Wahebelaniya 10:4 - I CILAGANE CIPYA 1991

⁴ Nha vyono i sakami ye zinzeku ne zimhene nha si yosumila lukulu kuwuwusa u wubi.

Luganuzi Luswanu Kuli Wanhu Wose 2002

⁴ Nha vyono i sakami ye zinzeku ne zimhene nha si yosumila lukulu kuwuwusa u wubi.

Wahebelaniya 10:4 ပူးပေါင်းရင်းမြစ်များ

Maluko 12:33

Holeka yimunojeye munhu yamwende u Mulungu kwe nhumbula yakwe yose, na kwe mahala gakwe gose, na kwe vilungo vyakwe vyose, no kumwenda muyagwe nha vyono yeyendile mweneco. Ne Nghani yiyi yo mbaha muno yicizize ne vilavya vyo kunyanya vili mututu hamonga ne makumbiko ganji gose kuli Mulungu.”

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Walumi 11:27

Aci co cilagane cono nocinoza kuli wene Mu cipango cono nowuwusiza u wubi wawo.”

Wahebelaniya 10:1

U wulajilize we Wayahudi yo si hwani yono yikwilaniciye ya ze mbeka, langa muzizi du we ziswanu zono zikuza. I makumbiko gago gakuwa kulavywa nhondo zose mu mwaka na mwaka. Alu u Wulajilize wosuma nhawule kuwanoza awalya wono wakuhemba mu nzila ye makumbiko gago ho wawe wakwilaniciye.

Wahebelaniya 10:11

U Mukohani wo wose we Ciyahudi ketumaga u witumami wakwe mu wuhembi nhondo zose akuno yakulavya makumbiko ga galya du kali kenji, i makumbiko gono si gasumaga kuwuwusa wubi.

Wahebelaniya 10:8

Ha lulongozi yakatya, “Si wukusaka, hamba si wukwendezwa ne likumbiko ne cilavya, hamba i vilavywa vyo kunyanya vili muvilima na zo wuwusa wubi.” Yalonga nha vivyo, hamba yiwe i vilavywa vivi vyose vikuwa kulavizywa mu wityatye wo Wulajilize.

Wahebelaniya 9:9

Ne nghani yiyi yo hwani ye vidaha vya lulu. Yikulajila vyono vilavya ne makumbiko vyono vikulavywa kuli Mulungu si vyosuma kuzinoza zinhumbula za wono wakuhemba ziwe zikwilaniciye,

1 Yohana 3:5

Kanyhi mumanyile nha vyono Kilisito yaza ho yawuwuse u wubi wetu, na vyono kanyhi muli mwene musina wubi wo wose.