Matayo 7:15 - I CILAGANE CIPYA 1991

¹⁵ “Mwilanjililaje kuli iwawizi wo wulambi. Wono wakumuzizenyi, akuno wakwijela kunze nha ngholo, ninga mugati yawo ho maminzi makali.

Luganuzi Luswanu Kuli Wanhu Wose 2002

¹⁵ “Mwilanjililaje kuli iwawizi wo wulambi. Wono wakumuzizenyi, akuno wakwijela kunze nha ngholo, ninga mugati yawo ho maminzi makali.

Matayo 7:15 ပူးပေါင်းရင်းမြစ်များ

Matayo 10:17

Mwilanjililaje kuli wanhu, hambi nha womutegulenyi kuli mahakama, kanyhi womukunenyi viboko mu matangʼanilo gawo go wuhembelo.

Matayo 16:11

Alu yosumika nhawule ho mulece kumanya, vyono ane si nali kulonga muli ze mikate? Holeka musuguce kuli cisase ce Wafalisayo ne Wasadukayo!”

Matayo 16:6

Yesu yakawatya, “Mwikalaje meso, kanyhi mweze musujile kuli cisase ce Wafalisayo ne Wasadukayo!”

Matayo 24:11

Kanyhi mu vilo vivyo, wololawila iwawizi wenji wo wulambi, nawo wolowa kuwajiliza wanhu wenji.

Matayo 7:14

Ninga inzila yono yikubita sunga ko ku wumi, finyu, sunga no mulango wo kwinjilila kuko nawo mufinyu, nawo wanhu wacefu du wono wakusuma kuyiwona inzila yiyo.

Luka 12:15

Yakawatya wose, “Lanjenyi ta, mwiyikamisaje mu wusulumizi wose, hambi u wumi wo munhu nha si wutugaga mulamu ku soko yo winji we vinhu u munhu vyono yena navyo.”

Luka 6:26

“Woyi he nye kolo wakumulumbizenyi wanhu wose, hambi wasogo zawo nha vyo wawatendela i wawizi wo wulambi.

Yohana 10:12

U munhu mono yakudima kusoko yo kulipwa musahala, yuyo si mudimi, hamba ne zingholo si sawo yakwe, kolo yakuwona liminzi likuza, yakuzileka zingholo, yakutiza. Nalyo liminzi likuzibata no kuziyagaza.

Metumo ge Watumwa 13:40

Holeka musuguce, zilece kumuzizenyi zono zalongwa ne wawizi,

Metumo ge Watumwa 13:6

Waza kondya kupuluta ilizingwa lyose, sunga ko ku Pafo, na kuko wakagana muhawi yunji, Muyahudi, litagwa lyakwe Baliyesu, mono yenozaga nha muwizi.

Wagalatiya 2:4

hamba yiwe hali howali wandugu wo wulambi wono wali wahijiliye Tito yalame. I wanhu wawa weyinjiza ko wusugu, wakawa kuwulondola u welecele wetu wono cina nawo muli Kilisito Yesu, ho wacinjize mu wuwanda.

Waefeso 4:14

Ho cilece kuwa kanyhi nha wana, wono cowa kugumilwa no kupemheluswa ako na ako mu mbeho ye mejizo gono gakutulwa ne wanhu wakonji, ho wawajilize wanji ko wusugu.

Waefeso 5:6

Mulece kumuvumila yunji yamukonjenyi na nghani zono zisina cambuzi, hambi nha kusoko ye zinghani zizo, ilikuwo lyo Mulungu likuwa kuwaziza iwana wono si wakumuhulika.

Wafilipi 3:2

Mwilegaje na wawo wono wetumaga wavu, wawo wono wenha mabwa, wanhu wono wakukangaza u witemanje mu muwili.

Wakolosayi 2:8

Mulanjilile, munhu yunji yalece kumwajilizenyi ko wusugu no wukoci we wanhu wono wusina cambuzi, wono wukulawilila mu mejizo ge zisimo ze wanhu, na mu myuhe yono yitemile, hamba si Kilisito mweneco!

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

2 Timoteyo 4:3

I lipango lyokuza lyono wanhu si wolokwenda kugahuliciza i mejizo ge mbeka, langa wene wokwenda kutyatya masulumizi gawo weneco, no kwilundila wejizi wenji wono wowalonjela zinghani zizo du zono i makutu gawo gowa gewikanize kuwuhulicize.

2 Petelo 3:17

Ningaʼnye, nyo wendece wangu, mwakondya kuyimanya mweze musujile, ho mulece kwajilizwa ne masutya ge wahodanji, no kugwa kuwulawa mu wusikame wenyu wono wukamile.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.

Yuda 1:4

Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga zo wulingʼanizwe wono wuwalindiye i wanhu wawo kulawa katali.

Wugubule 16:13

Hanyuma nghawona myuhe midatu myavu yinha madelu, yikulawa mu mulomo wa lililye lizoka, na mu mulomo wa lililye lilimu, na mu mulomo wa yulyo muwizi wo wulambi.

Wugubule 17:6

Nghamuwona mucekulu yuyo yagalile i sakami ye wanhu wo Mulungu, ne sakami ye wanhu wono wawulagwa ku soko yo kumuganula Yesu. Nane nalimuwona, nghezina wizine wuwaha muno muno.

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete wakagumilwa vyo womi du, mwilamba lyono lyakaga moto we cibiliti.

Wugubule 20:10

Na Setani mono yawakongaga, nayo yakagumilwa mwilamba lyono likwako moto we cibiliti, mumo mono molili alilya lilimu hamonga no muwizi wo wulambi, nawo wowa kugazwa misi ne cilo, cibitilila ne cibitilila.