Waefeso 4:4 - I CILAGANE CIPYA 1991

⁴ Ko wuli muwili wumonga no Muhe monga nha vyono winha u witumbilo wumonga wono mwacemelwa no Mulungu.

Luganuzi Luswanu Kuli Wanhu Wose 2002

⁴ Ko wuli muwili wumonga no Muhe monga nha vyono winha u witumbilo wumonga wono mwacemelwa no Mulungu.

Waefeso 4:4 ပူးပေါင်းရင်းမြစ်များ

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Metumo ge Watumwa 15:11

Yilece kuwa nhavivyo, ninga cihuwiye vyono, sese na weneco nha vivyo, cikupona mu nzila ye lihewa lyo Muwaha Yesu.”

Walumi 11:29

Hambi u Mulungu, nha si kawonaga vyono vibi, lono yakondya kuwapela iwanhu ivipegwa vyakwe no kuwasiwanula.

1 Wakolinto 10:17

Nha vyono mukate wuwo wo monga, ale, ase nase hamba ciwe nha cili wenji, ninga cikunoza muwili monga, vyono ase wose cikuhanga u mukate wuwo du wumonga.

1 Wakolinto 12:20

Hambi i mbeka nha yoyi, i vilunzwa vyo muwili vyo vinji, ninga muwili wo monga du.

2 Wakolinto 11:4

Hambi nye nha mukumukangalila u munhu wo wose mono kokuza no kumuganula Yesu mono yesimajiye na yulya mono camuganula, kanyhi mukubocela muhe no luganuzi vyono visimajiliye lukulu no Muhe no Luganuzi vyono mwayibocela kulawa kuliʼse.

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Waefeso 2:16

Kilisito yakawusiza lukulu u wulugu wawo, ko muwili wakwe, na ko musalaba wakwe yakawalunza wose vyono wejete wakawa ndugu monga, yakawalamula no Mulungu.

Waefeso 2:18

Holeka mu nzila yakwe ase wose, Wayahudi ne wanhu we makungugo ganji, cosuma kumubitila Baba mu Muhe monga.

Waefeso 2:22

Nanye nha vivyo mu wilunza nayo, mukuzengwa hamonga ne wanhu wanji, ho muwe wikalo wo Mulungu mu nzila yo Muhe wakwe.

Waefeso 4:1

Holeka ane mono nili muwopwa kusoko vyono nghumwitumamila u Muwaha, nghumunenenyi mwikalilaje mu mikalile yono yiwunojeye u lucemo lwenyu lono mwacemelwa.

Waefeso 5:30

hambi ase nha cili vilunzwa vyo muwili wakwe.

Wakolosayi 1:5

Hambi nha mwahulika zo witumbilo wono wukwijela muli mwene baho ha lulongozi du, lono mwayihulicila inghani ye mbeka yo Luganuzi Luswanu. Holeka aluno u wihuwilo wenyu, no wendo wenyu, vili mu nghani yiyilya yono mwayitumbila yono muwiciywe viswanu ku wulanga.

Wakolosayi 3:15

No mulamu wa Kilisito wuteme mu zinhumbula zenyu, hambi ku soko yiyo, nanye nha mwacemwa ho muwe muwili wuwo wumonga. Kanyhi muwe mwina lilumbo!

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

1 Timoteyo 1:1

Nene Pawulo umutumwa wa Yesu Kilisito ku soko ye lilajilizo lyo Mulungu u Mukombozi wetu na Yesu Kilisito u witumbilo wetu,

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lwo Mulungu Muwaha no Mukombozi wetu Yesu Kilisito.

Tito 3:7

na ku so Uhewa lyakwe ho cisume kuvumilwa hali Mulungu no kuwubocela u Wumi we cibitilila wono ciwitumbiye.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

1 Yohana 3:3

Na muli wose mono yena u witumbilo wuwu muli Kilisito yakwiyeza, nha vyono u mwene Kilisito yelile muno.