Waefeso 4:30 - I CILAGANE CIPYA 1991

³⁰ Mulece kumukalaza u Muhe Mono Yelile wo Mulungu, hambi yuyo u Muhe nha yo citanjilo co Mulungu kuli nyenye, vyono anye muli wanhu wakwe, kanyhi co cihomelezi vyono ilizuwa lyokuza lono u Mulungu kolomukombozenyi.

Luganuzi Luswanu Kuli Wanhu Wose 2002

³⁰ Mulece kumukalaza u Muhe Mono Yelile wo Mulungu, hambi yuyo u Muhe nha yo citanjilo co Mulungu kuli nyenye, vyono anye muli wanhu wakwe, kanyhi co cihomelezi vyono ilizuwa lyokuza lono u Mulungu kolomukombozenyi.

Waefeso 4:30 ပူးပေါင်းရင်းမြစ်များ

Maluko 3:5

Baho u mwene Yesu yakawalanga wose kwe kuwo, akuno yakukalala ku soko yo wukamu we zinhumbula zawo. Hanyuma yakamulonjela umunhu yuyo, yakutya, “Golola muwoko wako!” Nayo yakawugolola u muwoko wakwe, nawo wukawa wapona kanyhi.

Luka 21:28

Ninga gaga kolo gakwamula kwijela, mwinule mitwe yenyu mugalamile kucanyha, vyono wukombozi wenyu wasejelela.”

Yohana 3:33

Ninga munhu wo wose mono yakuwubocela wuhomelezi wakwe, yakukangaza vyono, Mulungu yo we mbeka.

Metumo ge Watumwa 7:51

“Anye mo wakamu ku wuhulice! Izinhumbula ne makutu genyu vinha vye wanhu we makungugo. Anye mwinha iwasogo zenyu. Nhondo zose mumwimilaga u Muhe Mono Yelile.

Walumi 8:11

U Muhe wo Mulungu, mono yamuzukula Kilisito mu wafu, hono yekale muli nyenye, yuyo mono yamuzukula Kilisito mu wafu, koloyiwumifya miwili yenyu yono yifwizaga, so Muhe wakwe mono yekaye muli nyenye.

Walumi 8:23

Hamba si viwumbwa vivyo vili wene du, langa sunga na sese mono cina u Muhe, mono yo cipegwa cilongozi muli vipegwa vyo Mulungu, sunga na sese co weneco cikulilanzika mu zinhumbula zetu, akuno cikulanjilila kunozwa wana wo Mulungu, no wukombozwe wo muwili wetu.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

1 Wakolinto 15:54

Holeka u muwili wuwuno wono wuhodanjikaga wula weza kuwa wavwala u wuwe wono si wuhodanjikaga, naco cono cifwizaga cila ceza kuwa cavwala u wuwe wono si wufwizaga, ale baho nhondo ho yoloficilila i nghani yono yandikwa, yono yikutya, “U wufwe wawusizwa lukulu, ne cisumisumi cakondya lu kukwilanicila!”

1 Watesalonike 5:19

Mulece kumwimila u Muhe Mono Yelile;

Wahebelaniya 10:29

Wulenyi, u munhu mono yakumubedula u Mwana wo Mulungu, no kuyibedegala i sakami ye cilagane co Mulungu cono ca mweza, u munhu yuyo mono yakumutovula u Muhe wo Mulungu, yimunojeye yapegwe wulipicizwe wuwaha nha cici?

Wahebelaniya 3:10

Ku soko yiyo nane nghawakolelwa likuwo i wanhu wawa, nghawa kutya, “I mahweso ge wanhu wawa gajiliye, wakali si nazimanya zinzila zangu.”

Wahebelaniya 3:17

Kanyhi wa nani wono u Mulungu yawakolelwa likuwo mu myaka makumi mane kuko ku nyika?