Matayo 6:2 - I CILAGANE CIPYA 1991

² “Holeka na hono wumutaze u muciwa, wulece kwiyilajisa hali wanhu, wulece kunoza nhe wanhu iwakoci vyono wanozaga mu matangʼanilo go wuhembelo, na mu zinzila, ho walumbwe ne wanhu. Mbeka nghumutyenyi vyono, wakondya kucituga icihumbilizwa cawo.

Luganuzi Luswanu Kuli Wanhu Wose 2002

² “Holeka na hono wumutaze u muciwa, wulece kwilajila hali wanhu, wulece kunoza nhe wanhu iwakoci vyono wanozaga mu matanganilo go wuhembelo, na mu zinzila, ho walumbwe ne wanhu. Mbeka nghumutyenyi vyono, wakondya kucituga icihumbilizwa cawo.

Matayo 6:2 ပူးပေါင်းရင်းမြစ်များ

Matayo 15:7

Mo wakoci nye! Kumbe Isaya yaziwilila mu mbeka izenyu, lono yatya

Matayo 16:3

Na hakali mitondo naho, mutezaga, ‘Zuwali yowa mbeho mbaha, vyono wulanga wudunghu, kanyhi ne mavunde gatandaye!’ Alu anye hono mumanyile muno muno kulanga wulanga du no kugamanya mapango, alu ku wutanga vitanjilo vye madaha gaga, si mumanyile.

Matayo 22:18

Ninga mwene Yesu yakagamanya i mahweso gawo mabi, yakawa kuwatya, “Nyo wakociʼnye, nhawule lo mukunjela?

Matayo 23:5

Iwene izawo zose, wetumaga du ho wanhu wawawone. Hambi nha wendile kuvwala ha wusu wawo na mu miwoko yawo icitambala cono cihonele malajilizo, kanyhi wendile konjeleza ne masune mu majoho gawo.

Matayo 23:6

Kanyhi, wendile hanhu he lilumbo mu zindigwa ze zisikukuu, no kwikala mu magoda matambule mu matangʼanilo go wuhembelo.

Matayo 24:51

Nayo kolo yakuza, kolomusanha yamulavye hejete, hanyuma komuwika mwipuga limonga ne wakoci. Na kuko kolowa cililo no wugwezula meno.

Matayo 5:18

Nghumulonjelenyi mbeka, vyono sunga u wulanga ne yinze zilapuluta, ninga hasina hamba nghani ndodo, hamba cipinga cidodo co Wulajilize cono cowuswa, sunga kolo zose zakondya kufisilizwa.

Matayo 6:16

“Na lono mukuleka kulya, mulece kusininghala ha wusu nhe wanhu wakoci. Hambi iwene nha wasininghalaga ha wusu, ho wejele hali wanhu vyono walecile kulya. Nghumulonjelenyi mbeka, vyono wawo, wakondya kucituga icihumbilizwa cawo.

Matayo 6:3

“Ninga agwe, lono wukumutaza u muciwa, ale wunoze mu nzila yono hamba u mwendece wako si kosuma kuyimanya yono wukwituma.

Matayo 6:5

“Nanye lono mukulomba, mulece kuwa nhe wakoci. Hambi iwene wakoci, nha wendile kwima wima mu matangʼanilo go wuhembelo, sunga na mu zinzila, no kulomba, ho welajise kuli wanhu. Mbeka nghumulonjelenyi, vyono wawo wakondya kucituga icihumbilizwa cawo.

Matayo 7:5

Go mukoci gwe! Wamule wuliwuse ilibici lyono lili mu liso lyako go mweneco, ale, ho kosuma kuwona viswanu no kusuma kuwusa icilagala cono cili mu liso lyo nduguyo.

Maluko 12:39

no kwikala i hanhu hatambule mu zindigwa ze zisikukuu.

Maluko 7:6

Nayo Yesu yakawapitula yakawatya, “Nye nyo wakoci! Umuwizi Isaya yamuwililenyi ze mbeka lono yandika yakutya: ‘U Mulungu yakutya, I wanhu wawa wanumbaga kwe milomo yawo du, ninga mu zinhumbula zawo wali kutali nane.

Luka 11:41

Muwapelaje waciwa vinhu vyono vili mugati; na vinji vyose vyowa vili lingʼani kuliʼnye.”

Luka 11:43

Woyi he nyo Wafalisayo! Ku soko mwendile kwikala kumwande mu magoda matambule mu matangʼanilo go wuhembelo, ne milamu ye cogopo mu minadi.

Luka 12:33

Muguze zisawo zenyu zose zono mwina nazo, muwapele i zipesa waciwa, mwinozeze mifuko yono si yisakalaga, mwiwicile sawo ya ku wulanga kono si yilacepuka. Kono si kasejelelaga muhizi, hamba makuni si gahodangaga.

Luka 12:56

Nye mo wakoci, mumanyile kutanga ivitanjilo vye yisi no wulanga, ninga so cici lo si mukusuma kumanya nhunizo ye vidaha vivi?

Luka 13:15

Ninga Muwaha yakamupitula, yakatya, “Nye mo wakoci, ma, muli nyenye moyuli yunji mono si katulusaga ngʼombe yakwe hamba ndogowe yakwe, no kuzingʼwesa mwizuwa lye Sabato?

Luka 20:46

“Musuguce kuli wejizi wo Wulajilize wono wendile kujenda ako na ako wavwalile kanzo. Na kanyhi wendile kulamuswa kwa cogopo ne wanhu mu zisokoni, kanyhi wendile kwikala hanhu hatambule, mu matangʼanilo go wuhembelo, no kwikala hanhu hatambule ha zindigwa ze zisikukuu.

Luka 6:24

“Ninga woyi he nye mono muli wagoli! Hambi nha mwapegwa mwakondya wusindamice wenyu.

Luka 6:42

Hamba kosuma nhawule kumutya nduguyo, “Ndugu yangu, leka ta nghuwuse i cilagala cono cili mu liso lyako, na akuno si ukulanga ibici lyono lili mu liso lyako go mweneco? Go mukoci gwe, wamule kuwusa ibici lyono lili mu liso lyako, ho kosuma kuwona viswanu no kusuma kuwusa icilagala cono cili mu liso lyo nduguyo.”

Yohana 13:29

Ninga kusoko vyono Yuda yo yatunzaga u mufuko we zipesa, holeka wanji wakehwesa vyono, kowa Yesu yamulonjelaga yakagule vyono yikusakwa so sikukuu, hamba lunji yamulonjelaga yalavye cinji kuli waciwa.

Yohana 5:41

“U wuhile wangu, si vyono ho nhuje u lukumyo kulawa kuli wanhu.

Yohana 5:44

Mosuma wule kwihuwila, kumbe nanye ho mwendile kubocela lukumyo lono lukulawa muli nyenye nyo weneco, hamba si mukulondola lukumyo lono lukulawa kuli Mulungu mono yali wene?

Yohana 7:18

Ninga u munhu mono yakwilonjela mu wulajilize wakwe mweneco du, yakulondola u lukumyo lwakwe mweneco, ninga mono yakulondola u lukumyo lwa mono yamutuma, yuyo yaweza mwihuwilwa, na muli mwene musina wavu wo wose.

Metumo ge Watumwa 10:2

Yali munhu mwihuwilwa, u mwene hamonga na wa mu nyumba yakwe wose, wali wehuwilwa na kanyhi wali wogopo Mulungu, nayo yetuma zi nyinji, ko kuwataza iwaciwa we Ciyahudi, kanyhi yali yendile kumulomba u Mulungu nhondo zose.

Metumo ge Watumwa 10:31

yakatya, Kolineliyo, Mulungu kawubocela wulombe wako, hamonga ne vilavya vyako kuli waciwa.”

Metumo ge Watumwa 10:4

Nayo Kolineliyo yakamunugulila meso yuyo Malayika kuno yakogopa, yakatya, “Alo ko cilici Muwaha?” Nayo Malayika yakamutya, “Mulungu kawubocela wulombe wako, hamonga no wulavye wako kuli waciwa.

Metumo ge Watumwa 11:29

Iwejizwa wose wakelumbila munhu na ha nghango yakwe, kuwategulila wutazi, we zindugu wono wekalaga mu Wuyahudi.

Metumo ge Watumwa 24:17

“Sunga na lono nali nekala kutali kwa myaka minji, nawuya ku Yelusalemi, ho niwategulile wanyawusi wayangu wutazi no kulavya vilavya.

Metumo ge Watumwa 9:36

Kwali na mwijizwa yunji we cicekulu kuko ku Yopa, litagwa lyakwe yacemagwa Tabita, mu Cigiliki Dolika, nhunizo yayo “Nzimba.” Mucekulu yuyo yali yamemile metumo maswanu, nayo yawatazaga iwaciwa vilo vyose.

Walumi 12:8

Nayo mono yena icipegwa co kuwalanjiza iwanji, yanoze nha vivyo. Nayo mono yakumugawila u muyagwe muli cono yena naco, ale yanoze nha vivyo ko mutima muzelu. Nayo mono yapejigwe wulongola, ale yetumaje yahidimbaye. Nayo mono yakwituma nghani yo lusungu, yetumaje no luseko.

1 Wakolinto 13:3

Na hono ndavye i sawo yangu yose no kuwapela waciwa, na hamba niwulavye muwili wangu wunyanywe mu moto, ninga hono niwe sina wendo, azo zose si zonghwila cinji yaye.

Wagalatiya 2:10

Ninga hamba nha vivyo, wacilomba ase cinhu cimonga, nha cinji ciwakumbucile wanhu waciwa, na yo nghani yono nghuhidimbala muno kuyituma.

Waefeso 4:28

Mono yali muhizi, yalece kuhiza kanyhi, langa yanze kwituma i milimo miswanu kwe miwoko yakwe, ho yatuje cinhu co kumutuziza u muciwa.

1 Watesalonike 2:6

Hamba si calondola lilumbo muli wanhu hamba muli nyenye, hamba kulawa kuli munhu wo wose,

1 Timoteyo 6:18

Uwalonjelaje wetume viswanu, wawe wagoli mu metumo maswanu, kanyhi wawe wacemezi, wono wewikanize mu wuhanga ne wanji zisawo zawo.

Filemoni 1:7

Gwe mwendece, u wendo wako wamhela nyemo mbaha muno muno, no kumhela vilungo mu nhumbula yangu! Ne zinhumbula ze wanhu wo Mulungu zikasangalala muno muno ku soko yako.

Wahebelaniya 13:16

Mulece kusemwa kwituma i ziswanu no kwitaza nyenye wose, hambi zizo nha lye kumbiko lyono likumwendeza u Mulungu.

1 Petelo 4:11

Na mono yakulonga nghani yo yose, u wulonje wakwe, weze nho wulonje we zinghani zo Mulungu, na mono yakuwetumamila wanji, yimunojeye yawetumamile ne vilungo nha vyono yakupegwa no Mulungu. U Mulungu ho yakumizwe muli vyose, mwitagwa lya Yesu Kilisito, mono ulukumyo ne vilungo nha vyakwe cibitilila na cibitilila! Heya.