Wahebelaniya 4:9 - I CILAGANE CIPYA 1991

⁹ Holeka u wuceho wuli baho kuli wanhu wo Mulungu, nha vyono u mwene Mulungu yaceha mwizuwa lyo mupunghati.

Luganuzi Luswanu Kuli Wanhu Wose 2002

⁹ Holeka u wuceho wuli baho kuli wanhu wo Mulungu, nha vyono u mwene Mulungu yaceha mwizuwa lyo mupunghati.

Wahebelaniya 4:9 ပူးပေါင်းရင်းမြစ်များ

1 Petelo 2:10

Mu mapango ganji, anye mwali si muli wanhu wo Mulungu, ningaʼlu anye mweza muli wanhu wakwe, kanyhi mwali si muwoneywe lusungu lo Mulungu, alu ninga mwawonelwa lusungu.

Wugubule 21:4

U Mwene kogapatila lukulu mahozi gawo gose, mu meso gawo kowa kusina lifwa, hamba wukalale hamba cililo, hamba wusungu si vyolokwijela yaye, hambi zihuma nha zakondya kupuluta!”

Wahebelaniya 4:3

Ninga ase mono cihuwiye, cikwinjila mu wuceho wuwo wono u Mulungu yawihuwiza. Nha vyono yatya, “Nghakolwa ne likuwo, nghelahiza, nghatya, ‘Si wokwinjila mu wuceho wono nali niwawiciye.’ ” U Mulungu yazilonga zizo, hamba yiwe u mulimo wakwe wali wakondya kumalika ku wulawilila lono yayiwumbila yinze.

Wahebelaniya 4:1

U Mulungu yacihuwiza vyono cosuma kuwutuga u wuceho wuwo wono yawulonga. Holeka ceze kogopa, yilece kuwa na lunji, muyenyu yunji yanjile ku winjila mu wuceho wuwo.

Wahebelaniya 11:25

Yakawona vyono yili ciba yagazanwe hamonga ne wanhu wo Mulungu, si nho kwiyendeza no wuswanu wo wubi kwa cidaha cidodo.

Wahebelaniya 3:11

Holeka nghakolwa ne likuwo, nghawa kwilahiza nghutya, “Si wokwinjila mu wuceho wono nali niwawiciye.”

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Matayo 1:21

Nayo kolela mwana we cilume, nagwe komucemela ilitagwa lya Yesu, hambi u mwene nha yo kolowaponya iwanhu wakwe mu wubi wawo.”

Wahebelaniya 4:8

Hono Yoshuwa yali yawapele u wuceho wuwo wanhu wawo, Mulungu si yali yalonje kanyhi ze lizuwa linji.

Wahebelaniya 4:10

Hambi muli wose mono kowutuga u wuceho wono u Mulungu yehuwiza, nha koceha mu milimo yakwe, nha vyono u Mulungu yaceha mu mulimo wakwe.

Wugubule 14:13

Nghahulika kanyhi lizi kulawa ku wulanga likutya, “Wandice nhavi! Wo wamoti wanhu wono ku wulawa lulu, wakufwa akuno welunzize no Muwaha.” Nayo Muhe yakutya, “Heya! Woceha mu wulawa mu magazo gawo, hambi metumo ge nhuguti yawo nha gowatyatya.”