Matayo 6:24 - I CILAGANE CIPYA 1991

²⁴ “Hasina mwitumami mono kosuma kuwetumamila wafwa wejete. Kusoko nha komusula yumonga, no kumwenda yulya we kejete, hamba lunji komutyatya yumonga du, no kumubedegala ayulya muyagwe. Holeka si mosuma kumwitumamila u Mulungu hamonga ne zisawo.

Luganuzi Luswanu Kuli Wanhu Wose 2002

²⁴ “Hasina mwitumami mono kosuma kuwetumamila watwa wejete. Ku soko nha komusula yumonga, no kumwenda yulya we kejete, hamba lunji komutyatya yumonga du, no kumubedegala ayulya muyagwe. Holeka si mosuma kumwitumamila u Mulungu hamonga ne zisawo.”

Matayo 6:24 ပူးပေါင်းရင်းမြစ်များ

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Luka 16:11

Ale, hono si muli wehuwilwa mu zisawo zimbi za mononze, nani mbi mono komukozenyi zisawo ze mbeka?

Luka 16:13

“Hasina mwitumami mono kosuma kuwetumamila watwa wejete, ku soko, lunji komusula yumonga na kumwenda muyagwe, hamba komuhulika yuyo yumonga no kumubedegala u muyagwe. Holeka si mosuma kumwitumila u Mulungu ne sawo.”

Luka 16:9

Nayo Yesu yakajendelela kutya. “Nane nghumutyenyi, Mwinozeze wayendi wayenyu mu wulawa mu zisawo zimbi za mononze, kolo yikumalika, ho wamubocelenyi ku wikalo we cibitilila.”

Wagalatiya 1:10

Alu mbi kanyhi nghusaka wukombolwe wa nani, we wanhu hamba wo Mulungu? Hamba nghusaka kuwendeza wanhu lo? Na hono noze nha vivyo, kwaco, ane si nali niwe mwitumami wa Kilisito.

1 Timoteyo 6:17

Uwalonjelaje iwanhu wagoli we vinhu vye mikalile ya lulu, walece kwidunhumula, hamba kuwika u witumbilo wawo mu sawo yono siyidahile kwitumbilwa, langa wamwitumbilaje Mulungu, mono ko wuswanu wakwe, kacipela i vinhu vyose civisangalalile.

2 Timoteyo 4:10

Hambi Dema nha yandeka, mwene yenda ze yinze ya lulu, yakabita ku Tesalonike. Kileseke nayo yabita ku Galatiya, na Tito yabita ku Dalumatiya.

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.