyono gakutya i Mandiko Gono Gelile,

Wahebelaniya 10:12

Ninga Kilisito yalavya ilikumbiko limonga du ku soko yo wubi, i likumbiko lyono likondizye cibitilila, hanyuma yakekala ku lubavu lo muwoko wo kulume wo Mulungu.

Wahebelaniya 7:27

Mwene si yenha awalya i wakohani wanji, yasina soko yo kukumbika nhondo zose, yinongozi ku soko yo wubi wakwe mweneco, na hanyuma ku soko yo wubi we wanhu. Mwene nha yanozeza lukulu kamonga du, mwipango lono yelavizya mweneco, nayo yakwiliye vilo vyose.

Wahebelaniya 9:7

Ninga mwihema lye kejete, u Mukohani Muwaha du, yo yenjliaga yali wene, nayo yanozaga nha vivyo kwa mwaka kamonga du. Na lono yakwinjila mugati yategulizaga ne sakami ho yamulavizye u Mulungu ku soko yakwe mweneco na ku soko yo wubi wono wanhu wetumiye mu wuwula kumanya weneco.