Waefeso 5:8 - I CILAGANE CIPYA 1991

⁸ Hambi ikatali nha mwali mu wutitu, ninga alu mweza muli mu wuzelu so wilunze wenyu no Muwaha. Holeka mwikalaje nhe wana wo wuzelu,

Luganuzi Luswanu Kuli Wanhu Wose 2002

⁸ Hambi ikatali nha mwali mu wutitu, ninga alu mweza muli mu wuzelu so wilunze wenyu no Muwaha. Holeka mwikalaje nhe wana wo wuzelu,

Waefeso 5:8 ပူးပေါင်းရင်းမြစ်များ

Matayo 3:8

Ale, alu, mulajile mu metumo genyu, vyono mwanena mbeka mbeka.

Matayo 4:16

Iwanhu wono wekalaga kutitu alu wawona u wuzelu wuwaha. Na walya wono wekalaga mu yisi nhitu ye lifwa, na mu muzizi we lifwa, alu wuzelu wuwabulilila!”

Luka 1:79

kuwamulicila wono wekaye mu citi ce lifwa. No kuyitonga migulu yetu mu nzila yo mulamu.”

Luka 16:8

Yuyo muwaha, yakamukumya yuyo mwitumami mono si mwihuwilwa, vyono yanoza ko wusugu. Hambi wanhu wa kononze yiyi, nha wasugu muno kuli zawo si nhe wanhu wo wuzelu.

Yohana 1:9

Awu wo wuzelu we mbeka, u wuzelu wono wukuza mono yinze, no kuwamulicila wanhu wose.

Yohana 12:35

Yesu yakawatya, “Cikali cidaha cidodo, u wuzelu mwina nawo. Holeka mujende lono mukali mwina wuzelu wuwo, ho citi cilece kumwaganenyi, kusoko mono yakujenda mu citi, si yamanyile na kono yakubita.

Yohana 12:36

Holeka lono mukali mwina wuzelu, muwihuwilaje wuwo wuzelu, ho muwe wana wo wuzelu.” Yesu yaza kukondya kulonga zizi, yakawuka, yakehundika.

Yohana 12:46

Ane naza, ho niwe wuzelu kononze, muli wose wono wonyihuwila, walece kwikala mu wutitu.

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Metumo ge Watumwa 17:30

Imyaka lono iwanhu wali wakali walele u Mulungu yakenoza kotya nha siyakuwona. Ninga alu yakuwalajiliza wanhu wose kono walila, wanene wayilece imikalile yawo mibi.

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Walumi 1:21

Kusoko hamba wawe wakondya kumanya vyono u Mulungu yali baho, ninga si wakumupela ililumbo lyono limunojeye, hamba si wamulumbaga. Langa wene waco, wehwesaga zo wulele du, ne mahala gawo vyono gasina cinji, gamemile wutitu.

Walumi 13:12

Icilo ceza malika, no wusiku weza behi kwela, Holeka alu, cilecele lukulu kwituma imetumo ge citi, langa civwale ivitwalo vyo kwihomela mu wuzelu.

Walumi 2:19

kanyhi wukwiwona nha wuli mutonji we wabofu, no wuzelu kuli wono wali mu citi,

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

2 Wakolinto 3:18

Holeka ase wose mono si cifunicize wusu wetu, ale cikumulajilila lukumyo lo Muwaha kotya nha mwilole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

2 Wakolinto 6:14

Mulece kwihwana ne wanhu wono si wehuwiye. Alu mbi u wuswanu no wavu, vyosuma kwilumvya? Hamba u Wuzelu no wutitu, vyosuma kuwezana hamonga?

Wagalatiya 5:25

Holeka hono cikale mu wutazi wo Muhe, ale, ciwutyatyaje no wutonji wayo.

Waefeso 2:2

Na mwipango lilyo mwekalilaga mu mikalile mibi ya mononze yiyi, nanye mukawa mukumuhulika u muwaha wo muhe mubi we vilungo wa mu mwanya, wo muhe wono wuwatemile alu, iwanhu wono si wakumuhulika u Mulungu.

Waefeso 4:18

ne mahala gawo gali mu wutitu. Wali kutali no wumi wo Mulungu, ku soko yo wulele wono wuli muli wene so cibede cawo.

Waefeso 5:2

Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

Waefeso 6:12

Hambi u wulugu wetu nha si cikwihoma ne wanhu, langa cikwihoma ne litewa lyavu lya mu yinze ye cimuhe, cikwihoma ne watemi, ne wawaha na wono wena i vilungo, wono wayitemile i yinze yiyi ye citi.

Wakolosayi 1:12

Akuno mukumulumba kwa nyemo u Sogo yo munhu mono yamupelenyi u wusume ho muwe ne fungu lyenyu mu zinghani zo Mulungu zono yawawicila i wanhu wakwe mu wutemi wo wuzelu.

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

Tito 3:3

Hambi mu vipango vinji, nase nha cali walele, kanyhi cili cibede, call cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.