Waefeso 4:5 - I CILAGANE CIPYA 1991

⁵ Koyuli Muwaha monga, wihuwilo wumonga no wubaputizo monga,

Luganuzi Luswanu Kuli Wanhu Wose 2002

⁵ Koyuli Muwaha monga, wihuwilo wumonga no wubaputizo monga,

Waefeso 4:5 ပူးပေါင်းရင်းမြစ်များ

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Metumo ge Watumwa 10:36

Ayi yo nghani yo Mulungu yono yawategulila iwana wa Isilayeli, yakuganula u Luganuzi Luswanu lono lukule ta mulamu muli Yesu Kilisito, mono yo Muwaha wa wose.

Metumo ge Watumwa 2:36

“Ne mhuga yose ya Isilayeli yiwanojeye wamanye manyi manyi, nha vyono, u Mulungu yamunoza yuyo, kuwa yo Muwaha kanyhi yo Kilisito, yuyo Yesu mono mwamutumbika nyenye.”

Walumi 3:30

Mulungu yo yumonga, nayo kowanoza i Wayahudi wavumilwe hali mwene so wihuwilo wawo, ne wanhu we makungugo ganji nawo, so wihuwilo wawo.

1 Wakolinto 1:13

Alu wo wutya, Kilisito Mwene yatemanuce? Hamba lunji Pawulo yo yatumbikwa mu musalaba ku soko yenyu? Hamba kowa lunji mwabaputizizwa mwitagwa lya Pawulo lo?

1 Wakolinto 1:2

nase, cikumwandicilenyi anye mono muli likanisa lyo Mulungu lyono lili kuko ku Kolinto. Anye mono mwakondya kwezezwa mu wilunza na Kilisito Yesu, kanyhi mukacemwa ho muwe wanhu wo Mulungu, hamonga ne wanhu wose, hanhu ho hose, wono wakumulomba u Muwaha wetu Yesu Kilisito, u Muwaha wawo, sunga na sese nha vivyo.

1 Wakolinto 12:13

Hambi ase hamba ciwe cili Wayahudi, hamba ciwe cili wanhu we makungugo ganji, i wawanda, hamba wono si wawanda, wose cabaputizizwa mu Muhe monga du, mu muwili wuwo monga, kanyhi ase wose cikangʼweswa yuyo Muhe monga.

1 Wakolinto 12:5

No witumami nawo wuli henji, ninga u Muwaha munyakwitumamilwa yo yumonga du.

1 Wakolinto 8:6

hamba nha vivyo, kuliʼse koyuli Mulungu yumonga du, Baba, u Muwumbi we vinhu vyose, mono sunga na sese nase cili baha ku soko yakwe. Na kanyhi, koyuli u Muwaha yumonga du, yo Yesu Kilisito, mono nayo mu nzila yakwe, vinhu vyose vikawumbwa, na mu nzila yakwe na sese nase mo cikuwumipila.

2 Wakolinto 11:4

Hambi nye nha mukumukangalila u munhu wo wose mono kokuza no kumuganula Yesu mono yesimajiye na yulya mono camuganula, kanyhi mukubocela muhe no luganuzi vyono visimajiliye lukulu no Muhe no Luganuzi vyono mwayibocela kulawa kuliʼse.

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.

Waefeso 4:13

Sunga cize ciwuficile u wumonga wo wihuwilo no kumumanya u Mwana wo Mulungu; ho ciwe wanhu wono cikangaye no kuwuficila u wukwilanicile wa Kilisito mweneco.

Wafilipi 2:11

Na munhu wo wose yavumile vyono Yesu Kilisito yo Muwaha, mu lukumyo lo Mulungu Baba.

Wafilipi 3:8

Heya, hamba si nha vivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene ane navumila kugaleka gose, nane nghagawona gago gose nha takataka, ho nimutuje Kilisito,

Tito 1:1

Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatanga ho wayimanye i mbeka yo wuhembi wetu,

Tito 1:4

Nghukwandicila agwe Tito go mwanangu we mbeka mu wihuwilo wono cihanjile sese wose. Ilihewa no mulamu wono wukulawa kuli Mulungu Baba, na kuli Kilisito Yesu, u Mukombozi wetu.

Wahebelaniya 13:7

Mweze kuwakumbucila i walongola wenyu wono wamulonjelenyi i nghani yo Mulungu. Mwihwesaje ze njenda yawo, muwegaje u wihuwilo wawo.

Wahebelaniya 6:6

hanyuma kanyhi wakawa kuwubena u wihuwilo wawo! Si yosumika kuwagomola ho wanene kanyhi, vyono wakumutumbika kanyhi u Mwana wo Mulungu kejete, kanyhi wakumupela cevu ca cagalanze.

Yakobo 2:18

Ninga munhu yadahile kutya, “Agwe wina wihuwilo, ane nina metumo!” Ale! Undajile ta vyono munhu kowa yena wihuwilo wono wusina metumo, nane nokulajila wihuwilo wangu mu metumo gangu.

1 Petelo 3:21

I lilenga lyono lyali yo hwani yo wubaputizo wono wukumuponyenyi nyenyeʼlu. Wubaputizo si nghani yo wuwusa makwe mu muwili, langa co cilagane kuli Mulungu cono cinozezagwa mu ciselinji ciswanu. Cikumuponyenyi mu nzila yo wuzuce wa Yesu Kilisito,

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

Yuda 1:20

Ninga anye mo wendece, mujendelele kwiyizenga mu wukwilanicile mu wihuwilo wenyu wono welile. Mweze kulombela mu vilungo vyo Muhe Mono Yelile.

Yuda 1:3

Anye wandugu zangu wendece, lono nghali nili mu wupiligazi wo kumwandicilenyi muli zo wukombozi awulya wono cihanjile wose hamonga, mbona vyono yinojeye nimwandicilenyi, kanyhi nimuswaswanizenyi ho mujendelele no wihomi ku soko yo wihuwilo wono Mulungu yawapelela lukulu i wanhu wakwe lwa kamonga du.