Waefeso 4:1 - I CILAGANE CIPYA 1991

¹ Holeka ane mono nili muwopwa kusoko vyono nghumwitumamila u Muwaha, nghumunenenyi mwikalilaje mu mikalile yono yiwunojeye u lucemo lwenyu lono mwacemelwa.

Luganuzi Luswanu Kuli Wanhu Wose 2002

¹ Holeka ane mono nili muwopwa ku soko vyono nghumwitumamila u Muwaha, nghumunenenyi mwikalilaje mu mikalile yono yiwunojeye u lucemo lwenyu lono mwacemelwa.

Waefeso 4:1 ပူးပေါင်းရင်းမြစ်များ

Metumo ge Watumwa 9:31

Nhondo ilikanisa lya mu Yudiya, na mu Galilaya, na mu Samaliya mose, likatuga mulamu mwidaha lilyo. Likasinyhimikwa no kuwilucila mu cogopo co Muwaha, likonjelezeka no kusindamikwa no Muhe Mono Yelile.

Walumi 11:29

Hambi u Mulungu, nha si kawonaga vyono vibi, lono yakondya kuwapela iwanhu ivipegwa vyakwe no kuwasiwanula.

Walumi 12:1

Holeka wandugu zangu, vyono u Mulungu yo wo lusungu lwinji, holeka nghumunenenyi ko mutima wangu wose, mwiyilavye nyenye mo weneco muwe likumbiko lyumi, lyelile, lyono likumunojeza u Mulungu. Na yiyi yo nzila yenyu yo kumuhembela mu wulunji.

1 Wakolinto 4:16

Ku soko yiyi, holeka nghumunenenyi, munyigaje nene.

2 Wakolinto 10:1

Ane yo nene no mweneco Pawulo, mono nghwijela nili mupolo lono nili hamonga nanye, ninga ho nili mukali lono nili kutali nanye, nghumunenenyi ko lusungu no wuswanu wa Kilisito.

2 Wakolinto 5:20

Holeka ase cili watumwa so Kilisito, nayo Mulungu mweneco yakucitumamila sese, cimunenenyi anye. Holeka cikumunenenyi ku so Kilisito, mwilamule no Mulungu.

2 Wakolinto 6:1

Holeka nase vyono cikwituma mulimo hamonga no Mulungu, cikumunenenyi mulece kuvumila i lihewa lyo Mulungu lyono mwabocela, lyajilile bwete.

Wagalatiya 4:12

Wandugu zangu, nghumunenenyi mweze mwinha nene, nha vyono nane ninha nyenye. Si mwanozeza wubi wo wose.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

Waefeso 3:1

Ku soko yiyo holeka ane no Pawulo no muwopwa wa Kilisito Yesu ku soko ya nyenye mo we makungugo, nghumulomba u Mulungu.

Waefeso 4:17

Ale, nghumusugulenyi mwitagwa lyo Muwaha, mulece kujendelela kwikala kanyhi mu mikalile nha ye wanhu wono si wamumanyile u Mulungu, wono i mahweso gawo gaweza wulele,

Waefeso 4:4

Ko wuli muwili wumonga no Muhe monga nha vyono winha u witumbilo wumonga wono mwacemelwa no Mulungu.

Waefeso 5:2

Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

Wafilipi 1:27

Ninga nghani mbaha yoyi, i mikalile yenyu yiweze yilunojeye u Luganuzi Luswanu lwa Kilisito, nane hono sume kuza kwenyu, hamba ndece kusuma kuza, hulice vyono mwimile mukamile mwina nhumbula monga, na vyono mukwihoma no wulugu muli hamonga, kanyhi mwina no mutima wumoga ku soko yo wihuwilo wo Luganuzi Luswanu.

Wafilipi 3:14

Holeka nili mu lumangho nanjlie ku wulunji wangu ho nicituje i cipegwa cicilya cono lo lucemo lo Mulungu so mikalile ya kucanyha mu nzila ya Kilisito Yesu.

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wumumanyo u Mulungu.

Wakolosayi 2:6

Alu vyono anye mwakondya kumuvumila Kilisito Yesu yawe Muwaha, ale mwikalilaje lukulu muli mwene.

Wakolosayi 4:12

Na Epafala nayo u munyawusi muyenyu, kanyhi u mwitumami wa Kilisito Yesu, nayo yakumulamusenyi. Kanyhi yakumulombelenyi nyenye nhondo zose ko wupiligazi, ho mwime mukamile, mukangale, mulece kusinjisika muli zose zono yakuzisaka u Mulungu.

1 Watesalonike 2:12

Cikamulanjizenyi, kanyhi cikamusindamicenyi, no kumuswaswanizenyi, ho mwikale mu mikalile yono yikumwendeza u Mulungu mono yamucemenyi ho muhanje u Wutemi no lukumyo lwakwe mweneco.

2 Watesalonike 1:11

Na ku soko yiyo, holeka si cidilaga kumulombelenyi. Cikumulomba u Mulungu wetu yamupelenyi vilungo vyo kusumila kukangalila kwikala mikalile yono yamucemelenyi. Cikumulomba, kwe vilungo vyakwe, yawukwizilize u wuhile wenyu wo wituma i ziswanu, hamonga no kuwufisiliza u mulimo wenyu wo wihuwilo.

2 Timoteyo 1:9

Mwene yacikomboza, kanyhi yakacicema ciwe wanhu wakwe mweneco, si ku soko vyono cinojeye so metumo getu, aa, ngʼo, ninga ku so wuhile wakwe mweneco, na so lihewa lyakwe. Nayo yakacipela i lihewa lilyo ku soko ya Kilisito Yesu, lono vilo vyali vikali si vinawa.

Tito 2:10

hamba kuwahiziza i vinhu vyawo. Ninga yiwanojeye walajile vyono wene waswanu, kanyhi wehuwilwa nhondo zose, ho wasume kugatujila lilumbo iswanu i mafundo go Mulungu u Mukombozi wetu ku soko ye metumo gawo gose.

Wahebelaniya 13:21

U Mulungu wo mulamu yamukwilanicizenyi mu ziswanu zose, ho mwitume wuhile wakwe; nayo yetume muli sese zono zikumwendeza mweneco mu nzila ya Kilisito. Kuli mwene lweze lukumyo cibitilila ne cibitilila. Heya.

Wahebelaniya 3:1

Ale anye wandugu zangu, mo wanhu wo Mulungu mono mwacemwa no Mulungu, mwihwesaje za Yesu mono u Mulungu yamutuma yawe Mukohani Muwaha wo wihuwilo wetu.

1 Petelo 2:11

Nye nyo wendece wangu, nghumunenenyi nyenye nha wajenzi kanyhi wakola nzila mononze! Mwiyilegaje mu masulumizi go muwili gono vikulewana ne nhumbula.

1 Petelo 3:9

Mulece kuwagomolezeza wanhu wubi na wubi, hamba iligo ne ligo, langa muwalombele wumoteswe hambi anye nha mwacemwa no Mulungu ho muwubocele wumoti.

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

2 Petelo 1:3

Mu vilungo vyakwe vyo wulungu, u Mulungu yacipela vyose vyono cisakaga, ho cisume kwikala mu mikalile yo kumogopo Mulungu, no kumumanya mwene mono yacicema ho ciwuhanje ulukumyo no wuswanu wakwe mweneco.

2 Yohana 1:5

Nalu go mugolece, nghulomba nghani monga du kwako, “Ciyendaje.” Si nha vyono nghukwandicila ilajilizo ipya, langa lye lajilizo lililya du lyono cawezaga nalyo na katali.