Waefeso 2:6 - I CILAGANE CIPYA 1991

⁶ Ku soko yo wilunza na Kilisito, Yesu, u Mulungu yacizukula hamonga nayo, ho cikateme hamonga nayo ku wulanga.

Luganuzi Luswanu Kuli Wanhu Wose 2002

⁶ Ku soko yo wilunza na Kilisito, Yesu, u Mulungu yacizukula hamonga nayo, ho cikateme hamonga nayo ku wulanga.

Waefeso 2:6 ပူးပေါင်းရင်းမြစ်များ

Matayo 26:29

Ane nghumulonjelenyi nha vyono si nongʼwela lukulu idivayi ye zizabibu, sunga mwizuwa alilya lyono nilangʼwela idivayi yimhya hamonga nanye mu Wutemi wa Baba.”

Luka 12:37

Wowa wamoti wetumami wawo wono mutwa wawo kolo yakuza, yakuwagana wekaye meso, mbeka nghumutyenyi yuyo mutwa wawo kokwiwopa musipi mu ciwino, kowekaza wene ha zindigwa, na kowetumamila.

Yohana 12:26

Munhu mono yakusaka kunyitumamila, yimunojeye yanhyatye, kanyhi ho hose hono nili honili ane, baho ho kowa no mwitumami wangu. Na munhu wo wose mono yakunyitumamila ane, nayo Baba komupela lilumbo.

Yohana 14:3

Na hono mbite, nghamuwikanizizenyi wikalo, nolowuya, ho nimucemelenyi kwangu, nanye ho mwikale hono ho nili ane.

Waefeso 1:1

Yo nene Pawulo u mutumwa wa Kilisito Yesu so wuhile wo Mulungu, nghumwandicilenyi nyenye mo wanhu wo Mulungu mono muli ku Efeso, mo wehuwilwa mu wilunza na Kilisito Yesu.

Waefeso 1:3

Alenyi cimulumbe u Mulungu u Sogo yo Mutwa wetu Yesu Kilisito! Hambi mu wilunza na Kilisito, mumo mo yacimotezye ko kucipela ivipegwa vyose vye cimuhe kulawa ku wulanga.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

Waefeso 2:13

Ninga alu vyono mwelunza na Kilisito Yesu, anye mono mwali kutali ha mwamulizo, mwasejelezezwa mu nzila ye sakami ya Kilisito.

Wakolosayi 1:18

U Mwene Kilisito wo mutwe wo muwili wakwe, nha cinji likanisa, u Mwene wo mwamulizo wo wumi wa wuwo umuwili. U Mwene yo Mwana mulongozi kulelwa mono yazukulwa muli wafu, u Mwene ho yawe mulongola du kutali muli vinhu vyose.