Waefeso 2:14 - I CILAGANE CIPYA 1991

¹⁴ Hambi Kilisito mweneco nha yo yaciletela u mulamu ko kuwanoza i Wayahudi ne wanhu we makungugo ganji wawe nha ndugu monga. Yakalipambula ko muwili wakwe, i libupa lyono lyali liwatemanuye, no kuwaletela wulugu munhu na muyagwe.

Luganuzi Luswanu Kuli Wanhu Wose 2002

¹⁴ Hambi Kilisito mweneco nha yo yaciletela u mulamu ko kuwanoza i Wayahudi ne wanhu wono si Wayahudi wawe nha ndugu monga. Yakalipambula ko muwili wakwe, i libupa lyono lyali liwatemanuye, no kuwaletela wulugu munhu na muyagwe.

Waefeso 2:14 ပူးပေါင်းရင်းမြစ်များ

Luka 1:79

kuwamulicila wono wekaye mu citi ce lifwa. No kuyitonga migulu yetu mu nzila yo mulamu.”

Luka 2:14

“Lukumyo kuli Mulungu kucanyha, na kononze mulamu kuli wanhu wono wakumunojeza.”

Yohana 10:16

Hozili zingholo zangu zinji zono si zili mwibululu lili, yinojeye zizo nazo nizilete; Nazo zolihulika ilizi lyangu. Nazo zowa itewa limonga no mudimi yumonga.

Yohana 11:52

Kanyhi hamba si likungugo lyawo du, langa ho yasume kuwakongholela hamonga iwana wo Mulungu wono wali weyagaye.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Metumo ge Watumwa 10:28

Petelo yakawatya, “Nyenye nyo weneco mumanyile vyono Muyahudi wo wose, wulajilize wakwe we dini wukumulemeza yalece kwilunza ne wanhu we makungugo ganji. Ninga u Mulungu kandajilila ʼne vyono ndece kumutya yunji musemunwa, lunji mwavu.”

Metumo ge Watumwa 10:36

Ayi yo nghani yo Mulungu yono yawategulila iwana wa Isilayeli, yakuganula u Luganuzi Luswanu lono lukule ta mulamu muli Yesu Kilisito, mono yo Muwaha wa wose.

Walumi 5:1

Ale, vyono cakondya kunozwa, ho civumilwe hali Mulungu ko wihuwilo, holeka cilamuye nayo mu nzila yo mutwa wetu Yesu Kilisito.

Wagalatiya 3:28

Holeka hasina kanyhi wisimajile wa muli Muyahudi no Mugilila, hamba muwanda no munhu mulelele, mucekulu hamba mulume. Hambi anye wose nha mwaweza cinhu cimonga muli Kilisito Yesu.

Waefeso 2:15

Yakawuwusa u Wulajilize wuwulya we Wayahudi hamonga ne malajilizo gayo hamonga ne myoto yayo, na muli wawo iwejete yawawumbilize hamonga wawe munhu yumonga mupya mu wumonga na Yesu, no kunoza mulamu.

Waefeso 2:17

Hambi Kilisito nha yaza, yakaganula u Luganuzi Luswanu lo mulamu kuli nyenye mo wanhu we makungugo ganji mono mwali muli kutali no Mulungu, sunga na kuli Wayahudi wono wali wali behi no Mulungu.

Waefeso 3:15

mono wo mwamulizo wa vyose vyono vili mononze na vya ku wulanga.

Waefeso 4:16

na mu wutonji wakwe mo vikulunzizwa hamonga i vilunzwa vyose vyo muwili, no muwili wose wukwitumbila u wutazi we vilunzwa vyakwe. Holeka icilunzwa hono citume u mulimo waco nha vyono yinojeye, ale u muwili wose wukuwiluka no kwizenga weneco mu wendo.

Wakolosayi 1:20

Holeka u Mulungu yadumula nghani kuyilamula yinze no mweneco. U Mulungu yakanoza mulamu mu nzila ye sakami ya Kilisito mu musalaba, holeka yakawa yakondya kuvilamula vinhu vyose no mwene, ivinhu vya mononze na vya ku wulanga.

Wakolosayi 2:20

Anye mwafwizana hamonga na Kilisito no kukombozwa mu vilungo vye myuhe yono yitemile ya mononze. Alu nhawule kanyhi mwikaye mu mikalile ya kotya muli we yinze yiyi? Na so cici muwicilwe wulajilize,

Wakolosayi 3:11

Na mu wuwe wuwo, musina kanyhi wisimajile kuli Mugiliki no Muyahudi, kuli mono yalame na mono si yalame, u musomi na mono si yasomile, u muwanda no munhu mwelecele. Langa vyose vili muli Kilisito du, nayo Kilisito yali muli vyose.

Wakolosayi 3:15

No mulamu wa Kilisito wuteme mu zinhumbula zenyu, hambi ku soko yiyo, nanye nha mwacemwa ho muwe muwili wuwo wumonga. Kanyhi muwe mwina lilumbo!

Wahebelaniya 13:20

U Mulungu yamuzukula u Muwaha wetu Yesu Kilisito mono yo Mudimi wetu Muwaha we zingholo, ku soko wumwaje we sakami yakwe yono yakangaza i cilagane ce cibitilila.

Wahebelaniya 7:2

nayo Abulahamu yakamugawila i lipinga lye likumi lya muli vyose vyono yali yena navyo. (Ne nhunizo yino nongozi ye litagwa lili lya Melicizedeki, wo wutya, “U mutemi wo wilingʼano,” na vyono u mwene yali mutemi wa Salemi, ilitagwa lilyo nalyo lina nhunizo yo wutya, “U mutemi wo Mulamu.”)