Waefeso 3:9 - I CILAGANE CIPYA 1991

⁹ kanyhi ho niwalajile iwanhu wose wawone vyono wukufisilizwa u wuhile wo Mulungu wono wali wuhundicigwe. U Mulungu mono yaviwumba vinhu vyose, yayihundika inghani yakwe yiyo kulawa katali,

Luganuzi Luswanu Kuli Wanhu Wose 2002

⁹ kanyhi ho niwalajile iwanhu wose wawone vyono wukufisilizwa u wuhile wo Mulungu wono wali wuhundicigwe. U Mulungu mono yaviwumba vinhu vyose, yayihundika inghani yakwe yiyo kulawa katali,

Waefeso 3:9 ပူးပေါင်းရင်းမြစ်များ

Matayo 10:27

Na yono nghumulonjelelenyi mu wutitu, ale anye muyilonjelaje hazelu, ne nghani yono mukuyihulika yikupwepwa, ale, anye muyanzalikaje cagalanze.

Matayo 13:35

ho yisume kuficilicila i nghani yono yalongwa no muwizi yono yatya, “Nolonga nawo mu nzila ya vihwancizo Nane nowaloloseza i zinghani zono zihundicigwe ku wulawa mu wuwumbwe we yinze.”

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa kuwulawa wuwumbwe we yinze.

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Luka 24:47

Na kanyhi yinojeye mwitagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.

Yohana 10:30

Ane na Baba yo yumonga.”

Yohana 5:17

Ninga Yesu yakawalonjela, “Baba yakwituma milimo cibitilila, holeka nane nghwituma milimo nha vivilya.”

Yohana 5:19

Yesu yakawalonjela, “Mbeka nghumutyenyi, u Mwana si kosuma kwituma cinji yali wene, yadahile kwituma cicilya du cono yakuwona u Sogwe yakwituma, kusoko cicilya cono sogwe ketumaga, no mwana nayo vyo ketumaga nha vivyo.

Metumo ge Watumwa 15:18

Vyo yakutyo Muwaha, mono yayinoza nghani yiyi yikumuce kulawa katali.’

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu we makungugo ganji wamuziza u Mulungu.

1 Wakolinto 2:7

Imahala gono cikwitumamila ase, go mahala ge zinghani zo Mulungu zono hundikwe, imahala gono mahundikwe, go mahala gono u Mulungu yali yagatemizye ku wulawa ku mwamulizo, ku soko yo lukumyo lwetu.

Waefeso 1:4

U Mulungu yacihagula lono yinze yali yikali si nawumbwa, ho ciwe cili wakwe mu wilunza na Kilisito, ho ciwe celile mono cisina hamba yilema hali mwene, ku soko yo wendo wakwe.

Waefeso 3:2

Nitumbiye mwakondya kuhulika vyono u Mulungu, so lihewa lyakwe, yamhela u mulimo wuwu, niwitume so cambuzi cenyu.

Waefeso 6:19

Munombelaje na nene nha vivyo, lono nghuduwa, ho Mulungu yamhele cono nolonga, ho sume kuwamanyiza i wanhu sina woga, inghani yono yihundikwe yo Luganuzi Luswanu.

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

Wakolosayi 1:26

yo nghani yono yali hundikwe kuli wanhu wose kulawa katali na katali, ninga aluno yakondya kuwamanyiza wanhu wakwe.

Wakolosayi 3:3

Hambi anye nha mwafwa, no wumi wenyu wuhundikanwe hamonga na Kilisito muli Mulungu.

Wakolosayi 4:3

Mucilombelaje na sese nha vivyo, u Mulungu ho yacipele i cilejeho co kuyiganulila i nghani yakwe Kilisito yono hundikwe. Alu ane nili mu jela ku soko ya yiyo.

2 Watesalonike 2:13

Yicinojeye cimulumbe u Mulungu nhondo zose ku soko yenyu anye i wandugu zetu, anye mono mwendigwe no Muwaha, hambi u Mulungu nha yamuhagulenyi ku wulawa ku mwamulizo ho muponywe kwe vilungo vyo Muhe, ho munozwe muwe wanhu wakwe wono mwelile mu nzila yo wihuwilo wenyu mu mbeka.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

2 Timoteyo 1:9

Mwene yacikomboza, kanyhi yakacicema ciwe wanhu wakwe mweneco, si ku soko vyono cinojeye so metumo getu, aa, ngʼo, ninga ku so wuhile wakwe mweneco, na so lihewa lyakwe. Nayo yakacipela i lihewa lilyo ku soko ya Kilisito Yesu, lono vilo vyali vikali si vinawa.

2 Timoteyo 4:17

Ningo Muwaha yali yali hamonga nane, yamhela vilungo, sunga nghasuma kuyiganula inghani nha vyono yinha, i wanhu we makungugo ho wayihulice, kanyhi nghaponywa mu walingʼanizwe wo kuwulagwa.

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

1 Petelo 1:20

Umwene yali yahaguywe no Mulungu lono yinze yali yikali siyinawumbwa, yakagubulwa mu vilo vivi vye ndumo ku soko ya nyenye.

Wugubule 13:8

Na wose wono wekaye mononze wolihemba, ninga awalya wono matagwa gawo gandikwe mu citabu co wumi co Mwana we ngholo mono yawulagwa ku wulawo mwamulizo we yinze, wawo langa si wolihemba yaye.

Wugubule 14:6

Hanyuma nghamuwona kanyhi malayika yunji yaguluce mu wulanga, yena no Luganuzi Luswanu lwe cibitilila lo Mulungu ho yaluganule kuli wanhu wose wono wekaye mononze, kuli makungugo gose, ne zimbeyu zose, ne wanhu we milonjele yose, na kuli wanhu wose we mawala gose.

Wugubule 17:8

I lilimu lilyo lyono wuliwene lyono lyali lyumi hamwamulizo, ninga aluno lyakondya kufwa. Ninga hamba nha vivyo, lili behi lyonanuka kulawa kwikombo lyo wuninyina, ninga lyokongomezwa. Na wono wekaye kononze, wokwizina, heya, wanhu wose wono i matagwa gawo si gandikwa mu citabu co wumi ku wulawa mwamulizo weʼnze, wokwizina muno muno kolo wakuliwona i lilimu lilyo lyono ha mwamulizo lyali lyumi, hanyuma likafwa, na aluno likwijela kanyhi!

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”