Waefeso 4:16 - I CILAGANE CIPYA 1991

¹⁶ na mu wutonji wakwe mo vikulunzizwa hamonga i vilunzwa vyose vyo muwili, no muwili wose wukwitumbila u wutazi we vilunzwa vyakwe. Holeka icilunzwa hono citume u mulimo waco nha vyono yinojeye, ale u muwili wose wukuwiluka no kwizenga weneco mu wendo.

Luganuzi Luswanu Kuli Wanhu Wose 2002

¹⁶ na mu wutonji wakwe mo vikulunzizwa hamonga i vilunzwa vyose vyo muwili, no muwili wose wukwitumbila u wutazi we vilunzwa vyakwe. Holeka icilunzwa hono citume u mulimo waco nha vyono yinojeye, ale u muwili wose wukuwiluka no kwizenga weneco mu wendo.

Waefeso 4:16 ပူးပေါင်းရင်းမြစ်များ

Yohana 15:5

“Ane yo nene muzabibu, anye muli manhambi. Mono kekalaga muli nene, nane niwe muli mwene, yuyo yo kalelaga muno mikalo, hambi hono hasina nene, anye nha si mosuma kwituma cinji.

Walumi 12:4

U muwili wina vilunzwa vinji, ninga cimonga na mulimo waco.

1 Wakolinto 10:17

Nha vyono mukate wuwo wo monga, ale, ase nase hamba ciwe nha cili wenji, ninga cikunoza muwili monga, vyono ase wose cikuhanga u mukate wuwo du wumonga.

1 Wakolinto 13:13

Holeka zikusigala zizino zidatu, nha cinji, u Wihuwilo, u Witumbilo no wendo, ninga kanyhi yono yicizize muli zizino zose, wo wendo.

1 Wakolinto 8:1

Aluno kuli i zindigwa zono zikumbiciywe vihwani, cimanyile nha vyono ase wose cina uwutanje mu mahala, ninga kanyhi u wutanje wuwo, wuwapelaga wanhu wawo no widunhumuzi, ninga u wendo, wuzengaga.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.

Waefeso 1:4

U Mulungu yacihagula lono yinze yali yikali si nawumbwa, ho ciwe cili wakwe mu wilunza na Kilisito, ho ciwe celile mono cisina hamba yilema hali mwene, ku soko yo wendo wakwe.

Waefeso 3:17

nayo Kilisito yekalaje mu zinhumbula zenyu ko wihuwilo. Nghumulomba muwe mukamile mu musinji wo wendo,

Waefeso 3:7

Ane nanozwa ho niwe mwitumami wo Luganuzi Luswanu ha nghango ye cipegwa ce lihewa lilya lyo Mulungu lyono napegwa ha nghango yo witume we vilungo vyakwe.

Waefeso 4:12

Yanoza nhavivyo ho yawawikanize i wanhu wose wo Mulungu, ku soko yo mulimo wo kumwitumamila Kilisito ho muwili wa Kilisito wuzengwe.

Waefeso 4:15

Ninga hono ciyikamise i mbeka na nhumbula yo wendo, cocila kwihwana na Kilisito muli vyose, mono yo Muwaha,

Wafilipi 1:9

U wulombe wangu wowu, nghulomba u wendo wenyu wucile konjelezeka muno muno hamonga no wumanye we mbeka hamonga no wutanje wose,

Wakolosayi 2:19

Kanyhi yetemanuye na Kilisito mono wo mutwe wo muwili wuwo. Muli Kilisito, u muwili wose wukuliswa no kulunzwa hamonga i vilunzwa ne zinghwali zayo, nawo wuwilukaga nha vyono u Mulungu yendile.

Wakolosayi 2:2

Nghunoza nha vivi, i zinhumbula zawo ho zitule, no kulunzizwa hamonga mu wendo, ho wamemywe mbeka yono yikuletwa no wumanye we mbeka. Na mu nzila yiyo, ho woyimanyila ne nghani yo Mulungu yono yihundikwe, hambi nha yo Kilisito mweneco.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

1 Watesalonike 2:13

Kanyhi cina ne soko yinji yo kumulumbila u Mulungu; lono camuletelenyi i nghani yo Mulungu, anye mwayihulika kanyhi mukayibocela si nha vyono yinha nghani yono yikulawa kuli wanhu, langa mwayibocela nha nghani yo Mulungu, nayo mbeka vyo yinha. Hambi u Mulungu nha yakwituma muli nyenye mono mwihuwiye.

1 Watesalonike 3:12

U Muwaha yamupelenyi wiyendi nyenye wose, no kucila muno kuwenda i wanhu wose, nha vyono ase cimwendilenyi nyenye.

2 Watesalonike 1:3

Nye wandugu zangu, yicinojeye ceze kumulumbo Mulungu nhondo zose ku soko yenyu. Kanyhi yicinojeye cinoze nha vivyo, vyono u wihuwilo wenyu wukucila muno muno, sunga no wiyendi wenyu wukucila konjelezeka muno muno.

1 Timoteyo 1:5

Ale u wulunji we lilajilizo lili nha wukukongʼonheza uwendo wono wukulawa mu nhumbula nzelu no mutima muswanu, na mu wihuwilo we mbeka.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

1 Yohana 4:16

Holeka ase cimanyile kanyhi cihuwiye u wendo wono Mulungu yena kuli sese. U Mulungu wo wendo, no munhu wo wose mono yakwikala mu wendo, yakwikala muli Mulungu, no Mulungu nayo yakwikala muli mwene.