Matayo 5:46 - I CILAGANE CIPYA 1991

⁴⁶ Alu motuga wuhumbilizweci hono muwe kuwenda du wono wakumwendenyi nanye? Hasina! Ku soko sunga ne watoweza kodi nawo wanozaga nha vivyo.

Luganuzi Luswanu Kuli Wanhu Wose 2002

⁴⁶ Alu motuga wuhumbilizweci hono muwe kuwenda du wono wakumwendenyi nanye? Hasina! Ku soko sunga ne watoweza kodi nawo wanozaga nhavivyo.

Matayo 5:46 ပူးပေါင်းရင်းမြစ်များ

Matayo 11:19

Alu, u Mwana wo Munhu yakaza, yakulya no kungʼwa, nawo wakatya, “Mulanjenyi ta ayu munhu mubuguci, kanyhi mungʼwa divayi, mwendece we watoweza kodi ne wahodanji. Ninga hamba nha vivyo i mahala go Mulungu gakuhomelelwa vyono maswanu ku so i metumo gakwe.”

Matayo 18:17

Nayo hono yekale si yawahulice wawo ale, wulilonjelaje likanisa. Na hono yekale si yalihulice likanisa, ale hodu, kuliʼgwe yawe nhe wanhu wono si wamumanyile u Mulungu, ne watoweza kodi.

Matayo 5:47

Na lono muwe mukuwalamusa iwandugu zenyu du, wulenyi mowa mwanoza cinhu cijenzi? Hambi hamba sunga ne wanhu wono si wamumanyile u Mulungu, nawo nha wanozaga nha vivyo.

Matayo 6:1

“Mulanjilile, mulece kwitumila i metumo genyu maswanu ha meso ge wanhu, ho mwilajise hali wene. Hambi hono munoze nha vivyo cagalanze, nha si mosuma kupegwa icihumbilizwa no Sogo yenyu wa ku wulanga.

Maluko 2:15

Hanyuma, lono Yesu yali yekaye ha meza yakulya zindigwa mu kaya ya Lawi. I watoweza kodi wenji hamonga ne wanyo wubi wali wamutyatizye Yesu, sunga na wenji wa muli wene, wali wekalane hamonga nayo, hamonga ne wejizwa wakwe ha meza ye zindigwa.

Maluko 2:16

Ale, iwejizi wacefu wo Wulajilize wono wali Wafalisayo, waza kumuwona Yesu yakulya zindigwa hamonga ne wanhu wabi ne watoweza kodi, wakawawuza iwejizwa wakwe, wakutya, “Alu socici yakulya zindigwa hamonga ne watoweza kodi ne wanhu wabi?”

Luka 15:1

Izuwa linji watoweza kodi ne wahodanji wenji, wakabita kumuhuliciza Yesu.

Luka 18:13

Ninga ayulya mutoweza kodi yakema kutali, hamba si yenda no kwinula meso gakwe ku wulanga, ninga yaketowa mu mhambaga ko wukalale, yakatya, “Gwe Mulungu Umbonele lusungu ane no mubi.”

Luka 19:2

hali na munhu, itagwa lyakwe Zakayo. Munhu yuyo yali muwaha we Wakalani watoweza kodi, kanyhi yali munhu mugoli.

Luka 19:7

Wanhu wose waza kuwona zizo, wakawa kwanza kungʼungʼulika wose, wakutya, “Kenjila kuduwa kuli munhu mubi.”

Luka 3:12

Watoweza kodi nawo wakaza ho wabaputizwe, wakamuwuza, “Gwe mwijizi, naʼse ma citende wule?”

Luka 5:29

Yuyo Lawi, yakamunozeza Yesu zindigwa mu nyumba yakwe. Hakawa ipuga iwaha lya watoweza kodi na wanji wono wali vikalane nawo ha zindigwa.

Luka 5:30

Wafalisayo ne wejizi wo Wulajilize wakawangʼungʼulicila wejizwa wakwe; wakutya. “Alo so cici mukulizana kanyhi mukungʼwezana ne watoweza kodi ne wanyo wubi?”

Luka 7:29

Wanhu wose ne watoweza kodi waza hulika wakawukumya u wuswanu wo Mulungu, wawo wo wawo wono wali wakondya kubaputizwa mu wubaputizo wa Yohana.

Luka 7:34

U Mwana wo Munhu nha yaza yakulya no kungʼwa, nanye mukatya, Langa ta munhu yu mubuguci, na mungʼwa divayi mwendece we watoweza kodi na wanyo wubi!