Matayo 6:25 - I CILAGANE CIPYA 1991

²⁵ “Si holeka nghumulonjelenyi nghutya, mulece kuwa na mahwele ku soko ye zindigwa mukutya, molya cici hamba mongʼwa cici, ku soko yo wumi wenyu, hamba muli ze vivwalo vyono mukuvisaka ku soko ye miwili yenyu. Alu mukwihwesa vyono u wumi wuli mu zindigwa du, hamba hocili cinji cono cicizize? No muwili nawo ma, si wuvicizize i vivwalo?

Luganuzi Luswanu Kuli Wanhu Wose 2002

²⁵ “Si holeka nghumulonjelenyi nghutya, mulece kuwa na mahwele ku soko ye zindigwa mukutya, molya cici hamba mong'wa cici, ku soko yo wumi wenyu, hamba muli ze vivwalo vyono mukuvisaka ku soko ye miwili yenyu. Alu mukwihwesa vyono u wumi wuli mu zindigwa du, hamba hocili cinji cono cicizize? No muwili nawo ma, si wucizize i vivwalo?

Matayo 6:25 ပူးပေါင်းရင်းမြစ်များ

Matayo 10:19

Holeka kolo wakumutegulenyi kuli mahakama, ale, anye mulece kuwa na mahwele kuli zono molonga hamba lunji molonga nyhici, hambi nha mopegwa yono molonga mu cipango cico.

Matayo 13:22

I mbeyu ayilya nayo yono yagwila mu mabici ge mamivya, yihwanile u munhu mono yakuyihulika inghani, ninga i mahwele ga mononze yiyi hamonga ne masulumizi gayo ge zisawo, zikuyititiliza inghani yiyo, holeka u munhu yuyo si yakusuma kulela mikalo.

Matayo 6:31

Ale, mulece kuwa na mahwele yaye, mukutya, ‘Alu hamba colya cici, hamba covwala cici!’

Matayo 6:34

Holeka mulece kuwa na mahwele ku soko ye lizuwa lye mitondo, hambi imitondo nha yowa ne mahwele gayo nayo. Holeka hasina soko yo kutowelela u wugaye, vyono izuwa no wugaye wayo wukwiliye.

Maluko 13:11

Nawo kolo wakumwibatenyi, no kumutegulenyi kuli mahakama, mulece kutuga mahwele vyono molongaci, ninga i lipango lilyo kolo lyafika, ale mulonje co cose cono molopegwa, hambi nha si nyenye mono mololonga, langa yo Muhe Mono Yelile.

Maluko 4:19

ninga i mahwele ga kononze yiyi, ne makoco ge sawo, ne masulumizi ge mawala gose, gakuwenjlia no kuyititiliza inghani yiyo, nawo hamba siwakulela mikalo.

Luka 12:11

Na kolo wakumutegulenyi mu matangʼanilo go wuhembelo, na kuli wawaha, ne watemi, muze mulece kwihwelela molopitula nhawule, hamba mololonga ci.

Luka 8:14

Na zono zalagala mu mabici ge mamivya, co cihwanicizo ce wanhu wono wakuyihulika nghani, ninga mu wujendelele wawo, wakuzinjilizwa ne mahwele ne zisawo, no wiyendeze we mikalile yiyi, nawo siwakulela mikalo yono yikangaye.

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nha vivyo, wule, si kocipela ne ziswanu zose?

1 Wakolinto 7:32

Ninga ane nali nyende anye mulece kuwa na mahwele. U munhu mono yasina mugolece yuyo kepiganzaga ne milimo yo Muwaha, mu nghango vyono kosuma kumwendeza u Muwaha.

Wafilipi 4:6

Mulece kwihwelela muli cinji co cose, langa mu wulombe wenyu, mumulombaje u Mulungu i visakwa vyenyu, mumulombaje akuno mukumulumba mu zinhumbula zenyu.

2 Timoteyo 2:4

U musilikale lono yali ku wulugu, keyimilaga zose ze mikalile ye nhondo zose, ho yasume kumwendeza u muwaha wakwe mono yamwandika wusilikale.

1 Petelo 5:7

Mumulecelaje u Mulungu zose zono zikumugazenyi mu zinhumbula zenyu. Hambi mwene nha yo yakumudimenyi.