Tito 1:2 - I CILAGANE CIPYA 1991

² wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

Luganuzi Luswanu Kuli Wanhu Wose 2002

² wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo mu myaka ye katali lono yali yikali si nawa,

Tito 1:2 ပူးပေါင်းရင်းမြစ်များ

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa kuwulawa wuwumbwe we yinze.

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Maluko 10:17

Na lono Yesu yatulukaga kanyhi ku muhinzo wakwe, u munhu yunji yakamuziza lumangho, yakafugama hamwande yakwe, yakamuwuza, yakutya, “Go Mwijizi muswanu, nhende wule ho niwutuje u wumi we cibitilila?”

Maluko 10:30

mu mapango gaga, kopegwa kali igana no kuciza, zikaya, wawahaze, walumbuze, nyina, wana ne migunda hamonga ne magazo, ne vilo vyono vikuza, kobocela wumi we cibitilila.

Yohana 10:28

Nane nghuzipela wumi we cibitilila, nazo si zolokwajilila yaye, hamba hasina yunji mono kosuma kuziboka mu muwoko wangu.

Yohana 17:2

Hambi nha wamupela wulajilize muli wanhu wose, ho yawapele u wumi we cibitilila wawo wose wono wamupela.

Yohana 17:24

“Baba, wono wamhela, nghuhila, wawe hono ho nili nene, ho waluwone ulukumyo lwangu lono wamhela, hambi nha wanyenda ane hamba lono yinze yali yikali si yinawumbwa.

Yohana 5:39

Anye musomaga Mandiko Gono Gelile mukwihwesa vyono, mugati yayo muli gago, motuga wumi we cibitilila, na kumbe gago mandiko go gakuhomelela nene!

Yohana 6:54

Mono yakulya u muwili wangu no kuyingʼwa isakami yangu, yena wumi we cibitilila, nane nolomuzukula Mwizuwa lya ku ndumo.

Yohana 6:68

Simoni Petelo yakamupitula yakatya, “Muwaha cobita kuli nani? Nha yo gwegwe mono wina zinghani zo wumi we cibitilila.

Metumo ge Watumwa 15:18

Vyo yakutyo Muwaha, mono yayinoza nghani yiyi yikumuce kulawa katali.’

Walumi 1:2

Baho katali Mulungu, yawehuwiziza iwanhu u Luganuzi luluno Luswanu, mu nzila ye wawizi wakwe, mu Mandiko Gono Gelile.

Walumi 16:25

Alenyi luno cimukumye u Mulungu! U Mwene kosuma kumusikamizizyenyi mu Luganuzi Luswanu lululya, lono naluganula muli zinghani za Yesu Kilisito, na mu nghani ayilya ye cinyele ye mbeka yono yali hundikwe mu ndelo nyinji zono zapuluta.

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

Walumi 5:2

So wihuwilo wetu, mwene yakacileta no kucinjiza mwihewa lyo Mulungu, mono alu mo cikuwumipila. Holeka cikwilumbila u witumbilo wono cina nawo, wo kuhanga mu lukumyo lo Mulungu.

Walumi 5:21

Nha vyono ivilungo vyo wubi, viletaga lifwa, navyo ivilungo vye lihewa viletaga wilingʼano, na kundumilizo, wumi we cibitilila mu nzila ya Yesu Kilisito u Mutwa wetu.

Walumi 5:4

u wukangalile nawo wuletaga wusikamywe, na wuwo nawo wuletaga witumbilo.

Walumi 6:23

Hambi u musahala wo wubi nha yifwa, langa icipegwa cono yakulavyo Mulungu, wo wumi we cibitilila mu wilunza na Yesu Kilisito u Mutwa wetu.

Wakolosayi 1:27

Ninga u wuhile wo Mulungu, yakusaka yawamanyize i wanhu wakwe ze nghani mbaha yiyi na zo lukumyo, vyono vili so wanhu wose. Ne nghani yeneco nha yoyi: Kilisito yali muli nyenye, ne nghani yiyo yo yikumanyiza vyono anye mohanga u lukumyo lo Mulungu.

1 Watesalonike 2:15

wono wamuwulaga u Muwaha Yesu ne wawizi, wakacigaza sunga na sese nha vivyo. Iwanhu wono si wakumwendeza u Mulungu, kanyhi wali sili ne wanhu wose.

1 Watesalonike 5:8

Ninga ase cili wanhu wa mu misi, holeka yicinojeye ciwe no wiyimile. Yicinojeye civwale u wihuwilo no wendo viwe nha civwalo cono cosuma kucicitiza mu mhambaga, kanyhi no witumbilo wetu we mhonelo, yiwe nha kofiya ya cuma.

1 Timoteyo 6:12

Umanyhe kwe vilungo vyako vyose wicize lumangho lo wihuwilo, ho witujile cihumbilizwa co wumi we cibitilila, wono wacemelwa lono wawuvumila u wihuwilo wako hali wahomelezi wenji.

1 Timoteyo 6:19

Na muwunoza nhavivyo wakwiyiwutila ciwutwa cono cowa kuli wene musinji wono wukamile kuli cipango cono cikuza. Ho wasume kwiyitujlia u wumi wono wo wumi we mbeka.

2 Timoteyo 1:1

Ane yo nene Pawulo, mono u Mulungu yakasaka ho niwe mutumwa wa Kilisito Yesu,

2 Timoteyo 1:9

Mwene yacikomboza, kanyhi yakacicema ciwe wanhu wakwe mweneco, si ku soko vyono cinojeye so metumo getu, aa, ngʼo, ninga ku so wuhile wakwe mweneco, na so lihewa lyakwe. Nayo yakacipela i lihewa lilyo ku soko ya Kilisito Yesu, lono vilo vyali vikali si vinawa.

2 Timoteyo 2:10

holeka nghukangalila muli vyose ku soko ye wahagulwa wo Mulungu, nawo nha vivyo ho watuje u Wukombozi wono wukuziza mu nzila ya Yesu Kilisito, kanyhi wono wuletaga lukumyo lwe cibitilila.

2 Timoteyo 2:13

Na hono cilece kuwa wehuwilwa, ninga mwene kekalaga mwihuwilwa cibitilila, hambi mwene nha sikosuma kwiyikana mweneco.”

2 Timoteyo 2:15

Wupiligale muno kwiwika mu mikalile ye lilumbo hali Mulungu nha mwitumami mono si yakuwuwonela cevu u mulimo wakwe, kanyhi mono yakwijiziza mu wulunji inghani ye mbeka.

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lwo Mulungu Muwaha no Mukombozi wetu Yesu Kilisito.

Tito 2:7

Yikunojeye gwegwe go mweneco weze wina musambo we metumo maswanu. Weze wuli mutuvu, ne mafundo gako geze gena wuzito.

Tito 3:7

na ku so Uhewa lyakwe ho cisume kuvumilwa hali Mulungu no kuwubocela u Wumi we cibitilila wono ciwitumbiye.

1 Yohana 2:25

No wihuwizo wono yacihuwiziza ase, nha wowu, u wumi we cibitilila.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Yuda 1:21

No kwikala mu wendo wo Mulungu, akuno mukumulindila Muwaha wetu Yesu Kilisito yamupelenyi wumi we cibitilila ko lusungu lwakwe.

Wugubule 13:8

Na wose wono wekaye mononze wolihemba, ninga awalya wono matagwa gawo gandikwe mu citabu co wumi co Mwana we ngholo mono yawulagwa ku wulawo mwamulizo we yinze, wawo langa si wolihemba yaye.

Wugubule 17:8

I lilimu lilyo lyono wuliwene lyono lyali lyumi hamwamulizo, ninga aluno lyakondya kufwa. Ninga hamba nha vivyo, lili behi lyonanuka kulawa kwikombo lyo wuninyina, ninga lyokongomezwa. Na wono wekaye kononze, wokwizina, heya, wanhu wose wono i matagwa gawo si gandikwa mu citabu co wumi ku wulawa mwamulizo weʼnze, wokwizina muno muno kolo wakuliwona i lilimu lilyo lyono ha mwamulizo lyali lyumi, hanyuma likafwa, na aluno likwijela kanyhi!