Waefeso 6:1 - I CILAGANE CIPYA 1991

¹ Mo wana, muwahulice walezi wenyu mu Cikilisito, hambi yiyi nha yo nghani swanu.

Luganuzi Luswanu Kuli Wanhu Wose 2002

¹ Mo wana, muwahulice walezi wenyu mu Cikilisito, hambi yiyi nha yo nghani swanu.

Waefeso 6:1 ပူးပေါင်းရင်းမြစ်များ

Luka 2:51

Hodu, yakawuya nawo sunga ku Nazaleti. Yakawa ne cihuliko kuli wene. U nyina yakazikamisa zinghani zizi zose mu nhumbula yakwe.

Walumi 12:2

Kanyhi mulece kwiga imikalile ya lulu ya mononze yiyi, langa u Mulungu yamupitulenyi mu zinhumbula zenyu ko kugapitula imahala genyu. Baho langa ho mosuma kuwumanya u wuhile wo Mulungu, no kuyizuka inghani yono swanu, yono yikumunojeza, kanyhi yono yikwilaniciye.

Walumi 16:2

Mumubocelele muli Muwaha nha vyono yiwanojeye iwanhu wo Mulungu. Mumupelaje no wutazi wo wose wono kowusaka kulawa kwenyu, hambi mweneco nha kawezaga mutazi wa wenji, kanyhi sunga na kuli nene no mweneco.

Walumi 7:12

Holeka Wulajilize weneco welile, sunga ne lilajilizo lyeneco nalyo lyelile, kanyhi lili lingʼani, kanyhi, yiswanu.

1 Wakolinto 15:58

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma vyono si wolokwajilila bwete.

1 Timoteyo 5:4

Ninga u mufwile mono yena wana hamba wezukulu, awo wawo yiwanojeye wamule weyijize kuwanozeza viswanu we mhuga zawo weneco, na mu nzila yiyo, ho wosuma kuwanemya i walezi wawo hamonga ne wakuku zawo nha vivyo, hambi yiyo nha yo nghani yono yimwendezago Mulungu.

1 Petelo 2:13

Ale, mweze muli cihuliko kuli zose zono zikutemywa ne wanhu ku soko yo Muwaha. Cihuliko kuli mutemi u munya wutemi,