Wahebelaniya 1:3 - I CILAGANE CIPYA 1991

³ U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu u Muwaha.

Luganuzi Luswanu Kuli Wanhu Wose 2002

³ U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu Mono Yalawiliciye.

Wahebelaniya 1:3 ပူးပေါင်းရင်းမြစ်များ

Matayo 22:24

Wakamulonjela wakutya “Go Mwijizi, ase Musa yacilonjela vyono u munhu mono yatolile hono yafwe si yalecile wana, ale yimunojeye u nduguye, yamutole yuyo u mucekulu mufwile, ho wamutujile wana u nduguye.

Maluko 16:19

Ale, u Muwaha Yesu yaza kondya kulongana nawo, yakabocelwa ku wulanga, yakekala ku lubavu lo kulume lo Mulungu.

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Yohana 1:4

U Mwene yali yo mwamulizo wo wumi; no wumi wuwo wali wuzelu we wanhu wose.

Metumo ge Watumwa 2:33

Yesu yananuswa kucanyha, sunga ku lubavu lo kulume lo Mulungu, yakabocela kuli Sogwe cicilya cipegwa cono yehuwiza, co Muhe Mono Yelile; holeka azi zono mukuwona alu no kuhulika, wo witice wa yuyo Muhe.

Metumo ge Watumwa 7:56

Yakatya, “Lanjenyi ta! Nghuwona wulanga wugubuce, no Mwana wo Munhu yemile u kulume ko Mulungu.”

Walumi 1:16

Hambi nha si nghuluwonela cevu u Luganuzi Luswanu; hambi nha vyo vilungo vyo Mulungu, vyono vikuwakomboza wose wono wakwihuwila, lulongozi kuli Wayahudi, nha vivyo na kuli wono si Wayahudi.

Walumi 8:34

Alo nani mono komuhosenyi? Hasina! Hambi Kilisito nha yo yafwa, kanyhi yakazuka muli wafu, na kanyhi yekaye ku muwoko wo kulume wo Mulungu. Nayo yakucilombela.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

Wakolosayi 3:1

Holeka hono muwe mwazukulanwa hamonga na Kilisito, muhidimbale kulondola za kucanyha, kono ko yuli Kilisito, yekaye ku lubavu lo kulume lo Mulungu.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Wahebelaniya 1:13

Kanyhi u Mulungu si yamulonjela hamba hadodo yunji wa muli wamalayika wakwe yatye, “Wikalaje ku muwoko wangu wo kulume sunga kolo nakondya kuwanoza i walugu wako wawe nha wukanyago we magulu gako.”

Wahebelaniya 10:12

Ninga Kilisito yalavya ilikumbiko limonga du ku soko yo wubi, i likumbiko lyono likondizye cibitilila, hanyuma yakekala ku lubavu lo muwoko wo kulume wo Mulungu.

Wahebelaniya 12:2

Akuno cikumulanga Yesu u mwamulizo u wihuwilo wetu, no kuwukwiza. Mono ku soko i nyemo yono yali yawiciywe u mwene yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Wahebelaniya 4:14

Hambi nha yicinojeye ciwibatilile lukulu u wihuwilo wetu. Hambi nha cina u Mukohani Muwaha, Yesu u Mwana wo Mulungu, mono yenjila mweneco sunga kuli Mulungu.

Wahebelaniya 7:27

Mwene si yenha awalya i wakohani wanji, yasina soko yo kukumbika nhondo zose, yinongozi ku soko yo wubi wakwe mweneco, na hanyuma ku soko yo wubi we wanhu. Mwene nha yanozeza lukulu kamonga du, mwipango lono yelavizya mweneco, nayo yakwiliye vilo vyose.

Wahebelaniya 8:1

Ale ne nghani mbaha yono cikuyilonga nha yoyi: Ase cina u Mukohani Muwaha we nha vivi, mono yali ku wulanga mono yekaye ku muwoko wo kulume we ligoda lyo wuwaha lyo Mulungu u Mudaha vyose.

Wahebelaniya 9:16

Hambi nha vyo yinha, i zinghani ze ndumilizo zono kalajilizaga munhu, nha zikuwa kuvumilwa du lono u wufwe wo munhu yuyo mono yawulavivye u wulajilize wuwo wakondya kukangazwa.

Wahebelaniya 9:26

hambi nha hono yali yiwe nha vivyo, nha yali yimunojele Kilisito yagazwe kali kenji ku wulawa mu mwamulizo wo wuwumbwe we yinze. Ninga alu vipango avi lono vikusejelela ku mudumo wayo, u mwene yejela kamonga du, ho yawuwuse u wubi mu wilavya mweneco kuwa ikumbiko.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

1 Petelo 3:22

mono yabita ku wulanga, nalu yekaye ku lubavu lo Mulungu, yawatemile wamalayika, ne wawaha, na wono walawiliciye.

2 Petelo 1:16

Mu vilo vyono cawejizenyi ze nyiza yakwe mbaha u Mutwa wetu Yesu Kilisito, sicatyatya zisimo ze cibwete bwete zono zisina nhunizo yo yose. Ase cikawuwona ulukumyo lwakwe na meso getu co weneco.

2 Petelo 1:17

Ase cali baho mu cipango cono yapelelwa icogopo no kukumywa no Mulungu Sogo yo munhu, lono lizi likamuziza kulawa kuli mwene, mono yo Lukumyo Luwaha, likutya, “Ayu yo Mwanangu mwendece mono nyendezwe nayo.”

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.

1 Yohana 3:5

Kanyhi mumanyile nha vyono Kilisito yaza ho yawuwuse u wubi wetu, na vyono kanyhi muli mwene musina wubi wo wose.

Yuda 1:25

kuli u Mulungu mono yali wene, u Mukombozi wetu, lweze lukumyo, Wuwaha, vilungo, hamonga no wutemi, muli Kilisito Muwaha wetu, kulawa i katali na katali, na lulu hose, na ku cibitilila. Heya.

Wugubule 3:21

“Wono wosuma, ale wawo nowekaza hamonga nane mwigoda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”