Waefeso 1:6 - I CILAGANE CIPYA 1991

⁶ Ninga cimukumyaje u Mulungu ku soko ye lihewa lyakwe lyo lukumyo muli Mwanagwe mwendece.

Luganuzi Luswanu Kuli Wanhu Wose 2002

⁶ Ninga cimukumyaje u Mulungu ku soko ye lihewa lyakwe lyo lukumyo muli Mwanagwe mwendece.

Waefeso 1:6 ပူးပေါင်းရင်းမြစ်များ

Matayo 17:5

Nayo lono yali yakali kulonga nha vivyo du, livunde yizelu likawa kuwagubika, ne lizi likahulikwa likulawilila mwivunde lilyo, likutya, “Ayu yo Mwanangu, u mwendece wangu, mono nyendezwe nayo, holeka mumuhulikaje.”

Matayo 20:9

Hodu, wakawa kuza iwetumami wawalya wono wategulwa ku mulimo mu saa kumi na monga cinyamihe, wawo wakabocela, munhu yakapegwa u musahala we zuwa limonga.

Matayo 3:17

Ne lizi likalawa ku wulanga likutya, “Ayu yo Mwanangu u mwendece wangu, mono nendezwe nayo.”

Luka 2:14

“Lukumyo kuli Mulungu kucanyha, na kononze mulamu kuli wanhu wono wakumunojeza.”

Yohana 10:17

“Ku soko yiyo holeka Baba yanyendile, vyono nghuwulavya u wumi wangu, ho niwusole kanyhi.

Yohana 3:35

U Sogo yo munhu yamwendile Mwana, Nayo yamupelile vinhu vyose.

Walumi 8:1

Alu nhondo hasina wuhoswe kuli walya wono mu mikalile yawo, wakondya kwilunza na Kilisito Yesu.

2 Wakolinto 4:15

Na zizi zose zili kusoko ye cambuzi cenyu nyenye, ho yiwe nha kotya lihewa lyo Mulungu, likuwaficila wanhu wenji muno muno, nawo ho wasume kulavya lilumbo muno muno ko lukumyo lo Mulungu.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

Waefeso 1:12

Holeka ase mono calongola kumwitumbila Kilisito, yicinojeye cilukumyaje u lukumyo lo Mulungu!

Waefeso 1:14

Yuyo Muhe co cipinjiko co kuzibocelela zose zono u Mulungu yawehuwiziza iwanhu wakwe, ne nghani yiyi yo yikucimanyiza vyono u Mulungu kowakombozeza lukulu wose iwakwe. Cilukumyaje u lukumyo lwakwe!

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Waefeso 2:7

Nha vivyo vyo yenda kuwulajila kuli wanhu wa ku myaka yono yokuza, u wuwaha we lihewa lyakwe wono yacipela bwete so wilunze wetu na Kilisito Yesu.

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

Wafilipi 3:9

no kwilunziza nayo lukulu. Alu ane si nghuwusacila lukulu kanyhi u wilingʼano wa mu wuhulika u wulajilize, hambi alu nha nawutuga u wilingʼano wono wukwijelela mu nzila yo kumwihuwila Kilisito, u wilingʼano wono wukulawa kuli Mulungu, wono wukuziza mu wihuwilo.

Wafilipi 4:19

Holeka u Mulungu wangu ku soko yo wugoli wakwe wuwaha mu nzila ya Kilisito, komupelenyi i visakwa vyenyu vyose.

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

1 Petelo 2:5

Ale mubitilenyi mwene nha mabwe momi, mukazenjece, no kuwa nyumba ye cimuhe, mono mosuma kwitumama nhe wakohani wono welile, ku wulavya i makumbiko ge cimuhe gono gakumwendezo Mulungu mu nzila ya Yesu Kilisito.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

1 Petelo 4:11

Na mono yakulonga nghani yo yose, u wulonje wakwe, weze nho wulonje we zinghani zo Mulungu, na mono yakuwetumamila wanji, yimunojeye yawetumamile ne vilungo nha vyono yakupegwa no Mulungu. U Mulungu ho yakumizwe muli vyose, mwitagwa lya Yesu Kilisito, mono ulukumyo ne vilungo nha vyakwe cibitilila na cibitilila! Heya.