Waefeso 2:3 - I CILAGANE CIPYA 1991

³ Hamba na sese cali cinha cinya wawo, cawutyatyaga u wusulumizi wetu we ciyinze yinze, no kwituma zinghani zizilya zono zayendezaga imiwili yetu ne mahala getu, kuciyinze yinze, vyono wenha wene nha vivyo na sese, ilikuwo lyo Mulungu lyali licinojeye licagane.

Luganuzi Luswanu Kuli Wanhu Wose 2002

³ Hamba na sese cali cinha cinya wawo, cawutyatyaga u wusulumizi wetu we ciyinze yinze, no kwituma zinghani zizilya zono zayendezaga imiwili yetu ne mahala getu, kuciyinze yinze, vyono wenha wene nhavivyo na sese, ilikuwo lyo Mulungu lyali licinojeye licagane.

Waefeso 2:3 ပူးပေါင်းရင်းမြစ်များ

Maluko 4:19

ninga i mahwele ga kononze yiyi, ne makoco ge sawo, ne masulumizi ge mawala gose, gakuwenjlia no kuyititiliza inghani yiyo, nawo hamba siwakulela mikalo.

Yohana 1:13

Wono si waleleywe mu vilungo vye cimunhu munhu, hamba mu vilungo vyo munhu, hamba mu wuhile wo munhu, langa u Mulungu mweneco yo Sogo yawo.

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Metumo ge Watumwa 14:16

I katali u Mulungu yagakombola i makungugo gose getume nha vyono gendile.

Walumi 1:24

Holeka u Mulungu nayo, yawaleka watyatye u wusulumizi wubi wa mu zinhumbula zawo, no kwiyituma izinghani ze cevu weneco wose mu miwili yawo.

Walumi 11:30

Baho katali, nanye mwali mwamubeza u Mulungu, ninga aluno mwakondya kulufuga u lusungu lwakwe, ku soko ye cibede cawo.

Walumi 13:14

Langa u Muwaha Yesu Kilisito yaweze co civwalo cenyu, kanyhi mulece kwipiganziza u wusulumizi wenyu wo muwili, no kuwufisiliza.

Walumi 2:14

Nha cinji, iwanhu we makungugo ganji, wasina u Wulajilize wa Musa, ninga lono wakwituma zono zili mu Wulajilize, nha vyono wakutongwa ne viselinji vyawo, ale weneco waweza cipimo co Wulajilize, hamba wawe si wawumanyile u Wulajilize.

Walumi 5:10

Hambi ase lono cali cikali cili sili nayo, u Mulungu yakacilamulila mu wufwe wo mwanagwe. Naluno vyono cakondya kwilamula no mwene, alu yili calinze vyono coponywa so wumi wa Kilisito.

Walumi 5:9

Alu vyono cakondya kunozwa, ho civumilwe hali Mulungu mu nzila ye sakami ya Kilisito, alu yili calinze, nha vyono kociponya mwikuwo lyo Mulungu.

Walumi 6:12

Ale u wubi wulece kutema kanyhi mu miwili yenyu yono yifwizaga, muwe kuhulika imasulumizi gayo kanyhi.

Walumi 7:18

Manyile vyono mugati yangu, musina yinji yo yose swanu, hambi ane nha nili munhu du. Ku soko vyono, hamba niwe nghusaka kunoza nghani swanu, si nosuma kwituma.

Walumi 9:22

Nha vivyo vyo yinha kuli Mulungu. Yakasaka yalilajile ilikuwo lyakwe, no kuvimanyiza ivilungo vyakwe. Ninga yakawa mukangalizi muno, yakuwakangalila walya wono wali yo soko ye likuwo lyakwe, wono wali wanojeye wongomezwe.

1 Wakolinto 4:7

Hambi nani mbi mono yakukuwona agwe nha wuli cinji hamwande ye wanji? Hamba alu wina ci cici kanyhi cono siwapegwa, alu nhawule kanyhi wukwilumbilila mu cinhu cico, kotya nha munhu mono wukali si napegwa?

2 Wakolinto 7:1

Holeka nyo wendece, vyono cakondya kupegwa i vilagane vivyo yicinojeye nase ciyeze muli zose zono zosuma kucitipiza mu miwili sunga na mu zinhumbula zetu, ho ciwe celile muno muno, no kwikala mu mikalile yono yimogopilo Mulungu.

Wagalatiya 3:22

Ninga si nhavivyo i Mandiko Gono Gelile gakondya kulonga nha vyono i yinze yose yili mu vilungo vyo wubi, wono wehuwiye ho wapegwe i cilagane so wihuwilo muli Yesu Kilisito.

Waefeso 2:2

Na mwipango lilyo mwekalilaga mu mikalile mibi ya mononze yiyi, nanye mukawa mukumuhulika u muwaha wo muhe mubi we vilungo wa mu mwanya, wo muhe wono wuwatemile alu, iwanhu wono si wakumuhulika u Mulungu.

Waefeso 4:22

Holeka mulecele lukulu i mikalile yenyu ye katali, u munhu muhuma mono yakuhodanjika so masulumizi go wukoci.

Wakolosayi 1:21

Na nyenye katali mwali mutemanuywe no Mulungu, kanyhi mwali walugu wakwe ku soko ye mahweso genyu ne metumo i mabi.

1 Watesalonike 4:13

Nyo wandugu zangu, cikuhila muyimanye i mbeka ya kuli walya wono wakondya kufwa, ho mulece kuwa na wukalale nhe wanhu wono wasina u witumbilo.

1 Watesalonike 5:6

Holeka cilece kugona zinhongo nha vyono wanji, langa yicinojeye cikale meso kanyhi ciweze no wiyimile.

1 Timoteyo 6:9

Ninga wawalya wono wasakaga wagolipe, wagwilaga mu wujelwe, no kugwila mu mutego we masulumizi menji mabi go wulele, gono gawakwegaga sunga ko ku wuhodanjice.

Tito 3:3

Hambi mu vipango vinji, nase nha cali walele, kanyhi cili cibede, call cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

1 Petelo 1:14

Kanyhi nha vyono yinha nhe wana wo Mulungu we cihuliko, holeka mulece kugatyatya kanyhi imasulumizi mabi, gono mwali mwina nago lono mwali mukali walele.

2 Petelo 2:14

Ne meso gawo gamemile wusenyha wose, sunga ne masulumizi gawo go kwituma wubi, si gamalikaga hamba hadodo. Wawo wo wakuwa kuwakongakonga wanhu wono wasoceye sunga wawagwiziza mu mitego. Ne mitima yawo yizoweleze muwusulumizi we zisawo. Iwanhu wawo wali mu wulijitwe wo Mulungu!

2 Petelo 2:18

Hambi nha walongaga zinghani zo wiwoni zono zisina nhunizo, kanyhi wegetumamilaga imasulumizi gawo mabi go muwili ho wawagwise awalya wono wakondya kwilega mu wanhu wono wekalaga mu wajilile.

1 Yohana 2:16

I vinhu vyose vya mononze, wusulumizi wo muwili, i vinhu vyono i wanhu wakuviwona, wawa kuvisulumila, hamonga no wiwoni wono wukuletwa so sawo, vyose vivyo sivikulawa muli Baba, langa vikulawa mononze.

1 Yohana 2:8

Hamba nha vivyo i lilajilizo lili lyono nghumwandicilenyi, lye lajilizo lipya, ne mbeka yalyo, yikwijelela muli Kilisito na muli nyenye nha vivyo. Hambi u wutitu nha weza kuwuka, no wuzelu we mbeka weza kwamula kubulila.