Matayo 6:23 - I CILAGANE CIPYA 1991

²³ Ninga imeso gako hono gawe mabi, ale no muwili wako wose wowa wuli mu wutitu. Holeka uwuzelu wono wuli muli gwegwe hono wuwe wutitu, uwutitu wuwo, wowa wa kogofya muno muno.

Luganuzi Luswanu Kuli Wanhu Wose 2002

²³ Ninga imeso gako hono gawe mabi, no muwili wako wose wowa wuli mu wutitu. Holeka uwuzelu wono wuli muli gwegwe hono wuwe wutitu, uwutitu wuwo, wowa wa kogofya muno muno.”

Matayo 6:23 ပူးပေါင်းရင်းမြစ်များ

Matayo 20:15

Alo wukwihwesa ane sina lingʼani yo kwitumila i sawo yangu nha vyono nendile no mweneco? Hamba wukuwona wivu vyono ane nili muswanu?’ ”

Matayo 6:22

“Imeso gakuwa nha yo tala yo muwili. Holeka imeso gako hono gawe matelevu, ale no muwili wako wose nha vivyo nawo wowa wuli mu wuzelu.

Maluko 7:22

wusulumizi, wutili, wubugu, wubi, wukoci, wusisi, maligo, wiwoni no wulele.

Luka 11:34

Iliso lyako yo tala yo muwili wako, liso lyako hono liwe itelevu, muwili wako wose wumemile wuzelu. Ninga liso lyako hono liwe yibi, no muwili wako wowa wumemile wutitu.

Luka 8:10

Yakawatya, “Anye mupegwa kumanya zono zihundicigwe zo wutemi wo Mulungu, ninga kuli wanji, vyo si yinha. Langa wene walonjelagwa mu vihwanicizo, hono wakuwona, ho walece kuwona, na hono wakuhulika, ho walece kwizuka.”

Walumi 1:22

Wakwiwona nha wono wena mahala, kumbe ho walele.

1 Wakolinto 2:14

U munhu we ciyinze yinze si kazibocelaga izinghani zo Muhe wo Mulungu. Hambi u munhu we liwala lilyo, izinghani zo Mulungu, nha wulele du kuli mwene, ku soko vyono zimupulute imahala gakwe, hambi zene, nha zitanjikaga ko wutazi wo Muhe du.

Waefeso 4:18

ne mahala gawo gali mu wutitu. Wali kutali no wumi wo Mulungu, ku soko yo wulele wono wuli muli wene so cibede cawo.

Waefeso 5:8

Hambi ikatali nha mwali mu wutitu, ninga alu mweza muli mu wuzelu so wilunze wenyu no Muwaha. Holeka mwikalaje nhe wana wo wuzelu,

1 Yohana 2:11

Ninga mono yamusulile u nduguye, yuyo yakali mu wutitu, kanyhi yakujendela mu wutitu, hamba siyamanyile na kono yakubita, hambi u wutitu nha wumubofuze i meso.