Wahebelaniya 4:2 - I CILAGANE CIPYA 1991

² Hambi nha caganulilwa u Luganuzi Luswanu nha vyono lwaganulwa kuli wawo wanhu we katali. Ninga i nghani yiyo si yawakwila cinji, hamba wawe wayihulika, ninga si wasuma kuyibocela ko wihuwilo.

Luganuzi Luswanu Kuli Wanhu Wose 2002

² Hambi nha caganulilwa u Luganuzi Luswanu nha vyono lwaganulwa kuli wawo wanhu we katali. Ninga i nghani yiyo si yawakwila cinji, hamba wawe wayihulika, ninga si wasuma kuyibocela ko wihuwilo.

Wahebelaniya 4:2 ပူးပေါင်းရင်းမြစ်များ

Metumo ge Watumwa 13:46

Ninga hamba nha vivyo, Pawulo na Balanaba, wakalonga muno akuno wasina woga, wakatya, “Vyo yali yinojeye Inghani yo Mulungu yamule yimuficilenyi nyenye. Ninga vyono muyikumhiye kutali, no kwiwona vyono wumi we cibitilila si wukumunojelenyi nyenye, ale, ceza kumulecenyi, no kuwabitila wanhu we makungugo ganji.

Metumo ge Watumwa 3:26

Holeka Mulungu yamuzukula Mwitumami wakwe so cambuzi cenyu, yamutuma ho yamuletelenyi wumoteswe wo kumunozenyi mupituce no kugaleka imabi genyu munhu na lwakwe.”

Walumi 2:25

Ninga u walame wako wowa wina cambuzi, hono uwitume u wulajilize. Ninga hono wukuwubena u wulajilize, yali yiwe yili ciba, hono wali wikale si walame.

Walumi 3:3

Ninga ho yowa wule hono wanji wayawo si wali wehuwilwa? Hambi inghani yiyo yowuwusa u wihuwilwa wo Mulungu?

1 Wakolinto 13:3

Na hono ndavye i sawo yangu yose no kuwapela waciwa, na hamba niwulavye muwili wangu wunyanywe mu moto, ninga hono niwe sina wendo, azo zose si zonghwila cinji yaye.

Wagalatiya 3:2

Alu nghusaka kumanya nghani monga du kuliʼnye. Alu mwamubocela u Muhe wo Mulungu ho musume kwituma i metumo go Wulajilize, hamba ku soko ho muluhulice no kulwihuwila u Luganuzi Luswanu?

Wagalatiya 3:8

I Mandiko Gono Gelile gakulajila vyono u Mulungu kowanoza i wanhu we makungugo ganji ho wavumilwe hali mwene mu nzila yo wihuwilo. Holeka i Mandiko Gono Gelile galongola kumulonjela Abulahamu u Luganuzi Luswanu gakutya, “I zinghungugo zose zolomotesezwa muli gwegwe.”

Wagalatiya 4:13

Mumanyile nha vyono u wutamwa wangu wo wamhela cilejeho co kumuganulilenyi u Luganuzi Luswanu ha lulongozi.

1 Watesalonike 1:5

vyono lono camuganulilenyi u Luganuzi Luswanu, si wali mu wulonje du, langa na mu vilungo vyo Muhe Mono Yelile, akuno cimanyiye lukulu, vyono, i nghani yiyo yali ya mbeka. Mumanyile vyono cekalanaga hamonga nanye, cekalaga ku soko ye cambuzi cenyu.

1 Watesalonike 2:13

Kanyhi cina ne soko yinji yo kumulumbila u Mulungu; lono camuletelenyi i nghani yo Mulungu, anye mwayihulika kanyhi mukayibocela si nha vyono yinha nghani yono yikulawa kuli wanhu, langa mwayibocela nha nghani yo Mulungu, nayo mbeka vyo yinha. Hambi u Mulungu nha yakwituma muli nyenye mono mwihuwiye.

1 Timoteyo 4:8

Hambi wizoweleze wo muwili nha wina cambuzi cayo, ninga wizoweleze we cimuhe, wina cambuzi ce mawala gose, hambi nha wukucihuwiza zo wumi we vilo vivi na wuwo kanyhi we vilo vyono vikuza.

Wahebelaniya 11:6

Holeka si yosumika kumwendeza u Mulungu hono hasina wihuwilo. Vyono u munhu wo wose mono yakusaka kumwendeza u Mulungu, yimunojeye yehuwile vyono u Mulungu yali baho, na kanyhi vyono u Mwene kawakamisaga wose wono wakumulondola.

Wahebelaniya 3:12

Holeka wandugu zangu, mwilanjililaje, halece kuwa na yunji muli nyenye mono yena i nhumbula yimbi nha vivyo, mono si yehuwiye no kumuleka u Mulungu mumi.

Wahebelaniya 4:6

Wawo wono walongola kuganulilwa u Luganuzi Luswanu si wasuma kwinjila mu wuceho wuwo so wuwula kwihuwila kwawo. Ninga ho wali wanji wono wapejigwe kwinjila mumo.

Yakobo 1:21

Holeka, muyilecelaje lukulu i mikalile yenyu mibi ne mijendele yose yo wavu, mwiwice mu miwoko yo Mulungu no kuyibocela nghani yiyilya yono hadikwe mu zinhumbula zenyu, yono yosuma kuziponya zinhumbula zenyu.

1 Petelo 1:12

Nayo Mulungu yakawagubulila mu vilo vyono walongaga ze zinghani zizo, zono anye, alu mwakondya kuzihulika, kulawa kuli wawalya watumwa wono wakamuganulilenyi u Luganuzi Luswanu, lwe vilungo vyo Muhe Mono Yelile, mono yatumwa kuwulawa ku wulanga, vyono wuwo mulimo wawo, si wali so cambuzi cawo weneco, langa ku soko yenyu. Zizo zo nghani zono hamba wamalayika wali wende kuzimanya.