Waefeso 5:6 - I CILAGANE CIPYA 1991

⁶ Mulece kumuvumila yunji yamukonjenyi na nghani zono zisina cambuzi, hambi nha kusoko ye zinghani zizo, ilikuwo lyo Mulungu likuwa kuwaziza iwana wono si wakumuhulika.

Luganuzi Luswanu Kuli Wanhu Wose 2002

⁶ Mulece kumuvumila yunji yamukonjenyi na nghani zono zisina cambuzi, hambi nha ku soko ye zinghani zizo, ilikuwo lyo Mulungu likuwa kuwaziza iwana wono si wakumuhulika.

Waefeso 5:6 ပူးပေါင်းရင်းမြစ်များ

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Matayo 24:4

Yesu yakawapitula yakatya, “Mwilanjililaje muno muno, ho mulece kukongwa na munhu wo wose.

Maluko 13:22

Hambi nha wolokwijela wanhu wo wulambi lambi wono wokwiyitya weneco yo Kilisito, ne wawizi wo wulambi lambi, nawo wolonoza vitanjilo ne mezino, ho wajilize i wahagulwa wo Mulungu, hono yisumice.

Maluko 13:5

Yesu yakanza kuwalonjela yakutya, “Musuguce ho mulece kukongwa na munhu.

Walumi 1:18

Ilikuwo lyo Mulungu, ligubuywe kulawa ku wulanga kusoko yo wubi ne masutya ge wanhu, wono kusoko ye zinzila zawo izimbi, wakuyimila imbeka, ho yilece kumanyika.

Wakolosayi 2:18

Kanyhi mulece kuvumila kulingʼanizwa na munhu yunji, mono yakwinoza nha munhu we lilumbo ku soko yo wuwona wupumulilwe wakwe, na kwisacila u winenenyhezi wo wulambi, no wuhembi wo kuhemba wamalayika. U munhu mono yenha nha vivyo yalelepeye mu mahala go wulele ge ciyinze yinze.

Wakolosayi 2:4

Holeka nghumulonjelenyi vyono, munhu wo wose yalece kumukonjenyi na nghani za wulambi, hamba ziwe nha swanu muno.

Wakolosayi 2:8

Mulanjilile, munhu yunji yalece kumwajilizenyi ko wusugu no wukoci we wanhu wono wusina cambuzi, wono wukulawilila mu mejizo ge zisimo ze wanhu, na mu myuhe yono yitemile, hamba si Kilisito mweneco!

Wakolosayi 3:6

Na ku soko ye makani gago, holeka i likuwo lyo Mulungu likuwa kuwaziza wose wono wasina cihuliko kuli mwene.

2 Watesalonike 2:3

Mulece kukongwa na munhu wo wose mu nzila yo yose yilya. Hambi i lizuwa lilyo nha silyosuma kuza, sunga awulya u Wubezi Wuwaha wamule kuza, ayulya u Munhu mubi yamule kwijela mono u mudumo wakwe wo wajilile wo lukulu.

Wahebelaniya 13:9

Mulece kutyatya ze mafundo ganji ganji ge cijenzi. I lihewa lyo Mulungu lyo likucisikamya i zinhumbula zetu, hamba si myoto ya mu wulye; hambi i malajilizo nha si gamutaza hamba hadodo u munhu wo wose mono yagatyatya.

Wahebelaniya 3:19

Holeka cikuwona vyono si wasuma kwinjila kuko, vyono wali si wehuwiye.

1 Petelo 2:8

Kanyhi i Mandiko gakutya, “Libwe lilyo lyo libwe lyo wikobale, italawe lyo kuwagwisa wanhu.” Ne wanhu wekobalaga vyono siwehuwila inghani yiyilya. Ku soko vyo watemezezwa kuwulawa mwamulizo.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.