Waefeso 3:7 - I CILAGANE CIPYA 1991

⁷ Ane nanozwa ho niwe mwitumami wo Luganuzi Luswanu ha nghango ye cipegwa ce lihewa lilya lyo Mulungu lyono napegwa ha nghango yo witume we vilungo vyakwe.

Luganuzi Luswanu Kuli Wanhu Wose 2002

⁷ Ane nanozwa ho niwe mwitumami wo Luganuzi Luswanu, ha nghango ye cipegwa ce lihewa lilya lyo Mulungu, lyono napegwa ha nghango yo witume we vilungo vyakwe.

Waefeso 3:7 ပူးပေါင်းရင်းမြစ်များ

Metumo ge Watumwa 9:15

Ninga u Muwaha yakamutya, “Wubite du, hambi ayo, nha nimuhagula yawe ciya cangu, ho yalitegule litagwa lyangu kuli we Makungugo, ne watemi wawo, sunga na kuli wana wa Isilayeli.

Walumi 1:5

Muli yuyo, ane mo natujila ilihewa lyo kuwa mwitumami. Na kusoko yakwe, ho niwalongoze iwanhu we makungugo gose, ho wasume kwihuwila, no kuwa na cihuliko.

Walumi 12:3

Kusoko ye lihewa lyo Mulungu lyono napegwa, holeka nghumulonjelenyi nyenye wose, vyono, mulece kwiwona nha muli cinji si nha vyono mwinha. Langa imahweso genyu, geze galingʼaniciye cijelo co wihuwilo, nha vyono u Mulungu yamugawila munhu na cakwe.

Walumi 15:16

ho niwe mwitumami wa Kilisito kuli wanhu we makungugo. Wo mulimo wangu we cikohani kuwaganulila u Luganuzi Luswanu lo Mulungu, ho wanhu we makungugo ganji wawe yikumbiko lyono likuvumilwa no Mulungu, likumbiko lyono lyezigwe no Muhe Mono Yelile.

1 Wakolinto 15:10

Ninga ku so lihewa lyakwe Mulungu, naweza nha vyono ninha lulu, ne lihewa lyakwe si lyali lya bwete. Nane netuma u mulimo si nha wose, kanyhi hamba si nene yaye langa, lihewa lyo Mulungu lyono likwitumana hamonga na nene.

1 Wakolinto 3:5

Alu, Apolo yo nani? Hamba Pawulo yo nani? Hambi ase wose nha cili wetumami du, mono camuletelenyi anye u wihuwilo. Nase wose cikwituma u mulimo wono yacipela u Muwaha.

2 Wakolinto 3:6

hambi nha yo mweneco du mono yacipela u wusume wo kuwela i wetumami we cilagane Cipya, cono si cilagane co wulajilize wono mwandikwe, langa Cilagane co Muhe. Hambi u wulajilize wono mwandikwe, nha wuletaga yifwa, ningo Muhe, wuwumifyaga.

2 Wakolinto 4:1

Holeka, u Mulungu ku soko yo lusungu lwakwe luwaha, yacipela u mulimo wuwuno ho ciwitume, holeka nase si cikutukuwika mitima.

Wagalatiya 2:8

Ku soko vyono yuyo mono yamupela Petelo i vilungo vyo kuwela mutumwa kuli Wayahudi, yo yuyo kanyhi mono yamhela nane i vilungo vyo kuwela mutumwa kuli wanhu we makungugo ganji.

Waefeso 1:19

ho muvimanye ivilungo vyakwe vyono viwaha muno muno ku soko yetu sese mono cihuwiye. I vilungo vivyo vyono vikwituma mulimo muli sese, vilingʼaniye ne vilungo avilya iviwaha muno,

Waefeso 3:2

Nitumbiye mwakondya kuhulika vyono u Mulungu, so lihewa lyakwe, yamhela u mulimo wuwu, niwitume so cambuzi cenyu.

Waefeso 3:20

Ale kuli yuyo mono kwe vilungo vyakwe vyono vikwituma mugati yetu, yasumile kwituma zimbaha zono zicizize kuli zono cidahile kulomba hamba kwihwesa,

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu we makungugo u wugoli wa Kilisito wono wusina cipimo,

Waefeso 4:16

na mu wutonji wakwe mo vikulunzizwa hamonga i vilunzwa vyose vyo muwili, no muwili wose wukwitumbila u wutazi we vilunzwa vyakwe. Holeka icilunzwa hono citume u mulimo waco nha vyono yinojeye, ale u muwili wose wukuwiluka no kwizenga weneco mu wendo.

Wakolosayi 1:29

Holeka ku soko yiyo, ane nghwituma mulimo akuno hidimbaye mu vilungo vya Kilisito vyono vikwituma muli nene.

1 Watesalonike 2:13

Kanyhi cina ne soko yinji yo kumulumbila u Mulungu; lono camuletelenyi i nghani yo Mulungu, anye mwayihulika kanyhi mukayibocela si nha vyono yinha nghani yono yikulawa kuli wanhu, langa mwayibocela nha nghani yo Mulungu, nayo mbeka vyo yinha. Hambi u Mulungu nha yakwituma muli nyenye mono mwihuwiye.

Wahebelaniya 13:21

U Mulungu wo mulamu yamukwilanicizenyi mu ziswanu zose, ho mwitume wuhile wakwe; nayo yetume muli sese zono zikumwendeza mweneco mu nzila ya Kilisito. Kuli mwene lweze lukumyo cibitilila ne cibitilila. Heya.