Waefeso 4:13 - I CILAGANE CIPYA 1991

¹³ Sunga cize ciwuficile u wumonga wo wihuwilo no kumumanya u Mwana wo Mulungu; ho ciwe wanhu wono cikangaye no kuwuficila u wukwilanicile wa Kilisito mweneco.

Luganuzi Luswanu Kuli Wanhu Wose 2002

¹³ Sunga cize ciwuficile u wumonga wo wihuwilo no kumumanya u Mwana wo Mulungu; ho ciwe wanhu wono cikangaye no kuwuficila u wukwilanicile wa Kilisito mweneco.

Waefeso 4:13 ပူးပေါင်းရင်းမြစ်များ

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

Yohana 1:16

Hambi mu wukwilanicile wakwe, nase mo cikubocelela lihewa lyakwe cibitilila.

Yohana 16:3

Wolomunozezenyi nhavivyo, ku soko vyono si wamumanyile Baba, hamba na nene si wamanyile yaye.

Yohana 17:21

Nghuwalombela wose ho wawe cinhu cimonga. Baba, nghulomba wawe muli sese, nha vyono cinha nagwe, Baba, agwe wuli muli nene, nane nili muli gwegwe. Nghulomba wawe cinhu cimonga, we yinze ho wehuwile vyono yo gwegwe mono wanhuma.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 6:69

Nase cihuwiye, kanyhi cimanyile, vyono yo gwegwe Mono Welile wo Mulungu.”

Metumo ge Watumwa 4:32

Ne mhuga yawo wose wono wehuwila, wali na nhumbula monga no mutima monga. Hasina hamba yunji mono yali yena cinji co cose, mono yatya, yo sawo yakwe mweneco, langa wali wahanjlie vyose.

1 Wakolinto 1:10

Nye wandugu zangu, cikumunenenyi muno, mwitagwa lyo Muwaha wetu Yesu Kilisito, vyono mweze mulaganiye kumonga, muli yo yose yono mukulonga, halece kuwa na matemanuko ganji go gose muli nyenye, muweze ne hweso limonga kanyhi no wuhile wumonga.

1 Wakolinto 14:20

Nye wandugu zangu, mulece kuwa nhe wana wadodo mu mahala genyu. Kuli zo wavu muweze nhe wana wagalika, ninga mu wihwese wenyu, yinojeye muwe nhe wanhu wono wakangaye.

1 Wakolinto 2:6

Hamba nha vivyo, ase citumamilaga u wulonje we mahala kuli walya wono wakangaye mu mikalile yawo ye cimuhe, kanyhi ne mahala gago go si mahala ga mononze yiyi, hamba si ge watemi wa mono yinze yiyi, wono wali mu mukumbo wo wajilile.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

Wagalatiya 4:19

Mo wanangu, ane kanyhi nghumugazicilenyi muno nha vyono kagazikaga mucekulu mono yali magulu mazito mu cipango co kusawa, sunga Kilisito yalaza kuwa yalunzwa muli nyenye.

Waefeso 1:17

ho u Mulungu wo Muwaha wetu Yesu Kilisito u sogo wo lukumyo, yamupelenyi u Muhe wakwe mono komupelenyi wizuce, no kumugubulilenyi ho mumumanye u Mulungu.

Waefeso 1:23

Ilikanisa wo muwili wa Kilisito, no wukwilanicile nha wakwe mweneco mono yakuvikwilaniciza ivinhu vyose, hanhu hose.

Waefeso 2:15

Yakawuwusa u Wulajilize wuwulya we Wayahudi hamonga ne malajilizo gayo hamonga ne myoto yayo, na muli wawo iwejete yawawumbilize hamonga wawe munhu yumonga mupya mu wumonga na Yesu, no kunoza mulamu.

Waefeso 4:12

Yanoza nhavivyo ho yawawikanize i wanhu wose wo Mulungu, ku soko yo mulimo wo kumwitumamila Kilisito ho muwili wa Kilisito wuzengwe.

Waefeso 4:3

Muhidimbale kuwibata wumonga wono wukuletwa no Muhe so wukamisa u mulamu wono wuli muli nyenye.

Waefeso 4:5

Koyuli Muwaha monga, wihuwilo wumonga no wubaputizo monga,

Wafilipi 3:10

Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo,

Wafilipi 3:8

Heya, hamba si nha vivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene ane navumila kugaleka gose, nane nghagawona gago gose nha takataka, ho nimutuje Kilisito,

Wakolosayi 1:28

Na kusoko yiyo holeka cikumuganula Kilisito kuli wanhu wose, cikuwasugula wose kanyhi cikuwafunda wose mu mahala gose, ho cisume kuwaleta wose hali Mulungu akuno wakondizye kuwa wakangaye muli Kilisito.

Wakolosayi 2:2

Nghunoza nha vivi, i zinhumbula zawo ho zitule, no kulunzizwa hamonga mu wendo, ho wamemywe mbeka yono yikuletwa no wumanye we mbeka. Na mu nzila yiyo, ho woyimanyila ne nghani yo Mulungu yono yihundikwe, hambi nha yo Kilisito mweneco.

Wahebelaniya 5:14

Ninga i ndigwa i nghavu, yiwanojeye i wanhu wono wakangaye, wono wakusuma kuzitanga no kuzihagula i ziswanu ne zimbi.

2 Petelo 1:4

Hambi muli zizo nha yakondya kucipela vipegwa viwaha vyo wuguzi wukamu vyono yacihuwiziza, na ku so vipegwa vivyo, ho musume kuhanga u wuwe wakwe wo wulungu.

2 Petelo 3:18

Ninga mujendelele kuwilucila mwihewa no muwumanyo Mutwa wetu no Mukombozi Yesu Kilisito. U lukumyo lweze kuli mwene, kulawa lulu na ku cibitilila Heya.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.