Wahebelaniya 2:9 - I CILAGANE CIPYA 1991

⁹ Langa cikumuwona Yesu mono yanozwa mudodo kwa cipango cidodo si nhe wamalayika, na so i lihewa lyo Mulungu, yafwe ku soko ye wanhu wose. Sunga nalu cikumuwona yakondya kutemywa ko lukumyo ne lilumbo, ku soko yo wutamiswe we lifwa.

Luganuzi Luswanu Kuli Wanhu Wose 2002

⁹ Langa cikumuwona Yesu mono yanozwa mudodo kwa cipango cidodo si nhe wamalayika, na so i lihewa lyo Mulungu, yafwe ku soko ye wanhu wose. Sunga nalu cikumuwona yakondya kutemywa ko lukumyo ne lilumbo, ku soko yo wutamiswe we lifwa.

Wahebelaniya 2:9 ပူးပေါင်းရင်းမြစ်များ

Matayo 16:28

Nane nghumulonjelenyi mbeka, vyono howali wanji wono wali bahano wono si wolofwa, sunga waze wamuwone u Mwana wo Munhu yakuza mu Wutemi wakwe.”

Matayo 6:28

Na muli ze vivwalo, so cici lo mukwihwelela? Mugalangaje ta imaluwa ga mu mbago vyono gawilukaga no kusanula. Sigetumaga mulimo wo wose, hamba si genozezaga vivwalo.

Maluko 9:1

Yesu yakajendelela kuwalonjela yakutya, “Mbeka nghumulonjelenyi, vyono ho wali wanji wono wali bahano, wono si wolofwa, lono wakali si nawuwona wutemi wo Mulungu wukuziza mu vilungo.”

Luka 9:27

Ninga mbeka nghumulonjelenyi, howali wamonga wono wemile baha, wono si wofwa lono wakali si nawuwona wutemi wo Mulungu.”

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Yohana 10:17

“Ku soko yiyo holeka Baba yanyendile, vyono nghuwulavya u wumi wangu, ho niwusole kanyhi.

Yohana 12:32

Nane nilaza kwinulwa hacanyha ye yisi, nomukwejela munhu wo wose kono kwangu.” (

Yohana 3:16

Ku soko u Mulungu yayenda yinze nha vivi, sunga yakamulavyo Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

Yohana 8:51

Ane nghumulonjelenyi mbeka, munhu hono yebate inghani yangu, si kolofwila lukulu.”

Yohana 8:52

Iwayahudi wakamutya, “Alu nhondo ho camanya mbeka, vyono wina macisi.” Abulahamu yafwa, ne wawizi wafwa, nagwe wukutya vyono, ati, “Munhu hono yebate nghani yangu si kolofwila lukulu!”

Metumo ge Watumwa 2:33

Yesu yananuswa kucanyha, sunga ku lubavu lo kulume lo Mulungu, yakabocela kuli Sogwe cicilya cipegwa cono yehuwiza, co Muhe Mono Yelile; holeka azi zono mukuwona alu no kuhulika, wo witice wa yuyo Muhe.

Metumo ge Watumwa 3:13

U Mulungu wa Abulahamu, na wa Isaka, na wa Yakobo, u Mulungu we wasetu, yo yamukumizye Mwitumami wakwe Yesu; mono mwamulavya anye, mwene yo yuyo mono mwamutajila mu miwoko ye wawaha, no kumulema hamwande ya Pilato, hambe Pilato yasakaga kumulecela.

Walumi 5:18

Ale, nha vyono lisutya lyo munhu monga lyaleta wulingʼanizwe kuli wanhu wose, na nha vivyo, ilitumo limonga lye lingʼani, likuwapela wulelele no wumi.

Walumi 5:8

Ninga u Mulungu yakangazize vyono mwene yacendile, hambi lono ase cali cikali wahodanji, Kilisito yakafwa ku soko yetu.

Walumi 8:3

U Mulungu yaketuma, yono u Wulajilize si wasuma kwituma so wusocele wo munhu. U Mulungu yakamutuma u mwanagwe, mu hwani yono yilingʼaniye no muwili wetu ase co wanyo wubi ho vidome no wubi na so muwili wuwo, yakawusuma u wubi.

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nha vivyo, wule, si kocipela ne ziswanu zose?

2 Wakolinto 5:15

Umwene yafwa ku soko ye wanhu wose, wawalya wono wakuwumipa, ho walece kwiwumipila weneco, langa wawe womi ku soko yo mwene mono yafwa, yakazukulwa ku soko yawo.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

Wagalatiya 4:4

Ninga i vilo vyali vyeza kufika, u Mulungu yamutuma u Mwanagwe mono yalelwa no mucekulu, yakekala mu Wulajilize,

1 Timoteyo 2:6

mono yelavya mweneco ho yawakomboze iwanhu wose. Wuwo wali wo wuhomelezi we cipango cono u Mulungu yakuhila kuwaponya wanhu wose.

Wahebelaniya 1:9

Agwe wendile u wilingʼano, Wukazisula i zimbi. Na ku soko yiyo holeka u Mulungu, u Mulungu wako yakuhagula, Kanyhi yakakupela nyemo mbaha muno muno kuciza i wayago.”

Wahebelaniya 10:5

Holeka nayo Kilisito lono yazaga kononze, yamulonjela u Mulungu yakatya; “Si wasaka ikumbiko hamba cilavya, ninga wanozelezezo muwili.

Wahebelaniya 11:5

So wihuwilo Enoci yanyasulwa no Mulungu, hamba si yafwa. Hamba si yejela kanyhi, hambi u Mulungu nha yali yamunyasula. Ne Mandiko gakutya, vyono yamwendezaga u Mulungu lono yali yakali si nanyasulwa no Mulungu.

Wahebelaniya 12:2

Akuno cikumulanga Yesu u mwamulizo u wihuwilo wetu, no kuwukwiza. Mono ku soko i nyemo yono yali yawiciywe u mwene yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Wahebelaniya 2:7

Wamunoza mudodo si nhe wamalayika kwa cipango cidodo. Wamuvwika mukumbo wo lukumyo ne lilumbo.

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalonjela hali Mulungu.

Wahebelaniya 8:3

Hambi u Mukohani Muwaha wo wose nha yakuwikwa ho yamulavizye u Mulungu vilavya ne makumbiko, holeka no Mukohani wetu Muwaha yimunojeye nayo yawe ne cinhu co kulavya.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

1 Yohana 2:2

Kilisito lye kumbiko lyono likuwuwusa u wubi wetu, hamba si wubi wetu sese du, langa u wubi we yinze yose.

Wugubule 19:12

I meso gakwe gali genha ilambi lyo moto, nayo yali yavwalile mikumbo minji mu mutwe wakwe. Nayo yali mwandice litagwa lyono yunji wo wose si kosuma kulimanya, langa mweneco du yali wene.

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, wezinonga zose, ne wanhu wose ne zinghungugo zose.