Waefeso 4:18 - I CILAGANE CIPYA 1991

¹⁸ ne mahala gawo gali mu wutitu. Wali kutali no wumi wo Mulungu, ku soko yo wulele wono wuli muli wene so cibede cawo.

Luganuzi Luswanu Kuli Wanhu Wose 2002

¹⁸ ne mahala gawo gali mu wutitu. Wali kutali no wumi wo Mulungu, ku soko yo wulele wono wuli muli wene so cibede cawo.

Waefeso 4:18 ပူးပေါင်းရင်းမြစ်များ

Matayo 13:15

Hambi i mahala ge wanhu wawa nha galelepe, ne makutu gawo wagaziwaze, ne meso gawo wafufunize. Yali yiwe si nha vivyo, mhali wali wawone ne meso gawo, kanyhi wali wahulice kwe makutu gawo, no kuwa no wizuce mu mahala gawo ho wamhitucile vyo yakutya u Muwaha, Nane ho nali niwaponye.’

Maluko 3:5

Baho u mwene Yesu yakawalanga wose kwe kuwo, akuno yakukalala ku soko yo wukamu we zinhumbula zawo. Hanyuma yakamulonjela umunhu yuyo, yakutya, “Golola muwoko wako!” Nayo yakawugolola u muwoko wakwe, nawo wukawa wapona kanyhi.

Yohana 12:40

“U Mulungu kawabofuze meso gawo, Kawapuvya i mahala gawo Ho walece kuwona ne meso Hamba walece kwizuka mu mahala gawo Hamba kumhitucila ho niwaponye.”

Metumo ge Watumwa 17:30

Imyaka lono iwanhu wali wakali walele u Mulungu yakenoza kotya nha siyakuwona. Ninga alu yakuwalajiliza wanhu wose kono walila, wanene wayilece imikalile yawo mibi.

Metumo ge Watumwa 3:17

“Alu wandugu zangu, mumanyile vyono anye, hamonga ne wawaha wenyu, mwetumila citu.

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu we makungugo ganji wamuziza u Mulungu.

Walumi 11:7

Alu ma? Iwana wa Isilayeli si wacituga cono walondolaga, langa iwahagulwa wo wacituga. Wanji wakanozwa kuwa wakamu.

Walumi 2:19

kanyhi wukwiwona nha wuli mutonji we wabofu, no wuzelu kuli wono wali mu citi,

1 Wakolinto 1:21

Ninga nha vyono yinha inghani ye Mahala go Mulungu, iwanhu si wosuma kumumanya u Mulungu, ko kwitumamila i zinzila ze mahala gawo weneco. Ninga hanhu hayo, u Mulungu yenda kuwakomboza wawalya wono wakwihuwila mu nzila ye cinhu cono i we mahala wakuziwona nha kotya wulele du, nha cinji inghani yono cikuyiganula.

1 Wakolinto 2:8

Go mahala gono i watemi we yinze yiyi, si wasuma kugatanga, ku soko hono wali wagatanje, hamba si wali wamutumbice u Muwaha wo lukumyo mu musalaba,

2 Wakolinto 3:14

Ninga i mahala gawo gakamufywa. Sunga na lulu, lono cikusomwa i citabu ce Cilagane ce Katali, i cicitizo cico nha cikali cili baho du. Ne cicitizo cico cosuma kuwuswa du, lono munhu yakondya kwilunza na Kilisito.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

Wagalatiya 4:8

I katali vyono mwali si mumumanyile u Mulungu, holeka mwayitumamilaga milungu yono si milungu ye mbeka.

Waefeso 2:1

Nanye mwali mufwiye ku soko ye masutya no wubi wenyu.

Waefeso 2:12

Nanye lululya mwali mu musina Kilisito, mwali musiwanuce muli Waisilayeli, kanyhi mwali wewisa, kanyhi mwali musina ifungu lyo lyose muli cilagane cicilya mu wihuwizo wuwulya;

Wakolosayi 1:21

Na nyenye katali mwali mutemanuywe no Mulungu, kanyhi mwali walugu wakwe ku soko ye mahweso genyu ne metumo i mabi.

1 Watesalonike 4:5

ninga si mu masulumizi mabi nhe wanhu we makungugo ganji wono si wamumanyile u Mulungu.

Wahebelaniya 5:2

Na vyono u mwene nayo yali mu wusocele, holeka kosuma kuwawonela u lusungu wono si wamanyile cinji ne wasutyi.

Wahebelaniya 9:7

Ninga mwihema lye kejete, u Mukohani Muwaha du, yo yenjliaga yali wene, nayo yanozaga nha vivyo kwa mwaka kamonga du. Na lono yakwinjila mugati yategulizaga ne sakami ho yamulavizye u Mulungu ku soko yakwe mweneco na ku soko yo wubi wono wanhu wetumiye mu wuwula kumanya weneco.

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

1 Petelo 1:14

Kanyhi nha vyono yinha nhe wana wo Mulungu we cihuliko, holeka mulece kugatyatya kanyhi imasulumizi mabi, gono mwali mwina nago lono mwali mukali walele.

1 Yohana 2:11

Ninga mono yamusulile u nduguye, yuyo yakali mu wutitu, kanyhi yakujendela mu wutitu, hamba siyamanyile na kono yakubita, hambi u wutitu nha wumubofuze i meso.