Matayo 5:7 - I CILAGANE CIPYA 1991

⁷ Wamoti wono wena u lusungu kuli wanji hambi nawo nha wowonelwa u lusungu no Mulungu.

Luganuzi Luswanu Kuli Wanhu Wose 2002

⁷ Wamoti wono wena lusungu kuli wanji hambi nawo nha wowonelwa lusungu no Mulungu.

Matayo 5:7 ပူးပေါင်းရင်းမြစ်များ

Maluko 11:25

Kolo mukwima no kulomba, muwanenelaje wose wono wamusutizyenyi nghani yo yose, nayo u Sogo yenyu mono yali ku wulanga ho komunenelenyi nanye i masutya genyu. [

Luka 6:35

Vyo si yinha, ninga muwendaje walugu wenyu, muwatendelaje viswanu, mweze kuwakopesa, kuno si mukulanjilila kugomolelwa. No wuhumbilizwe wenyu wowa wuwaha, nanye mowa wana wo Mulungu Mono Yalawiliciye Muli Vyose: hambi mwene nha muswanu kuli wono wasina ilumbo na kuli wabi.

Walumi 11:30

Baho katali, nanye mwali mwamubeza u Mulungu, ninga aluno mwakondya kulufuga u lusungu lwakwe, ku soko ye cibede cawo.

1 Wakolinto 7:25

Ale, kuli ze wahinza na kuli wono si wakusaka kutola hamba kutolwa, ane sina ilajilizo lyono likulawa kuli Muwaha, ninga nghulavya ihala lyangu du, ane mono so lusungu lwo Muwaha, nghwiliye kuwa mwihuwilwa.

2 Wakolinto 4:1

Holeka, u Mulungu ku soko yo lusungu lwakwe luwaha, yacipela u mulimo wuwuno ho ciwitume, holeka nase si cikutukuwika mitima.

Waefeso 4:32

Mweze na nhumbula swanu, mukwiwonela lusungu nyenye wose, mweze kwiyinenela nyenye wose nha vyono nayo u Mulungu yamunenelenyi nyenye mu nzila ya Kilisito.

Wakolosayi 3:12

Anye muli wanhu wo Mulungu, u mwene yamwendenyi anye kanyhi yakamuhagulenyi. Holeka nanye muvwale i nhumbula yo lusungu, wuswanu, winenenyhezi, wupolo, no wukangalizi.

1 Timoteyo 1:13

hambe bahalya halulongozi nene no mweneco nghamuliga no kumugaza no kumugalila. Ninga mwene Mulungu yakambonela lusungu, ku soko nali nghali sina wihuwilo, na holeka si nali manyile cono netumaga.

1 Timoteyo 1:16

Ninga mwene Mulungu yakambonela lusungu, ho Kilisito yawulajile wukangalizi wakwe wose kuliʼne, wuwe nha musambo kuli awalya wono hanyuma yayo wolomwihuwila no kubocela wumi we cibitilila.

Wahebelaniya 4:16

Holeka cisejelele kwigoda lye lihewa lyo Mulungu, cisina woga, ho ciwonelwe lusungu, kanyhi cilituje ne lihewa lyono lyosuma kucitaza mwidaha lono cikusaka u wutazi.

Wahebelaniya 6:10

Hambi u Mulungu nha si kawezaga yasina lingʼani u mwene si kowusemwa mulimo wenyu wono mwetuma, hamba u wendo wono mwawulajila ku soko ye litagwa lyakwe mu witumami wenyu wono mwawetumamila na vyono sunga na lulu mukali mukuwetumamila i wanhu wakwe.

Yakobo 2:13

Hambi, u Mulungu nha kolowa yasina lusungu kolo yakumulingʼaniza munhu mono yasina lusungu. Ninga lusungu lucizize wulingʼanizi.

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

1 Petelo 2:10

Mu mapango ganji, anye mwali si muli wanhu wo Mulungu, ningaʼlu anye mweza muli wanhu wakwe, kanyhi mwali si muwoneywe lusungu lo Mulungu, alu ninga mwawonelwa lusungu.