Wafilipi 2:7 - I CILAGANE CIPYA 1991

⁷ Ninga yakenda kuzileka zizo zose mweneco, yakasola u wuwe wo mwitumami, yakawa yenha wanhu yakehwana kotya wanhu.

Luganuzi Luswanu Kuli Wanhu Wose 2002

⁷ Ninga yakenda kuzileka zizo zose mweneco, yakasola u wuwe wo mwitumami, yakawa yenha wanhu yakehwana kotya wanhu.

Wafilipi 2:7 ပူးပေါင်းရင်းမြစ်များ

Matayo 12:18

“Langa ta, ayu yo mwitumami wangu mono nimuhaguye, u mwendece wangu, mono yakunyendeza mu nhumbula yangu. Nane nowuwika u Muhe wangu muli mwene, Nayo koganula ze ningʼaniza yangu kuli wanhu wose.

Matayo 20:28

Na vyo nha vivyo, u Mwana wo Munhu nayo, si yaza ho yetumamilwe, langa ho yetumame, no kuwulavya u wumi wakwe ho wuwe wukombozwe wa wanhu wenji.”

Maluko 9:12

Nayo yakawatya, “Heya, Eliya kokwamula kuza kuviwikaniza vyose. Ninga hamba nha vivyo, nhawule, lu, yandicigwe mu Mandiko Gono Gelile, vyono u Mwana wo Munhu kotuga magazo menji no kobedegalwa?

Luka 22:27

Hambi wa hayi muwaha, mono yekaye ha ndigwa, hamba mono yakwitumama? Ane nghuwona, yuyu mono yekaye ha ndigwa yo muwaha. Ninga hamba yiwe nhavivyo, ane hali nyenye ninha mono yakwitumama.”

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Walumi 1:3

No Luganuzi luluno Luswanu, lukulonga za muli Mwanagwe u Muwaha wetu Yesu, mono ku muwili, yalelelwa mu mbeyu ya Dawudi,

Walumi 15:3

Hambi na Kilisito nha si yeyendeza mweneco, nha vyono gakutya i Mandiko, “I zimbi zose zono wakulongaga gwegwe, zikangwila nene.”

Walumi 15:8

Hambi nha nghumulonjelenyi vyono Kilisito yawetumamila iwayahudi, ho yawalajile u Wihuwilwa wo Mulungu, no wihuwizo wono u Mulungu yawapela i wasogo zetu ho wufisilizwe,

Walumi 8:3

U Mulungu yaketuma, yono u Wulajilize si wasuma kwituma so wusocele wo munhu. U Mulungu yakamutuma u mwanagwe, mu hwani yono yilingʼaniye no muwili wetu ase co wanyo wubi ho vidome no wubi na so muwili wuwo, yakawusuma u wubi.

2 Wakolinto 13:4

Hamba yiwe nha yatumbicilwa mu musalaba mu wusocele, ninga alu yakuwumipa kwe vilungo vyo Mulungu. Nase cisoceye nha vivyo so wilunza nayo, ninga ciwumipana hamonga nayo kwe vilungo vyo Mulungu ku soko yenyu.

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

Wagalatiya 4:4

Ninga i vilo vyali vyeza kufika, u Mulungu yamutuma u Mwanagwe mono yalelwa no mucekulu, yakekala mu Wulajilize,

Wafilipi 2:6

U Mwene ku cihuma, nhondo zose yali Mulungu ninga si yehwesa vyono u wuwa sawa no Mulungu ceze nha cinhu cono cidahile kudindimilwa kwa vilungo.

Wahebelaniya 12:2

Akuno cikumulanga Yesu u mwamulizo u wihuwilo wetu, no kuwukwiza. Mono ku soko i nyemo yono yali yawiciywe u mwene yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Wahebelaniya 13:3

Mweze kuwakumbucila wawopwa nanye muwe nha kotya muwopanwe nawo. Kanyhi mweze kotya mukugazika nha weneco.

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.