Waefeso 5:2 - I CILAGANE CIPYA 1991

² Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

Luganuzi Luswanu Kuli Wanhu Wose 2002

² Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

Waefeso 5:2 ပူးပေါင်းရင်းမြစ်များ

Matayo 20:28

Na vyo nha vivyo, u Mwana wo Munhu nayo, si yaza ho yetumamilwe, langa ho yetumame, no kuwulavya u wumi wakwe ho wuwe wukombozwe wa wanhu wenji.”

Yohana 13:34

Nghumupelenyi ilajilizo yipya, mwiyendaje, nha vyono nimwendilenyi anye, nanye vyo mwiyendaje.

Yohana 6:51

Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Walumi 15:16

ho niwe mwitumami wa Kilisito kuli wanhu we makungugo. Wo mulimo wangu we cikohani kuwaganulila u Luganuzi Luswanu lo Mulungu, ho wanhu we makungugo ganji wawe yikumbiko lyono likuvumilwa no Mulungu, likumbiko lyono lyezigwe no Muhe Mono Yelile.

Walumi 4:25

U mwene yalavywa ho yawulagwe ku soko yo wubi wetu, kanyhi yakazukulwa, ase ho cisume kuvumilwa hali Mulungu.

Walumi 8:3

U Mulungu yaketuma, yono u Wulajilize si wasuma kwituma so wusocele wo munhu. U Mulungu yakamutuma u mwanagwe, mu hwani yono yilingʼaniye no muwili wetu ase co wanyo wubi ho vidome no wubi na so muwili wuwo, yakawusuma u wubi.

Walumi 8:37

Ninga muli zizi zose, cikutuga wusume wuwaha muno, ko wutazi wakwe mwene mono yacenda.

1 Wakolinto 16:14

Na zo zose zono mowa kunoza, ale, muzinozezaje mu wendo.

1 Wakolinto 5:7

Holeka mwiyezaje no kutajila lukulu cisase ce katali, ho muwe ibumundwa yipya lyono lisina cisase, nha vyono yinojeye kulinye muwe. Hambi Kilisito, i Pasaka yetu, nha yakondya kulavywa ikumbiko.

2 Wakolinto 2:14

Ninga u Mulungu yalumbwe, mono yakucilonga nhondo zose mu wilunza na Kilisito. U mwene yakucipela wusume wo kutandaza i mbeka ya Kilisito kotya nha mhunjile swanu muno hanhu hose.

2 Wakolinto 2:15

Hambi ase nha cinha mhunjile swanu yono Kilisito yakumulavizyo Mulungu, i mhunjile swanu yono yikuwaficila wanhu wose wono wakupona, na wono wakwajilila.

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

Wagalatiya 1:4

Kilisito yelavya mweneco ku soko yo wubi wetu, ku soko yo wendo wo Mulungu wetu no Sogo yetu, ho yaciponye mu yinze yiyi yimbi ya lulu.

Wagalatiya 2:20

ninga nghuwumipa, ninga yo si nene kanyhi, langa Kilisito yo yakuwumipa muli nene. No wumi wuwu wono nina nawo lulu, nghuwumipila u wihuwilo, u wihuwilo wa muli Mwana wo Mulungu mono yanyenda sunga yakelavya wumi wakwe ku soko yangu.

Waefeso 1:4

U Mulungu yacihagula lono yinze yali yikali si nawumbwa, ho ciwe cili wakwe mu wilunza na Kilisito, ho ciwe celile mono cisina hamba yilema hali mwene, ku soko yo wendo wakwe.

Waefeso 3:17

nayo Kilisito yekalaje mu zinhumbula zenyu ko wihuwilo. Nghumulomba muwe mukamile mu musinji wo wendo,

Waefeso 3:19

Kanyhi muwumanye no wendo wa Kilisito, wono wucizize wumanye wose, ho mumemywe u wukwilanicile wose wo Mulungu.

Waefeso 4:15

Ninga hono ciyikamise i mbeka na nhumbula yo wendo, cocila kwihwana na Kilisito muli vyose, mono yo Muwaha,

Waefeso 4:2

Mweze muli wenenenyhezi nhondo zose, muli wapolo, mwina ngola, mwiyikangalilaje nyenye wose mu wendo.

Waefeso 5:15

Ale mwilanjililaje mu mikalile yenyu. Mulece kwikala nhe walele, langa nha we mahala.

Waefeso 5:25

Nanye mo walume muwendaje iwagolece zenyu nha vyono Kilisito yalyenda Likanisa, yakelavya mweneco cilavya ku soko ye Likanisa.

Wafilipi 4:18

Ale, nakondya kuvibocela vinhu vyose vyono mukamhela, kanyhi yicizize kuciza na vyono navihilaga. Alu nina navyo vyose ku soko Epafulodito yakondya kundetela i vipegwa vyenyu. Vipegwa vivino vikuwa nha vilavya vye mhunjile swanu, ikumbiko lyono likuvumilwa no kumwendeza u Mulungu.

Wakolosayi 3:14

Ne mbaha yono yicizize zose, mwikalanaje mu wiyendi nyenye wose. Hambi u wendo nha wo wukuwa kuvilunziza i vinhu vyose mu wumonga wono wukwilaniciye.

1 Watesalonike 4:9

Hasina soko yo kumwandicilenyi vyono munojeye kuwenda i wandugu zenyu wono wehuwiye. Hambi nha mwijizwe no Mulungu vyono munojeye kwiyenda nyenye wose.

1 Timoteyo 2:6

mono yelavya mweneco ho yawakomboze iwanhu wose. Wuwo wali wo wuhomelezi we cipango cono u Mulungu yakuhila kuwaponya wanhu wose.

1 Timoteyo 4:12

Ulecele lukulu kulumba munhu wo wose ho yakubedegale ku soko yo wudodo wako, langa weze wuli musambo kuli wono wehuwiye: mu wulonje wako mu mijendele yako, mu wendo, wihuwilo, na mu mikalile miswanu.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Wahebelaniya 8:3

Hambi u Mukohani Muwaha wo wose nha yakuwikwa ho yamulavizye u Mulungu vilavya ne makumbiko, holeka no Mukohani wetu Muwaha yimunojeye nayo yawe ne cinhu co kulavya.

Wahebelaniya 9:14

Ninga mu sakami ya Kilisito zitumagwa nghani mbaha kuciza! Vyono mu vilungo vyo Muhe we cibitilila, Kilisito yelavya mweneco ho yawe ikumbiko lyono likwilaniciye kuli Mulungu. I sakami yakwe yocikwema i viselinji vyetu mu metumo gono gakuleta u wufwe, ho cimwitumamile u Mulungu u mumi.

Wahebelaniya 9:23

Ale i vinhu vivi vyono yo hwani du ya vye mbeka vya ku wulanga, vikawa vinojeye navyo vyezwe mu nzila yiyo. Ninga alu vya ku wulanga vikusaka ikumbiko liswanu lyono licizize.

Wahebelaniya 9:26

hambi nha hono yali yiwe nha vivyo, nha yali yimunojele Kilisito yagazwe kali kenji ku wulawa mu mwamulizo wo wuwumbwe we yinze. Ninga alu vipango avi lono vikusejelela ku mudumo wayo, u mwene yejela kamonga du, ho yawuwuse u wubi mu wilavya mweneco kuwa ikumbiko.

1 Petelo 4:8

Ne nghani mbaha muno muno, mwiyendaje yendi yendi kwe nhumbula yose, hambi uwendo nha wuhiliwizaga wubi winji.

1 Yohana 3:16

Ase cakondya kuwumanya wendo vyono co cici, hambi Kilisito nha yelavya u wumi wakwe ku soko yetu. Holeka nase yicinojeye ciwulavye u wumi wetu ku soko ye wandugu zetu.

1 Yohana 3:23

Ne lilajilizo lyakwe nha lyoli, Cimwihuwile u Mwanagwe Kilisito, no kwiyenda sese wose, nha vyono yacilajiliza.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe yakaciwopola kulawa mu wubi wetu,

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, wezinonga zose, ne wanhu wose ne zinghungugo zose.