Wagalatiya 4:3 - I CILAGANE CIPYA 1991

³ Nha vivyo nase lono cali cikali wadodo, cali cili wafugwa we myuhe yono yitemile mononze.

Luganuzi Luswanu Kuli Wanhu Wose 2002

³ Nhavivyo nase lono cali cikali wadodo, cali cili wafugwa we myuhe yono yitemile mononze.

Wagalatiya 4:3 ပူးပေါင်းရင်းမြစ်များ

Matayo 11:28

Ale, muze kuliʼne anye wose mono mukugazika, na mono muvunice ne mitegulo yenyu, nane nomucehezenyi.

Yohana 8:31

Yesu yakawalonjela Wayahudi wawalya wono wamwihuwila, yakatya, “Hono mwibate i mejizo gangu, mbeka mowa wejizwa wangu.

Metumo ge Watumwa 15:10

Alu so cici mukumujela Mulungu, ko kuwatwika wawo iwejizwa u mutegulo wono hamba wa kuku zetu hamba sese du, si casuma kuwudinghula?

Walumi 7:14

Cimanyile vyono, Wulajilize wo we cinya muhe, ninga ane nili wa mu muwili, muguzwa mu wuwanda wo wubi.

Walumi 8:15

Hambi u Muhe mono mwamubocela, nha si Muhe mono komunozenyi muwe wawanda kanyhi, no kumuwicenyi mu woga, ninga mwamubocela u Muhe mono yakumunozenyi anye, ho muwe wana wo Mulungu, na mu vilungo vyo Muhe yuyo, nase cosuma kumucema u Mulungu, “Aba” wo wutya, “Baba.”

2 Wakolinto 11:20

Mukusuma kumukangalilila sunga no munhu mono yakumunozenyi muwe wawanda, u munhu mono ya kumusolelenyi vinhu vyenyu, mono yakumwiwonelenyi, mono yakumubedegalenyi no kumutowenyi ku wusu!

Wagalatiya 2:4

hamba yiwe hali howali wandugu wo wulambi wono wali wahijiliye Tito yalame. I wanhu wawa weyinjiza ko wusugu, wakawa kuwulondola u welecele wetu wono cina nawo muli Kilisito Yesu, ho wacinjize mu wuwanda.

Wagalatiya 3:19

Alu u Wulajilize waci? Wonjelezwa ho wuwulajile u wuhodanji co cici, sunga kolo yakuza ayulya wo lulelo lwa Abulahamu mono yalaganizwa. U Wulajilize waletwa na malayika ko muwoko wo mulamuzi.

Wagalatiya 4:2

Mwipango lilyo lyose yakuwa yali mu mawoko ge walanjilizi ne wanyamhala, sunga vize vifice i vilo vyono vyatemezezwa no sogwe.

Wagalatiya 4:24

I zinghani zizo zikuwa nha hwani, i wacekulu wawo wejete yo hwani ye vilagane vyejete, i cilongozi co acilya cono canozezwa mwitunda lya Sinayi, ne hanhu hayo yo Hagali, ne wanagwe walelelagwa mu wuwanda.

Wagalatiya 4:25

Nayo Hagali yakuwa nha lyo litunda lya Sinayi lyono lili ku Alabiya, nayo yo hwani ya Yelusalemi ya lulu yono yili mu wuwanda hamonga ne wanagwe.

Wagalatiya 4:31

Holeka wandugu zangu, ase si cili wana wo muwanda, langa wo mucekulu mono si muwanda.

Wagalatiya 4:8

I katali vyono mwali si mumumanyile u Mulungu, holeka mwayitumamilaga milungu yono si milungu ye mbeka.

Wagalatiya 4:9

Ninga alu vyono mwakondya kumumanya u Mulungu, lunji citye vyono mwakondya kumanyika no Mulungu, alu nhawule kanyhi mukuwuya ne nyuma no kuyitumamila kanyhi myuhe ayilya miciwa kanyhi yisoceye?

Wakolosayi 2:20

Anye mwafwizana hamonga na Kilisito no kukombozwa mu vilungo vye myuhe yono yitemile ya mononze. Alu nhawule kanyhi mwikaye mu mikalile ya kotya muli we yinze yiyi? Na so cici muwicilwe wulajilize,

Wakolosayi 2:8

Mulanjilile, munhu yunji yalece kumwajilizenyi ko wusugu no wukoci we wanhu wono wusina cambuzi, wono wukulawilila mu mejizo ge zisimo ze wanhu, na mu myuhe yono yitemile, hamba si Kilisito mweneco!

Wahebelaniya 5:12

Ninga alu yali yimunojelenyi muwe mweza muli wejizi, ninga kumbe mukali mukusaka munhu yunji wo kumwijizenyi i mejizo malongozi ge nghani yo Mulungu, holeka mwaweza nha mukusaka mele, hamba si ndigwa nghavu yaye.

Wahebelaniya 7:16

U mwene si yanozwa yawe mukohani mu nzila yo wulajilize ne malajilizo ge cimunhumunhu, langa mu vilungo vyo wumi wono wusina mudumo.