Matayo 7:7 - I CILAGANE CIPYA 1991

⁷ “Lombenyi nanye mopegwa, londolenyi nanye mowona, mukongʼonhe nanye modigulilwa.

Luganuzi Luswanu Kuli Wanhu Wose 2002

⁷ “Lombenyi nanye mopegwa, londolenyi nanye mowona, mukong'onhe nanye modigulilwa.

Matayo 7:7 ပူးပေါင်းရင်းမြစ်များ

Matayo 18:19

Kanyhi nghumulonjelenyi vyono wanhu wejete wa muli nyenye, hono welumbanize baha mononze, so nghani yono wolomba, u Sogo yangu wa ku wulanga, mbeka kowapela inghani yiyi.

Matayo 21:22

Na hono muwe no wihuwilo du, ale co cose du cono mocilomba mu wulombe wenyu, cico mocituga.”

Matayo 6:33

Ninga hamonga na zizo zose, mwamule kuwulondola u Wutemi wo Mulungu, na zose zono u Mulungu yakuzihila, holeka na zizo zose mokonjelezwa.

Matayo 7:11

Holeka hono anye mono muli wabi, ninga mumanyile kuwapela iwana wenyu ivinhu viswanu, mbeka, u Sogo yenyu wa ku wulanga kokwituma nha vivyo yacizilize, nayo kowapela iviswanu wose wono wakumulomba.

Matayo 7:8

Hambi mono yakulomba nha yakupegwa, nayo mono yakulondola yakutuga, na mono yakukongʼonha yakudigulilwa.

Maluko 11:24

Holeka nghumutyenyi, lono mukulomba no kusaka cinji, mwihuwile du vyono mwakondya kupegwa, nanye mozituga.

Luka 13:25

Cipango cokuza, cono munya kaya kokwinuka, no kudinda mulango, nanye molokwanza kwima kunze, no kukongʼonha ha mulango, mukutya, “Muwaha, ucidigulile mulango.” Nayo kolopitula yawe kumutyenyi, “Si nghumumanyenyi kono mulawile!”

Luka 18:1

Hanyuma Yesu yakawalonjela cihwanicizo Wejizwa wakwe, yakuwalajila vyono yiwanojeye kulomba nhondo zose, walece kukatala.

Yohana 15:16

Anye si mwanyihaga ane, langa ane yo namwihajenyi nyenye, kanyhi nghawa kumuwagulenyi ho mubite mukalele mikalo, i mikalo yono yikalaga, nayo Baba ho yasume kumupelenyi co cose cono mukumulomba mwitagwa lyangu.

Yohana 15:7

Hono mwikale muli nene ne zinghani zangu hono zikale muli nyenye, ale mulombe co cose cono mukusaka, nanye mopegwa.

Yohana 4:10

Yesu yakumupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, Umhele malenga ningʼwe, nagwe wali wumulombe, nayo yali yakupele malenga go wumi.”

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

Walumi 3:11

Hasina munhu mono yakwizuka, hamba mono yakumulondola u Mulungu.

Wahebelaniya 11:6

Holeka si yosumika kumwendeza u Mulungu hono hasina wihuwilo. Vyono u munhu wo wose mono yakusaka kumwendeza u Mulungu, yimunojeye yehuwile vyono u Mulungu yali baho, na kanyhi vyono u Mwene kawakamisaga wose wono wakumulondola.

Yakobo 5:15

Na hono walombe wehuwiye, yuyo mutamwa koponywa, u Muwaha komupela ciba, no wubi wono yali yetuma wonenelwa.

1 Yohana 3:22

nase cosuma kubocela co cose cono colomba, hambi nha cigebate malajilizo gakwe, no kwituma zono zikumwendeza.