Matayo 6:10 - I CILAGANE CIPYA 1991

¹⁰ U wutemi wako wuze yono wukuhila yitumwe kononze nha vyono ku wulanga.

Luganuzi Luswanu Kuli Wanhu Wose 2002

¹⁰ U wutemi wako wuze yono wukuhila yitumwe kono'nze nha vyono ku wulanga.

Matayo 6:10 ပူးပေါင်းရင်းမြစ်များ

Matayo 12:50

Vyono u munhu wo wose mono yakwituma nha vyono yakuhila Baba mono yali ku wulanga, ale, yuyo yo muwaha wangu, yo lumbu lyangu, kanyhi yo nyina yangu.”

Matayo 16:28

Nane nghumulonjelenyi mbeka, vyono howali wanji wono wali bahano wono si wolofwa, sunga waze wamuwone u Mwana wo Munhu yakuza mu Wutemi wakwe.”

Matayo 26:42

Yakabita kanyhi lwe kejete yakalomba yakutya, “Baba hono yiwe si yisumice icikombe cicino co wusungu cimhulute ndece kucigʼwa, ale, hodu, u wuhile wako witumwe.”

Matayo 3:2

“Ale munene hambi u wutemi wa ku wulanga nha wasejelela.”

Matayo 4:17

Na kuwulawa baho, Yesu yakamula kuganula no kutya, “Ale, munene, hambi u wutemi wa ku wulanga nha wasejelela!”

Matayo 7:21

“Si munhu wo wose mono yakunyitya, ‘Muwaha, Muwaha,’ yo kokwinjila mu wutemi wo Mulungu, langa yuyo du mono yakwituma u wuhile wo Sogo yangu mono yali ku wulanga.

Maluko 11:10

Nha wumoteswe u wutemi wono wukuza wa Dawudi usogo yetu. Yalumbwe Mulungu kucanyha ku wulanga!”

Maluko 3:35

No munhu wo wose mono kokwituma u wuhile wo Mulungu, yuyo yo ndugu yangu, no lumbu lyangu nayo yo yaya.”

Luka 19:11

Mu cipango lono wanhu wali wakali wahulicize zizo, Yesu yakawalonjela cihwanicizo. (Baho yali yasejelela ku Yelusalemi, ne wanhu wawo wehwesaga vyono mwipango idodo du, u wutemi wo Mulungu wowa wafika.)

Luka 19:38

wakutya, “Mumoti u Mutemi mono yakuziza mwitagwa lyo Muwaha, Mulamu ku wulanga, no lukumyo lweze kuli Mulungu.”

Luka 22:42

“Baba, hono wende, umbusize cikombe cici co Wusungu, ninga si wuhile wangu, langa wuhile wako witumwe.” [

Yohana 4:34

Yesu yakawatya, “I ndigwa yangu yoyi, nitume wuhile wa mono yanhuma, no kuwukondeleza u mulimo wakwe.

Yohana 6:40

Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwizuwa lya ku ndumo.

Yohana 7:17

Munhu mono yendile kwituma zono u Mulungu yendile, yo komanya hono mejizo gangu galawa kuli Mulungu, hamba nene nghwilonjela mu wulajilize wangu no mweneco du.

Metumo ge Watumwa 13:22

No Mulungu yaza kumuwusa Sawulo, yakamuwika Dawudi yawe mutemi wawo. Mulungu yahomelela, yakatya, ‘Nimuwona Dawudi u mwana wa Yese, munhu mono nimwendile muno, yo munhu mono kosuma kwituma zose zono nghusaka nizitume.’

Metumo ge Watumwa 21:14

Ale yaza kuwa si yakusumika, cikanyamala, cikatya, “Wuhile wo Muwaha witumwe.”

Metumo ge Watumwa 22:14

Nayo Ananiya yakatya ‘U Mulungu we wasetu kakuhagula agwe, ho wumanye u wuhile wakwe, no kumuwona u mwitumami wakwe Mono Yali Lingʼani, no kulihulika ilizi lya mu mulomo wakwe mweneco.

Walumi 12:2

Kanyhi mulece kwiga imikalile ya lulu ya mononze yiyi, langa u Mulungu yamupitulenyi mu zinhumbula zenyu ko kugapitula imahala genyu. Baho langa ho mosuma kuwumanya u wuhile wo Mulungu, no kuyizuka inghani yono swanu, yono yikumunojeza, kanyhi yono yikwilaniciye.

Waefeso 6:6

Mulece kwituma nha vivyo lono wakumulanjenyi ho mwiyendeze kuli wene, langa mwitumaje kwe mitima yenyu nha vyono yendile u Mulungu, vyono anye muli wetumami wa Kilisito.

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

Wakolosayi 1:9

Ku soko yiyo nase kanyhi, vyono calawa lizuwa lyono cahulicila i zenyu, si cidilaga kumulombelenyi. Cikumulomba u Mulungu yamumemyenyi u wumanye wose wo wuhile wakwe, yamumemyenyi mahala gose no wutanje wono wukuletwa no Muhe wakwe.

1 Watesalonike 4:3

U Mulungu yakumusacenyi anye mweze mwelile kanyhi mwilejele lukulu mu mikalile yo wusenyha.

1 Watesalonike 5:18

mweze mwina ne lilumbo muli zose. Hambi wuwo nha wo wuhile wo Mulungu kuli nyenye mu wilunze wenyu na Kilisito Yesu.

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

Wahebelaniya 10:36

Ninga mukusaka muwe no wukangalile, ho musume kwituma zono yakuzisaka Mulungu ho mucibocele cono yehuwiza.

Wahebelaniya 10:7

Baho nane nghatya, “Ane nili baha gwe go Mulungu niwikanize kuwituma u wuhile wako nha vyono nandicilwa mu citabu co Wulajilize.”

Wahebelaniya 13:21

U Mulungu wo mulamu yamukwilanicizenyi mu ziswanu zose, ho mwitume wuhile wakwe; nayo yetume muli sese zono zikumwendeza mweneco mu nzila ya Kilisito. Kuli mwene lweze lukumyo cibitilila ne cibitilila. Heya.

1 Petelo 2:15

Hambi u Mulungu nha vyo yakuhila, ho musume kuzinyamaziza i zinghani zo wulele, ze wanhu wono wasina mahala mu metumo genyu maswanu gono mukwituma.

1 Petelo 4:2

Holeka kuwulawa lulu, imikalile yenyu yono yisigaye kwikala kukuno kononze, yinojeye muwe kutongwa no wuhile wo Mulungu, hamba si ne masulumizi ge cimunhu munhu.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 12:10

Hanyuma nghahulika lizi yiwaha likulawilila ku wulanga, likutya, “Alu mhonelo yono yikulawa kuli Mulungu, yakonya kuza! I vilungo no wutemi wo Mulungu wetu, wakondya kwijela. Na Kilisito wakwe kawulajila u wulajilize wakwe! Hambi ayulya mono kawasonjeza i wandugu zetu, mono yemile hali Mulungu, mono kawasonjezaga misi ne cilo, alu kagumilwa kononze.

Wugubule 19:6

Hanyuma kanyhi nghahulika lizi yiwaha lye lipuga yiwaha lye wanhu, na lye malenga menji, na lye mabalalusi mawaha, nalyo lizi lilyo likutya, “U Mulungu yalumbwe! Hambi u Muwaha u Mulungu wetu u Mudaha vyose nha yo Mutemi!

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kulingʼaniza. Nghawona kanyhi nha vivilya izinhumbula za wono wadumulwa mitwe yawo ku soko ya kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.