Matayo 6:5 - I CILAGANE CIPYA 1991

⁵ “Nanye lono mukulomba, mulece kuwa nhe wakoci. Hambi iwene wakoci, nha wendile kwima wima mu matangʼanilo go wuhembelo, sunga na mu zinzila, no kulomba, ho welajise kuli wanhu. Mbeka nghumulonjelenyi, vyono wawo wakondya kucituga icihumbilizwa cawo.

Luganuzi Luswanu Kuli Wanhu Wose 2002

⁵ “Nanye lono mukulomba, mulece kuwa nhe wakoci. Hambi iwene wakoci, nha wendile kwima wima mu matang'anilo go wuhembelo, sunga na mu zinzila, no kulomba, ho welajile kuli wanhu. Mbeka nghumulonjelenyi, vyono wawo wakondya kucituga icihumbilizwa cawo.

Matayo 6:5 ပူးပေါင်းရင်းမြစ်များ

Matayo 21:22

Na hono muwe no wihuwilo du, ale co cose du cono mocilomba mu wulombe wenyu, cico mocituga.”

Matayo 23:13

“Woyi he kuliʼnye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

Matayo 23:5

Iwene izawo zose, wetumaga du ho wanhu wawawone. Hambi nha wendile kuvwala ha wusu wawo na mu miwoko yawo icitambala cono cihonele malajilizo, kanyhi wendile konjeleza ne masune mu majoho gawo.

Matayo 23:6

Kanyhi, wendile hanhu he lilumbo mu zindigwa ze zisikukuu, no kwikala mu magoda matambule mu matangʼanilo go wuhembelo.

Matayo 6:1

“Mulanjilile, mulece kwitumila i metumo genyu maswanu ha meso ge wanhu, ho mwilajise hali wene. Hambi hono munoze nha vivyo cagalanze, nha si mosuma kupegwa icihumbilizwa no Sogo yenyu wa ku wulanga.

Matayo 6:16

“Na lono mukuleka kulya, mulece kusininghala ha wusu nhe wanhu wakoci. Hambi iwene nha wasininghalaga ha wusu, ho wejele hali wanhu vyono walecile kulya. Nghumulonjelenyi mbeka, vyono wawo, wakondya kucituga icihumbilizwa cawo.

Matayo 6:2

“Holeka na hono wumutaze u muciwa, wulece kwiyilajisa hali wanhu, wulece kunoza nhe wanhu iwakoci vyono wanozaga mu matangʼanilo go wuhembelo, na mu zinzila, ho walumbwe ne wanhu. Mbeka nghumutyenyi vyono, wakondya kucituga icihumbilizwa cawo.

Matayo 9:38

Holeka mumulombaje munya mugunda, ho yatume iwaduduzi mu mugunda wakwe.”

Maluko 11:25

Kolo mukwima no kulomba, muwanenelaje wose wono wamusutizyenyi nghani yo yose, nayo u Sogo yenyu mono yali ku wulanga ho komunenelenyi nanye i masutya genyu. [

Maluko 12:38

Mu mejizo gakwe Yesu yalonga yakutya, “Musuguce kuli wejizi wo Wulajilize, wono wendile kujenda jenda ako, na ako akuno wavwalile zikanzo zinhali no kulamuswa ne wanhu kwe cogopo mu Sokoni, kanyhi wendile kwikala mu magoda matambule mu matangʼanilo go wuhembelo,

Luka 11:43

Woyi he nyo Wafalisayo! Ku soko mwendile kwikala kumwande mu magoda matambule mu matangʼanilo go wuhembelo, ne milamu ye cogopo mu minadi.

Luka 18:1

Hanyuma Yesu yakawalonjela cihwanicizo Wejizwa wakwe, yakuwalajila vyono yiwanojeye kulomba nhondo zose, walece kukatala.

Luka 18:13

Ninga ayulya mutoweza kodi yakema kutali, hamba si yenda no kwinula meso gakwe ku wulanga, ninga yaketowa mu mhambaga ko wukalale, yakatya, “Gwe Mulungu Umbonele lusungu ane no mubi.”

Luka 20:47

Wene wakuwewonela iwacekulu wafwile, no kuwasolela ivinhu vyawo, akuno wakwinoza nha waswanu, so wulomba wulombe wutali muno ko wukoci. Wawo wotuga wulipicizwe wuwaha muno muno mwizuwa lye ningʼaniza.”

Luka 6:24

“Ninga woyi he nye mono muli wagoli! Hambi nha mwapegwa mwakondya wusindamice wenyu.

Yohana 16:24

Sunga na lulu, mukali si nalombela cinji mwitagwa lyangu. Lombenyi, nanye mopegwa, nyemo yenyu ho yikwilanicile.

Waefeso 6:18

Mweze kulomba nhondo zose, mukulomba u wutazi wo Mulungu. Mweze kulomba madaha gose mu vilungo vyo Muhe. Mwikalaje meso, mulece kukatala, mukuwalombela i wanhu wose wo Mulungu.

1 Watesalonike 5:17

akuno mukulomba musina wudile,

Yakobo 4:6

Ninga, lihewa lyono cikupegwa no Mulungu lili vilungo muno muno, nha vyono gatezaga i Mandiko, “Mulungu kawemilaga iwedunhumuzi, langa kawapelaga lihewa iwenenenyhezi.”