Tito 3:7 - I CILAGANE CIPYA 1991

⁷ na ku so Uhewa lyakwe ho cisume kuvumilwa hali Mulungu no kuwubocela u Wumi we cibitilila wono ciwitumbiye.

Luganuzi Luswanu Kuli Wanhu Wose 2002

⁷ na ku so lihewa lyakwe ho cisume kuvumilwa hali Mulungu no kuwubocela u Wumi we cibitilila wono ciwitumbiye.

Tito 3:7 ပူးပေါင်းရင်းမြစ်များ

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa kuwulawa wuwumbwe we yinze.

Maluko 10:17

Na lono Yesu yatulukaga kanyhi ku muhinzo wakwe, u munhu yunji yakamuziza lumangho, yakafugama hamwande yakwe, yakamuwuza, yakutya, “Go Mwijizi muswanu, nhende wule ho niwutuje u wumi we cibitilila?”

Walumi 11:6

U wuhagule wakwe wukulawilila mwihewa lyakwe, hamba si ku soko ye metumo gawo. Hambi hono u wuhagulwe wakwe wali wuwe wuli mu wulanga imetumo ge wanhu, kwaco ilihewa lyakwe si lyali liwe yihewa lya mbeka.

Walumi 3:24

Ninga so lihewa lyo Mulungu du, iwanhu wose wakunozwa wali lingʼani, no kuvumilwa hali mwene mu nzila ya Yesu Kilisito mono yawakomboza.

Walumi 3:28

Hambi u munhu nha kanozagwa yavumilwe hali Mulungu so wihuwilo, du, hamba si so kufisiliza u wuhile wo wulajilize.

Walumi 4:16

Ku soko yiyo holeka, inghani yiyi yili mu wihuwilo, na holeka no wihuwizo wuwo wuli so wanhu wose, si kuli walya du wono wakuwitumo Wulajilize, langa wuli na kuli walya wono wakuwumipa so wihuwilo nha vyono Abulahamu. U mwene yo sogo yetu sese wose.

Walumi 4:4

Mono yakwituma, kalipagwa musahala, no musahala wuwo si cipegwa, langa yo lingʼani yakwe.

Walumi 8:17

Holeka vyono ase cili wana wo Mulungu, ale cawubocela uwumoti wose wo Mulungu wono yawawiciye iwanhu wakwe, kanyhi cohanga uwuhazi wuwo hamonga na Kilisito, hambi hono cihanje uwugaye wakwe Kilisito, cohanga kanyhi no lukumyo lwakwe.

1 Wakolinto 6:11

Nanye wanji muli nyenye vyo mwali, ninga aluno mwahovugwa mu wubi, mukanozwa muwe mwelile, no kusiwanulwa so Mulungu, mukalamulwa no Mulungu, mwitagwa lyo Muwaha Yesu Kilisito na ko Muhe wo Mulungu wetu.

Wagalatiya 2:16

Ninga cimanyiye lukulu vyono u munhu si kosuma kuvumilwa hali Mulungu ku soko yo kuwibata u Wulajilize, langa so kumwihuwila Yesu Kilisito du. Na sese cimwihuwiye Yesu Kilisito nha vivyo ho cisume kuvumilwa hali Mulungu mu nzila yo wihuwilo wetu kuli Kilisito, hamba si so wibate wo Wulajilize.

Wagalatiya 3:29

Holeka anye hono muwe muli wakwe Kilisito, ale muli mbeyu ya Abulahamu, kanyhi mozibocela zizo ze cilagane co Mulungu.

Wagalatiya 4:7

Holeka alu agwe si wuli muwanda kanyhi, langa wuli mwana. Na vyono wuli mwana, holeka kozibocela zose zono u Mulungu yawawiciye i wanagwe.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

Tito 2:11

Hambi ilihewa lyo Mulungu nha lyanzalikwe ku soko yo wukombozwe we wanhu wose.

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lwo Mulungu Muwaha no Mukombozi wetu Yesu Kilisito.

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

Wahebelaniya 11:7

So wihuwilo, Noha yasugulwa no Mulungu kuli za kumwande zono yali yakali si yanasuma kuziwona yaye. Yamuhuliko Mulungu, yakanoza ligalawa lyono yaponela u mweneco hamonga na we mhuga yakwe wose. Na mu wulawilila muli zizo, i yinze yikalingʼanizwa, nayo Noha yakatuga u wilingʼano wono wukulawilila mu wihuwilo.

Wahebelaniya 11:9

So wihuwilo yakekala nha mujenzi mu yisi yono u Mulungu yamwihuwiziza. Yakekala kuko mwihema nha vyono wekalaga wa Isaka na Yakobo, wono nawo wahanga u wihuwizo wuwo.

Wahebelaniya 6:17

Nayo u Mulungu, yawukangaziza u wihuwizo wakwe mu wilahize, na muli zizo, yakawalajila calinze, wawo wono yawehuwiziza, vyono si kowupitula kanyhi u wuhile wakwe wuwo.

Yakobo 2:5

Wandugu zangu, wendece, hulicizenyi ta! u Mulungu yakondya kuwahagula iwanhu wono waciwa wa mu yinze yiyi, ho wawe wagoli wo wihuwilo kanyhi wawubocelega wutemi wono yawatemezeza wa walya wono wamwendile.

1 Petelo 3:7

Nha vivyo nanye nyo walume, mu wikalana ne wacekulu zenyu, munojeye mumanye vyono, wene wasocele, holeka munojeye muwatendele kwe cogopo, no kuwanemya, hambi nawo nha wolohalana hamonga nanye i lihewa lyo wumi, wono yakumupelenyi Mulungu. U wulombe wenyu, ho wulece kwimilwa.