Waefeso 4:23 - I CILAGANE CIPYA 1991

²³ Mwinozaje wupya mu zinhumbula na mu mahala genyu.

Luganuzi Luswanu Kuli Wanhu Wose 2002

²³ Mwinozaje wupya mu zinhumbula na mu mahala genyu.

Waefeso 4:23 ပူးပေါင်းရင်းမြစ်များ

Walumi 12:2

Kanyhi mulece kwiga imikalile ya lulu ya mononze yiyi, langa u Mulungu yamupitulenyi mu zinhumbula zenyu ko kugapitula imahala genyu. Baho langa ho mosuma kuwumanya u wuhile wo Mulungu, no kuyizuka inghani yono swanu, yono yikumunojeza, kanyhi yono yikwilaniciye.

Walumi 6:4

Holeka calunzwa ne lifwa lyakwe, lono cabaputizizwa, cikazikanwa nayo, nha vyono Kilisito yazukulwa muli wafu ko lukumyo lo Sogo yo munhu, ale nha vivyo nase, ceze kujendela mu Mikalile mipya.

Walumi 8:6

Imahweso ge cimunhumnhu, galetaga wufwe, langa imahweso go Muhe, galetaga wumi no mulamu.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

Wakolosayi 3:10

no kuwuvwala u wunhu wupya. Wono wukujendelela kunozelezwa no Mulungu mono yawuwumba, nha vyono yinhe hwani yakwe, ho mumumanye u Mulungu mu wukwilanicile wose.

Tito 3:5

yakacikomboza. Si yacikomboza ku soko ye nghani yo yose swanu yono cetuma sese, langa yacikomboza ku soko yo lusungu lwakwe, mu nzila yo Muhe Mono Yelile mono yakucipela ho cilelwe wupya, no kuwa ne mikalile mipya ko kucikwema kwe malenga.

1 Petelo 1:13

Ale, holeka mwiwikanizizaje lukulu ko wuhile no kwikala meso. Wicenyi witumbilo wenyu wose mu wumoti wulya wono molopegwa mwidaha lono Yesu Kilisito yakwijela!