Waefeso 1:23 - I CILAGANE CIPYA 1991

²³ Ilikanisa wo muwili wa Kilisito, no wukwilanicile nha wakwe mweneco mono yakuvikwilaniciza ivinhu vyose, hanhu hose.

Luganuzi Luswanu Kuli Wanhu Wose 2002

²³ Ilikanisa wo muwili wa Kilisito, no wukwilanicile nha wakwe mweneco mono yakuvikwilaniciza ivinhu vyose, hanhu hose.

Waefeso 1:23 ပူးပေါင်းရင်းမြစ်များ

Yohana 1:16

Hambi mu wukwilanicile wakwe, nase mo cikubocelela lihewa lyakwe cibitilila.

Walumi 13:5

Holeka yinojeye kuwahulika iwalongola, wono wena u wulajilize, ninga si so wogopa ilikuwo lyo Mulungu ngʼo, langa ku soko vyono ne ciselinji naco, cikusaka nha vivyo.

1 Wakolinto 12:6

Kanyhi ko wuli no witumami nawo wuli henji, ninga u Mulungu yo monga du, mono yakulavya ivilungo vyo witume muli wose.

1 Wakolinto 15:28

Ninga i vinhu vyose, lono viwe vyakondya kuwikwa hasi yo wutemi wa Kilisito, baho nayo u Mwana, ho kosuma kwiwika hasi yo Mulungu, mono yaviwika vyose hasi yo wutemi wakwe, u Mulungu ho yateme muli vyose.

Waefeso 2:16

Kilisito yakawusiza lukulu u wulugu wawo, ko muwili wakwe, na ko musalaba wakwe yakawalunza wose vyono wejete wakawa ndugu monga, yakawalamula no Mulungu.

Waefeso 3:10

ho alu i wawaha ne vilungo vya ku wulanga vimanyizizwe mu nzila ye Likanisa, ho wasume kugamanya i mahala go Mulungu gono gena mihilimo minji.

Waefeso 3:19

Kanyhi muwumanye no wendo wa Kilisito, wono wucizize wumanye wose, ho mumemywe u wukwilanicile wose wo Mulungu.

Waefeso 4:10

Alu yuyo mono yatima baha hono yinze, yo yuyo mono yabita sunga kucanyha muno yo wulanga wose, ho yasume kuyimemya yinze.

Waefeso 4:12

Yanoza nhavivyo ho yawawikanize i wanhu wose wo Mulungu, ku soko yo mulimo wo kumwitumamila Kilisito ho muwili wa Kilisito wuzengwe.

Waefeso 4:13

Sunga cize ciwuficile u wumonga wo wihuwilo no kumumanya u Mwana wo Mulungu; ho ciwe wanhu wono cikangaye no kuwuficila u wukwilanicile wa Kilisito mweneco.

Waefeso 4:4

Ko wuli muwili wumonga no Muhe monga nha vyono winha u witumbilo wumonga wono mwacemelwa no Mulungu.

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

Wakolosayi 2:19

Kanyhi yetemanuye na Kilisito mono wo mutwe wo muwili wuwo. Muli Kilisito, u muwili wose wukuliswa no kulunzwa hamonga i vilunzwa ne zinghwali zayo, nawo wuwilukaga nha vyono u Mulungu yendile.

Wakolosayi 3:11

Na mu wuwe wuwo, musina kanyhi wisimajile kuli Mugiliki no Muyahudi, kuli mono yalame na mono si yalame, u musomi na mono si yasomile, u muwanda no munhu mwelecele. Langa vyose vili muli Kilisito du, nayo Kilisito yali muli vyose.

Wakolosayi 3:15

No mulamu wa Kilisito wuteme mu zinhumbula zenyu, hambi ku soko yiyo, nanye nha mwacemwa ho muwe muwili wuwo wumonga. Kanyhi muwe mwina lilumbo!