Waefeso 1:1 - I CILAGANE CIPYA 1991

¹ Yo nene Pawulo u mutumwa wa Kilisito Yesu so wuhile wo Mulungu, nghumwandicilenyi nyenye mo wanhu wo Mulungu mono muli ku Efeso, mo wehuwilwa mu wilunza na Kilisito Yesu.

Luganuzi Luswanu Kuli Wanhu Wose 2002

¹ Yo nene Pawulo u mutumwa wa Kilisito Yesu so wuhile wo Mulungu, nghumwandicilenyi nyenye mo wanhu wo Mulungu mono muli ku [Efeso,] mo wehuwilwa mu wilunza na Kilisito Yesu.

Waefeso 1:1 ပူးပေါင်းရင်းမြစ်များ

Luka 16:10

Wo wose mono kowa mwihuwilwa mu nghani ndodo muno, yo kowa mwihuwilwa na mu nghani mbaha, na wo wose mono si mwihuwilwa mu nghani ndodo, si kowa mwihuwilwa mu nghani mbaha.

Metumo ge Watumwa 16:15

Nayo yaza kubaputizwa, u mwene na wa munyumba yakwe wose, yakacinena yakutya, “Hono yiwe mbeka mwawona vyono nane nimwihuwiye Muwaha, ale mwinjile mu kaya yangu.” Yakacinena cibite.

Metumo ge Watumwa 18:19

Wakafika ku Efeso, kono Pawulo yakawaleka wa Pelisicila na Akula, ninga mwene yakenjila mu nhangʼanilo yo wuhembelo vikawa kulongana ne Wayahudi.

Metumo ge Watumwa 18:21

Langa lono yawukaga, yakatya, “Hono Mulungu yende nolokuza kanyhi kono kwenyu.” Nayo yakatulucila mu ngalawa ku wulawa ku Efeso.

Metumo ge Watumwa 9:13

Ninga Ananiya yakapitula yakatya, “Muwaha, hulikaga kuli wenji zo munhu yuyo, mabi malinga mawaha gono yawatendeye i wanhu wako wono welile kuko ku Yelusalemi.

Walumi 1:1

I baluwa yiyi, yikulawa kuli nene Pawulo, u mwitumami wa Yesu Kilisito, no mutumwa mono nasiwanulwa, no kucemwa, kusoko yo kuluganula u Luganuzi Luswanu lo Mulungu.

Walumi 1:7

Holeka, nghumwandicilenyi anye wose mono muli kuko ku Lumi, iwendece wo Mulungu, mono mwasiwanulwa Nayo ho muwe wanhu wakwe. Nghumulombelenyi ilihewa no mulamu, vyono vikulawa kuli Mulungu u Sogo yetu, no Muwaha Yesu Kilisito.

Walumi 8:1

Alu nhondo hasina wuhoswe kuli walya wono mu mikalile yawo, wakondya kwilunza na Kilisito Yesu.

1 Wakolinto 4:12

Kanyhi cikugazika, no kwituma imilimo kwe miwoko yetu co weneco. Na lono cikuligwa, ase cikuwalombela wumoteswe du, na lono cikuwingwa wingwa, ase cikukangalila du,

1 Wakolinto 4:17

Si holeka nimutuma Timoteyo kuli nyenye. U mwene, yo mwanangu u mwendece wangu, kanyhi yo munhu mwihuwilwa muli Muwaha. U mwene, komukumbucizenyi nyenye, nzila yono ane no Pawulo nghuyityatya mu mikalile yangu ye Cikilisito, i nzila yono nghuyijiza ihanhu hose mu makanisa gose.

2 Wakolinto 1:1

Kulawa kuli nene Pawulo no mutumwa wa Kilisito Yesu so wuhile wo Mulungu no ndugu yetu Timoteyo. Cikumwandicilenyi anye mono muli we likanisa lyo Mulungu lyono lili kuko ku Kolinto, hamonga ne wanhu wose wo Mulungu we hanhu hose mu Akaya.

Wagalatiya 1:1

Ane Pawulo u mutumwa, hamonga na we zindugu wose, wono wali hamonga nane, cikwandika kuli makanisa gono gali ku Galatiya. Ane nacemwa kuwa mutumwa, ninga si so Wulajilize we wanhu, hamba si mu vilungo vye munhu,

Wagalatiya 3:26

Na mu nzila yo wihuwilo, anye wose mwawa wana wo Mulungu muli Kilisito.

Wagalatiya 3:28

Holeka hasina kanyhi wisimajile wa muli Muyahudi no Mugilila, hamba muwanda no munhu mulelele, mucekulu hamba mulume. Hambi anye wose nha mwaweza cinhu cimonga muli Kilisito Yesu.

Wagalatiya 3:9

Holeka wawo wono wena u wihuwilo, wolugulizwa nha vyono Abulahamu yalugutizwa vyono yali yehuwiye.

Waefeso 1:15

Ku soko yiyi, nane naza kuhulika muli zo wihuwilo wenyu kuli u Muwaha Yesu, no wendo wenyu kuli wanhu wo Mulungu,

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

Waefeso 2:13

Ninga alu vyono mwelunza na Kilisito Yesu, anye mono mwali kutali ha mwamulizo, mwasejelezezwa mu nzila ye sakami ya Kilisito.

Waefeso 2:6

Ku soko yo wilunza na Kilisito, Yesu, u Mulungu yacizukula hamonga nayo, ho cikateme hamonga nayo ku wulanga.

Waefeso 6:21

U ndugu yetu mwendece Tukiko no mwitumami mwihuhilwa muli Muwaha, komulonjelenyi zangu zose, ho musume kumanya cono nghwituma.

Wakolosayi 1:2

cikumwandicilenyi anye mo wanhu wo Mulungu mono muli ku Kolosayi, mo wandugu zetu wehuwilwa muli Kilisito. Ilihewa no mulamu wono wukulawa kuli Mulungu u Sogo yetu viwezane nanye.

Wugubule 17:14

Nawo wokwihoma na Mwana we ngholo, ningo Mwana we ngholo, hamonga na wawala wono yawacema kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwalajila wanji wayenyu mu jela, nanye motuga magayo mu vilo ikumi. Holeka, mwene muli wehuwilwa kuliʼne, sunga ko ku wufwe, nane nomupelenyi wumi, co cihumbilizwa cenyu co wusume wenyu.

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nha vivyo, wukali wibatiliye litagwa lyangu, hamba si wunakana u wihuwilo wako wa kuliʼne, sunga na mu vilo vya Antipa, muhomelezi wangu mwihuwilwa, lonoyawulajilwa i hanhu hono kekalaga Setani.