Matayo 6:19 - I CILAGANE CIPYA 1991

¹⁹ “Mulece kwiwutila sawo ya mononze, kono imakuni ne nghangaga vihodangaga, ne wahizi wenjilaga no kuhiza.

Luganuzi Luswanu Kuli Wanhu Wose 2002

¹⁹ “Mulece kwiwutila sawo kono'nze, kono imakuni ne nghangaga vihodangaga, ne wahizi wenjilaga no kuhiza.

Matayo 6:19 ပူးပေါင်းရင်းမြစ်များ

Matayo 19:21

Yesu yakamulonjela yakatya, “Ale, hono wukusaka wuwe munhu mono wukwilaniciye, ale wubite ukaviguze ivinhu vyose, wuwapele iwaciwa, nagwe ho kowa na ciwutwa ku wulanga, hanyuma ho wuze wunhyatye.”

Matayo 6:20

Langa mwiyiwicilaje sawo ku wulanga, kono imakuni hamba nghangaga si vyosuma kuyihodanga yaye, hamba ne wahizi si wenjilaga ho wahize.

Luka 12:21

Yesu yakamalila ko wutya, “Ale vyo yinha kuli munhu mono yakwiwicila sawo ku soko yakwe mweneco, nayo si mugoli kuli Mulungu.”

Luka 12:33

Muguze zisawo zenyu zose zono mwina nazo, muwapele i zipesa waciwa, mwinozeze mifuko yono si yisakalaga, mwiwicile sawo ya ku wulanga kono si yilacepuka. Kono si kasejelelaga muhizi, hamba makuni si gahodangaga.

Luka 12:39

Ninga yiyi mumanye vyono, hono munya kaya yali yamanye mazizo go muhizi, yali yekale meso, hamba si yali yayilece kaya yakwe yibenwe.

Luka 18:22

Nayo Yesu yaza kuzihulika zizo, yakamutya, “Wukali wanjiye nghani monga du; uguze vyose vyono wina navyo, ukawagawile waciwa, nagwe kowa na sawo kuwulanga; hanyuma ho wuze unhyatye.”

Luka 18:24

Nayo Yesu yaza kumuwona vyono yakalaye, yakatya, “Kukamu kuli wono wena sawo ku winjile mu wutemi wo Mulungu!

1 Timoteyo 6:17

Uwalonjelaje iwanhu wagoli we vinhu vye mikalile ya lulu, walece kwidunhumula, hamba kuwika u witumbilo wawo mu sawo yono siyidahile kwitumbilwa, langa wamwitumbilaje Mulungu, mono ko wuswanu wakwe, kacipela i vinhu vyose civisangalalile.

Wahebelaniya 13:5

Mulece kuwa muli wasulumizi ku zipesa, langa mweze muceye ne vinhu vyono mwina navyo. Hambi u Mulungu mweneco nha yatya, “Si nokulecela lukulu, hamba si nokutaga.”