Waefeso 3:16 - I CILAGANE CIPYA 1991

¹⁶ Nghumulomba u Mulungu, mu nghango yo wugoli wo lukumyo lwakwe, yamupelenyi u wusume wo Muhe wakwe, i vilungo vyo kuwa musikame mu wunhu wa mugati,

Luganuzi Luswanu Kuli Wanhu Wose 2002

¹⁶ Nghumulomba u Mulungu, mu nghango yo wugoli wo lukumyo lwakwe, yamupelenyi u wusume wo Muhe wakwe, i vilungo vyo kuwa musikame mu wunhu wa mugati,

Waefeso 3:16 ပူးပေါင်းရင်းမြစ်များ

Matayo 6:13

Wulece kucitegula mu wujelwe, Langa wuciponye na yulya u Mubi.’

Walumi 2:29

U Muyahudi wa mbeka, yo yulya u Muyahudi wa mugati, yuyulya mono yalame mu nhumbula. Ne nghani yiyi, yo nghani ya Muhe, hamba si nghani ya mandiko go Wulajilize. No munhu we liwala lilyo, yakutuga lilumbo, si muli wanhu, langa muli Mulungu.

Walumi 7:22

Holeka ane mu nhumbula yangu, nghulisangalila ililajilizo lyo Mulungu.

Walumi 9:23

Yakasaka kanyhi kuwulajila u winji wo lukumyo lwakwe, lono yacijidila ase mono cali yo soko yo lusungu lwakwe, ase mono yali yakondya kuciwikaniza ho cilubocele u lukumyo lwakwe.

1 Wakolinto 16:13

Ale, mwikalaje meso, kanyhi mwimaje mukamile mu wihuwilo, akuno musina woga, kanyhi mweze muli vilungo.

2 Wakolinto 12:9

Ninga Mwene yakanhya, “Ilihewa lyangu likukwiliye, hambi vilungo vyangu nha vikwilanicizagwa lono wuli mu wusocele.” Ninga ane nyendile muno kwilumbila wusocele wangu, ho vilungo vya Kilisito vikale muliʼne.

2 Wakolinto 4:16

Holeka si cikutimba, u munhu wetu wa kunze hamba yakombipe, ninga mugati mwetu cikunozwa wapya nhondo zose.

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Waefeso 1:7

Hambi nha cikukombozezwa mu sakami ya Kilisito, nha cinji u wubi wetu wukuwuswa, nha vivyo vyo winha u wuwaha we lihewa lyakwe,

Waefeso 2:7

Nha vivyo vyo yenda kuwulajila kuli wanhu wa ku myaka yono yokuza, u wuwaha we lihewa lyakwe wono yacipela bwete so wilunze wetu na Kilisito Yesu.

Waefeso 3:15

mono wo mwamulizo wa vyose vyono vili mononze na vya ku wulanga.

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu we makungugo u wugoli wa Kilisito wono wusina cipimo,

Waefeso 6:10

Ze ndumilizo, nghumusacenyi mweze muli vilungo muli Muwaha na ko wutazi we vilungo vyakwe viwaha.

Wafilipi 4:13

Nosuma kuwa mu wuwe wo wose, hambi Kilisito nha yo kamhelaga i vilungo.

Wafilipi 4:19

Holeka u Mulungu wangu ku soko yo wugoli wakwe wuwaha mu nzila ya Kilisito, komupelenyi i visakwa vyenyu vyose.

Wakolosayi 1:11

U Mulungu yamupelenyi vilungo no wusume wakwe wo lukumyo, ho muwe na ngola muli vyose kanyhi hamonga no wukangalile.

Wakolosayi 1:27

Ninga u wuhile wo Mulungu, yakusaka yawamanyize i wanhu wakwe ze nghani mbaha yiyi na zo lukumyo, vyono vili so wanhu wose. Ne nghani yeneco nha yoyi: Kilisito yali muli nyenye, ne nghani yiyo yo yikumanyiza vyono anye mohanga u lukumyo lo Mulungu.

Wakolosayi 2:2

Nghunoza nha vivi, i zinhumbula zawo ho zitule, no kulunzizwa hamonga mu wendo, ho wamemywe mbeka yono yikuletwa no wumanye we mbeka. Na mu nzila yiyo, ho woyimanyila ne nghani yo Mulungu yono yihundikwe, hambi nha yo Kilisito mweneco.

2 Timoteyo 4:17

Ningo Muwaha yali yali hamonga nane, yamhela vilungo, sunga nghasuma kuyiganula inghani nha vyono yinha, i wanhu we makungugo ho wayihulice, kanyhi nghaponywa mu walingʼanizwe wo kuwulagwa.

Wahebelaniya 11:34

wayizimya myoto mikali, wakapona mu wuwulagwe no mumaje. Wali wasocele, ninga wakatuga vilungo. Wali wena inhumbula yono yisina woga mu wulugu, wakagasuma i malugu ge wajenzi.

1 Petelo 3:4

Langa wuswanu wenyu wunojeye wulawe mu wuwe wa mugati wo wunhu we mbeka, wono siwusakalaga, wo wuswanu no watuvu we nhumbula, wono wina wuguzi wukamu hali Mulungu.