Wafilipi 1:15 - I CILAGANE CIPYA 1991

¹⁵ Yili mbeka, ho wali wayawo wanji wono wakumuganula Kilisito kusoko vyono wena wivu, kanyhi wo wanhu wono Wendile wugombane, ninga wanji wakumuganula Kilisito kwa mutima muzelu.

Luganuzi Luswanu Kuli Wanhu Wose 2002

¹⁵ Yili mbeka, ho wali wayawo wanji wono wakumuganula Kilisito ku soko vyono wena wivu, kanyhi wo wanhu wono wendile wugombane, ninga wanji wakumuganula Kilisito kwa mutima muzelu.

Wafilipi 1:15 ပူးပေါင်းရင်းမြစ်များ

Matayo 23:5

Iwene izawo zose, wetumaga du ho wanhu wawawone. Hambi nha wendile kuvwala ha wusu wawo na mu miwoko yawo icitambala cono cihonele malajilizo, kanyhi wendile konjeleza ne masune mu majoho gawo.

Metumo ge Watumwa 10:36

Ayi yo nghani yo Mulungu yono yawategulila iwana wa Isilayeli, yakuganula u Luganuzi Luswanu lono lukule ta mulamu muli Yesu Kilisito, mono yo Muwaha wa wose.

Metumo ge Watumwa 11:20

Ninga hali ho wali na wanji wayawo, wono walawa ku Kupulo na Kilene, nawo wakabita ku Antiyokiya, wakayiganula nghani yiyo kuli we makungugo ganji, wakuwaganulila Luganuzi Luswanu lo Muwaha Yesu.

Metumo ge Watumwa 5:42

Nawo wakajendelela nhondo zose kwijiza no kuganula Luganuzi Luswanu lwa Yesu, mu Nyumba yo Mulungu na mu zikaya ze wanhu vyono mwene yo Kilisito.

Metumo ge Watumwa 8:35

Nayo Filipo yakamulila ha Mandiko gago Gono Gelile, yakamuganulila za Yesu.

Metumo ge Watumwa 8:5

Nayo Filipo yakatima sunga ko kwikaya lya Samaliya, yakawaganulila Iwasamaliya za Kilisito.

Metumo ge Watumwa 9:20

Lo lulo lulo Sawulo yakamula kulonga mu matangʼanilo gawo go wuhembelo, vyono Yesu yo Mwana wo Mulungu.

Walumi 2:8

Ninga awalya wanji wono wakulema izinghani ze mbeka, langa wakutyatya izimbi, u Mulungu kolowamwajila ilikuwo no wukali wakwe.

1 Wakolinto 1:23

ninga se, cikumuganula Kilisito du mono yatumbikwa mu musalaba. Ninga kuli Wayahudi inghani yiyi, yili cikobazo kuli wene, na kuli iwanhu we makungugo, inghani yiyi, wulele du kuli wene,

1 Wakolinto 13:3

Na hono ndavye i sawo yangu yose no kuwapela waciwa, na hamba niwulavye muwili wangu wunyanywe mu moto, ninga hono niwe sina wendo, azo zose si zonghwila cinji yaye.

2 Wakolinto 1:19

Vyono Kilisito Yesu, u Mwana wo Mulungu, mono ane na Silivano na Timoteyo camuganulilenyi anye, si yali munhu wa “Heya” na “Ngʼo,” langa u mwene yo “Heya” yo Mulungu nhondo zose.

2 Wakolinto 11:13

Hambi wawo nha wo watumwa wo wulambi, wetumami wo wukonji, wono wakwinoza nha watumwa wa Kilisito.

2 Wakolinto 12:20

Nane nghogopa vyono na lunji kolo nghuza kwenyu, nomwaganenyi mu wuwe wono si wukunyendeza, nane baho lu, si noleka kuwa mu wuwe wono si mwendile nanye. Nane nghogopa yilece kuwa lunji ko wuli wugombane, wivu, makuwo, wubuguci, maheho, nzwaji ze caka caka, wusomenghanya, wiwoni, no wisagale muli nyenye.

2 Wakolinto 4:5

Hambi ase, nha si cikwiyiganula sese co weneco, langa se cikumuganula Kilisito mono yo Muwaha, nase nha cili wetumami wenyu kusoko ya Yesu.

Wagalatiya 2:4

hamba yiwe hali howali wandugu wo wulambi wono wali wahijiliye Tito yalame. I wanhu wawa weyinjiza ko wusugu, wakawa kuwulondola u welecele wetu wono cina nawo muli Kilisito Yesu, ho wacinjize mu wuwanda.

Wafilipi 2:3

Mulece kwitumila nghani yo yose mu mutima wo wivu, hamba mu widunhumuzi wa bwete, mweze mwina winenenyhezi nyenye wose, na munhu wo wose yamuwonaje muyagwe yo yamucizize lilumbo sinha mweneco.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.