Matayo 7:24 - I CILAGANE CIPYA 1991

²⁴ “Holeka ku soko yiyo, u munhu wo wose mono ya kuzihulika izinghani zangu no kuzibata, yuyo yehwanile u munhu we mahala, mono yayizenga ikaya yakwe mwitalawe.

Luganuzi Luswanu Kuli Wanhu Wose 2002

²⁴ “Holeka ku soko yiyo, u munhu wo wose mono ya kuzihulika zinghani zangu no kuzibata, yuyo yehwanile u munhu we mahala, mono yayizenga kaya yakwe mwi'talawe.

Matayo 7:24 ပူးပေါင်းရင်းမြစ်များ

Matayo 12:50

Vyono u munhu wo wose mono yakwituma nha vyono yakuhila Baba mono yali ku wulanga, ale, yuyo yo muwaha wangu, yo lumbu lyangu, kanyhi yo nyina yangu.”

Matayo 16:18

Holeka nane nghukulonjela Petelo nghutya, yo gwegwe wuli italawe, na mucanyha ye litalawe lilino, nolizenga likanisa lyangu, hamba ne lifwa lyeneco du, si lyolisuma yaye.

Matayo 24:45

Nayo Yesu, yakajendelela kulonga yakutya, “Alu nani mbi u mwitumami mwihuwilwa, kanyhi we mahala, mono muwaha wakwe komuwika, ho yawapele zindigwa iwanhu wakwe mucipango cono cinojeye?

Matayo 25:2

Muli wahinza wawo ikumi, mwali mowali wahinza wahano wono wali walele, na wahano wanji, wali we mahala.

Matayo 25:4

Ninga awalya wahano we mahala, wasola ne ciwutwa ce mafuta ge tala, hamonga ne zitala zawo.

Matayo 25:9

Ninga awalya we mahala, wakawatya, ‘Sigocikwila anye na sese! Ciba hono mubite kwiduka mukegulile nyo weneco!’

Matayo 7:25

Imvula yikatonya, ne makolongo gakahuluma, ne mbeho mbaha yikakukunza no kuyikundujiza ikaya yiyo. Ninga hamba si yagwa yaye ku soko vyono yali yizenjigwe mwitalawe mucanyha.

Matayo 7:26

Ninga muli wose mono yakuzihulika izinghani zangu zizi, hamba kuzibata, ale yuyo yehwanile no munhu mulele mono yazenga ikaya yakwe mwisangha.

Luka 11:28

Nayo Yesu yakamutya, “Heya, ninga wamoti muno wanhu wono wakuyihulika nghani yo Mulungu no kuyikamisa.”

Yohana 13:17

Holeka hono muwe mwayimanya i mbeka yiyi, mowa wamoti hono muyitume.

Yohana 14:15

“Hono munyende, mokwibata i malajilizo gangu.

Yohana 15:10

Hono mwibate malajilizo gangu, mokwikala mu wendo wangu, nha vyono nane nibate malajilizo ga Baba, nikaye mu wendo wakwe.

Yohana 15:14

Anye muli wendece wangu, hono muzitume zono nghumulajilizenyi.

Walumi 2:13

U munhu, si kosuma kuvumilwa hali Mulungu, so kuwuhulika bwete du Wulajilize, langa mono yakuwituma Wulajilize.

1 Yohana 2:3

Hono cigakamise i malajilizo go Mulungu, ale ho cosuma kumanyila lukulu vyono cimumanyile.