Waefeso 2:12 - I CILAGANE CIPYA 1991

¹² Nanye lululya mwali mu musina Kilisito, mwali musiwanuce muli Waisilayeli, kanyhi mwali wewisa, kanyhi mwali musina ifungu lyo lyose muli cilagane cicilya mu wihuwizo wuwulya;

Luganuzi Luswanu Kuli Wanhu Wose 2002

¹² Nanye lululya mwali mu musina Kilisito, mwali musiwanuce muli Waisilayeli, kanyhi mwali wejenzi, kanyhi mwali musina lifungu lyo lyose muli cilagane cicilya mu wihuwizo wuwulya.

Waefeso 2:12 ပူးပေါင်းရင်းမြစ်များ

Luka 1:72

Yakatya, kowawonela lusungu wasogo zetu. No kukumbucila Cilagane cakwe cono celile.

Yohana 10:16

Hozili zingholo zangu zinji zono si zili mwibululu lili, yinojeye zizo nazo nizilete; Nazo zolihulika ilizi lyangu. Nazo zowa itewa limonga no mudimi yumonga.

Yohana 15:5

“Ane yo nene muzabibu, anye muli manhambi. Mono kekalaga muli nene, nane niwe muli mwene, yuyo yo kalelaga muno mikalo, hambi hono hasina nene, anye nha si mosuma kwituma cinji.

Yohana 4:22

Anye Wasamaliya, mumuhembaga ayulya mono imbeka, si mumumanyile yaye. Ninga ase langa co Wayahudi, cimumanyile yuyo mono cimuhembaga. Hambi i mhonelo nha yikulawa kuli Wayahudi.

Metumo ge Watumwa 2:39

Hambi wihuwizo wuwo nha wehuwizwa ku soko yenyu, na ku soko ye wana wenyu, na ku soko ya wose wono wali kutali, na ku soko ya wo wose walya wono Muwaha Mulungu kowacemela kwakwe.”

Metumo ge Watumwa 28:20

Ku soko yiyo holeka nimucemenyi ciwone, cilongane nanye, hambi ane nha mbopigwe ne manyolo gaga kusoko yo witumbilo wa Isilayeli.”

Metumo ge Watumwa 3:25

Wihuwizo wo Mulungu wono yehuwiziza mu wawizi, wali wihuwizo wenyu, kanyhi anye muli we cilagane cono Mulungu yalaganila ne wasogo zenyu, nha vyono yamulonjela Abulahamu, ‘Mu lulelo lwako izinghungugo zose za kononze mo zolomotela.’

Walumi 9:8

Wo wutya, si wana wo muwili wo wana wo Mulungu aa, langa wawalya du, wono waleleywe mu cilagane co Mulungu, wo wocemwa wanagwe.

Wagalatiya 4:8

I katali vyono mwali si mumumanyile u Mulungu, holeka mwayitumamilaga milungu yono si milungu ye mbeka.

Waefeso 2:19

Holeka alu anye si muli wajenzi kanyhi, hamba si muli wanhu wakola nzila kanyhi, langa muli Wanyawusi hamonga ne wanhu wo Mulungu, kanyhi muli wanhu we Nyumba yo Mulungu.

Waefeso 4:18

ne mahala gawo gali mu wutitu. Wali kutali no wumi wo Mulungu, ku soko yo wulele wono wuli muli wene so cibede cawo.

Wakolosayi 1:21

Na nyenye katali mwali mutemanuywe no Mulungu, kanyhi mwali walugu wakwe ku soko ye mahweso genyu ne metumo i mabi.

Wakolosayi 1:27

Ninga u wuhile wo Mulungu, yakusaka yawamanyize i wanhu wakwe ze nghani mbaha yiyi na zo lukumyo, vyono vili so wanhu wose. Ne nghani yeneco nha yoyi: Kilisito yali muli nyenye, ne nghani yiyo yo yikumanyiza vyono anye mohanga u lukumyo lo Mulungu.

Wakolosayi 1:5

Hambi nha mwahulika zo witumbilo wono wukwijela muli mwene baho ha lulongozi du, lono mwayihulicila inghani ye mbeka yo Luganuzi Luswanu. Holeka aluno u wihuwilo wenyu, no wendo wenyu, vili mu nghani yiyilya yono mwayitumbila yono muwiciywe viswanu ku wulanga.

1 Watesalonike 4:13

Nyo wandugu zangu, cikuhila muyimanye i mbeka ya kuli walya wono wakondya kufwa, ho mulece kuwa na wukalale nhe wanhu wono wasina u witumbilo.

1 Watesalonike 4:5

ninga si mu masulumizi mabi nhe wanhu we makungugo ganji wono si wamumanyile u Mulungu.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

1 Timoteyo 1:1

Nene Pawulo umutumwa wa Yesu Kilisito ku soko ye lilajilizo lyo Mulungu u Mukombozi wetu na Yesu Kilisito u witumbilo wetu,

Wahebelaniya 11:34

wayizimya myoto mikali, wakapona mu wuwulagwe no mumaje. Wali wasocele, ninga wakatuga vilungo. Wali wena inhumbula yono yisina woga mu wulugu, wakagasuma i malugu ge wajenzi.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli hamwande yetu.

Wahebelaniya 8:6

Alu ninga Yesu yakondya kupegwa u witumami we cikohani wuswanu wucizize si nha wawo, nha vyono yacikangaza i cilagane ciswanu cicizize muli wanhu no Mulungu, hambi u musinji wayo nha wuli mu wihuwizo mu zinghani ziswanu zicizize muno.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

1 Petelo 1:3

Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya mu wuzukula Yesu muli wafu. Yakondya kucipela u witumbilo wo wumi,

1 Petelo 3:15

Langa mumukumyaje Kilisito nho Muwaha mu zinhumbula zenyu. Kanyhi mweze mwiwikanize nhondo zose kumupitula yunji wo wose mono komuwuzenyi zo witumbilo wono wuli muli nyenye,

1 Yohana 3:3

Na muli wose mono yena u witumbilo wuwu muli Kilisito yakwiyeza, nha vyono u mwene Kilisito yelile muno.