Tito 3:2 - I CILAGANE CIPYA 1991

² Wuwalonjelaje vyono walece kumuliga munhu wo wose, langa wekalaje welamuye akuno wakwiyihulika, kanyhi weze wapolo kuli wanhu wose.

Luganuzi Luswanu Kuli Wanhu Wose 2002

² Wuwalonjelaje vyono walece kumuliga munhu wo wose, langa wekalaje welamuye akuno wakwiyihulika, kanyhi weze wapolo kuli wanhu wose.

Tito 3:2 ပူးပေါင်းရင်းမြစ်များ

Matayo 11:29

Mwiwicilaje u lubano lwangu, mwiyijize kuliʼne, hambi ane nha nili mupolo, kanyhi nili mwinenenyhezi mu nhumbula, nanye motuga wutuzwe mu zinhumbula zenyu.

Metumo ge Watumwa 23:5

Pawulo yakatya, “Wandugu zangu, si nali manyile, vyono yo Mukohani Muwaha, hambi nha yandikwe, Ulece kumulonga vibi muwaha we wanhu wako.”

1 Wakolinto 6:10

hambe wahizi, hamba i wabuguci, hamba i wagaloʼjimbi, na wono wendile kuwaheha i wayawo, ne walambilambi wose, wawo wose si wosuma kwinjila mu Wutemi wo Mulungu.

1 Wakolinto 9:19

Holeka hamba ane niwe si nili muwanda wa munhu wo wose, ninga nenoza ho niwe muwanda wa wanhu wose, ho sume kumutujila Kilisito wanhu wenji nha vyono yosumika.

2 Wakolinto 10:1

Ane yo nene no mweneco Pawulo, mono nghwijela nili mupolo lono nili hamonga nanye, ninga ho nili mukali lono nili kutali nanye, nghumunenenyi ko lusungu no wuswanu wa Kilisito.

2 Wakolinto 12:20

Nane nghogopa vyono na lunji kolo nghuza kwenyu, nomwaganenyi mu wuwe wono si wukunyendeza, nane baho lu, si noleka kuwa mu wuwe wono si mwendile nanye. Nane nghogopa yilece kuwa lunji ko wuli wugombane, wivu, makuwo, wubuguci, maheho, nzwaji ze caka caka, wusomenghanya, wiwoni, no wisagale muli nyenye.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Wagalatiya 6:1

Wandugu zangu, hono mumuwone munhu yunji yasutizye, ale anye mono mukutongwa no Muhe, mumukagaje u munhu yuyo ho yenozeleze, ninga mumunozeze nha vivyo ko wupolo, akuno mukwilanjilila nyenye nyo weneco ho mulece kwinjila mu majelo.

Wagalatiya 6:10

Holeka lono cikali cina cilejeho, yicinojeye ciwatendele wanhu wose i ziswanu, na ko muno i wandugu zetu wa mu wihuwilo wetu.

Waefeso 4:2

Mweze muli wenenenyhezi nhondo zose, muli wapolo, mwina ngola, mwiyikangalilaje nyenye wose mu wendo.

Waefeso 4:31

Holeka mugalecelaje lukulu matemanuko, simbili, makuwo, mazozo, maligo, no wavu wose, viwucile lukulu muli nyenye.

Wafilipi 4:5

Muweze wapolo kuli wanhu wose. U Muwaha yali behi.

1 Watesalonike 2:7

ninga ase nha vyono cili wetumami wa Kilisito, cali cisume kusaka cinji kwenyu. Ninga ase cikawa wapolo lono cali cili hamonga nanye, nha vyono yenha u nyina yo munhu muli wanagwe.

1 Timoteyo 3:11

Ne wagolece zawo nawo, iwanojeye wawe ne mikalile miswanu, si waheha wanhu, wono si wakolwa, kanyhi wehuwilwa muli zose.

1 Timoteyo 3:3

yalece kuwa mukolwa, hamba munhu we ciwuma wuma, langa yeze mupolo, mono yendile mulamu, kanyhi yalece kuwa munhu mwenda pesa,

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

Yakobo 4:11

Wandugu zangu, mulece kwihosa nyenye wose. Mono yakumuhosa nduguye no kumulingʼaniza, yuyo, yakuwuhosa kanyhi yakuwulingʼaniza Wulajilize. Na hono wuwuhose Wulajilize, ale, agwe siwukuwibata Wulajilize, langa wukuwuhosa.

1 Petelo 2:1

Holeka, lecenyi wubi wose: no wulambi, no wukoci, ne zinghani zose ze nhovu, vivyo vyose viwucile lukulu muli nyenye.

1 Petelo 3:10

Hambi i Mandiko Gono Gelile nha gatezaga, “Mono yakusaka yawumipe no wusangalale, Sunga yawone ne cambuzi ce vilo vyakwe, yimunojeye yalece kulonga zimbi, kanyhi yalece kulonga wulambi.

1 Petelo 3:8

Ale ze ndumilizo nghutya nhavi: yiwanojeye muwe na nhumbula monga, na ihweso limonga, yiwanojeye kwiyenda nha ndugu, mweze wapolo kanyhi muli wenenenyhezi nyenye wose.

1 Petelo 4:4

Ningaʼlu, iwanhu wawo wono siwamumanyile u Mulungu wakwizina kolo wakuwona vyono simukuwezana kanyhi na wene mu mikalile mibi, na holeka wakumulijenyi.

2 Petelo 2:10

Na ko muno wa walya wono watyatyaga imasulumizi mabi go muwili na wono wakubedegala no kulema kutemwa no Mulungu. Iwanhu we liwala lilyo wasina cihuliko kanyhi wedunhumuzi, hambi nha watovulaga, kanyhi wasina cogopo kuli viwumbwa vyono vyelile vya kucanyha.

Yuda 1:10

Ninga i wanhu wawa watovulaga i cinhu co cose cono si wakucimanya. I zinghani zono wazimanyile ku cihuma nha vyono winha u wutanje we zinimu zono zisina mahala, muli zizo mo wakwiyongomezeza.

Yuda 1:8

Nha vivyo ne wanhu wawa vyo wenha. Ne zindoto zawo zikuwa kuwapela wihodanga i miwili yawo weneco, kanyhi wakubeza u wulajilize wo Mulungu, kanyhi wakuvitovula ne viwumbwa vyo lukumyo vyono vili ku wulanga.