Matayo 5:37 - I CILAGANE CIPYA 1991

³⁷ Hono wutye ‘Heya’ ale yiweze ‘Heya du!’ Na hono wutye ‘Ngʼo’ ale yiweze mbeka ‘Ngʼo’. Na yo yose yono yitimile zizo, yilawaga kuli ayulya u Mubi.

Luganuzi Luswanu Kuli Wanhu Wose 2002

³⁷ Hono wutye, ‘Heya’ ale yiweze ‘Heya du!’ Na hono wutye, ‘Ng'o’ ale yiweze mbeka ‘Ng'o.’ Na yo yose yono yitimile zizo, yilawaga kuli ayulya u Mubi.”

Matayo 5:37 ပူးပေါင်းရင်းမြစ်များ

Matayo 13:19

U munhu wo wose mono yakuyihulika inghani yo Wutemi, hamba kuyizuka yaye, yuyo yo yehwanile i zimbeyu zizilya zono zagwa mu nzila, nayo u Mubi kazaga no kuyisukula ayilya yono yali yakondya kuhadikwa mu nhumbula ya yuyo munhu.

Matayo 13:38

Nawo u mugunda yo yinze. Nazo i zimbeyu zi zilya i ziswanu, wo wana wo wutemi. Ninga i mabalwe, wo wanhu wa ayulyo u Mubi.

Matayo 15:19

Ku soko mu nhumbula yo munhu nha momulawaga i mahweso mabi gono galetaga no wu wulaji, kanyhi, mulawaga u wusenyha, wuhizi, wuhomelezi wo wulambi, ne maligo.

Matayo 5:36

Hamba wulece kwilahiza mu mutwe wako, hambi nha sikosuma kulunoza hamba u luvwili lwako lumonga, luwe luzelu hamba lutitu.

Matayo 6:13

Wulece kucitegula mu wujelwe, Langa wuciponye na yulya u Mubi.’

Yohana 17:15

Si nghulomba wuwawuse mononze, langa wuwacitile kuli ayulya u Mubi.

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Waefeso 4:25

Holeka muwulekaje u wulambi, yinojeye mweze kulongana ze mbeka munhu na muyagwe, vyono ase wose cili vilunzwa vyo muwili wa Kilisito.

Waefeso 6:16

Ninga ko muno, u wihuwilo, wuweze nha ngula mu miwoko yenyu nhondo zose, ho yimutazenyi kuzizimya i zisonga zo moto za ayulya u mubi.

Wakolosayi 3:9

Mulece kwiyilambila nyenye wose, vyono anye mwakondya kuwuvula u wunhu wuhuma hamonga ne metumo gayo gose,

Wakolosayi 4:6

No wulonje wenyu nhondo zose weze wuswanu, wono wukwendeza, kanyhi mumanye vyono yimunojelenyi kuwapitula viswanu i wanhu wose.

2 Watesalonike 3:3

Ninga u Muwaha yo mwihuwilwa. U Mwene komusikamyenyi kanyhi komudimenyi viswanu kuli ayulya mubi.

Yakobo 5:12

Ninga ko muno, wandugu zangu mulece kwilaha. Mulece kwilahiza ku wulanga, hamba monoʼnze, hamba ku cilaha cinji co cose. Langa mutye “Heya” hono nhunizo yenyu yo heya, na “Ngʼo” hono nhunizo yenyu yo ngʼo, ho simolingʼanizwa no Mulungu.

1 Yohana 2:13

Nghumwandicilenyi nanye mo wasogo za munhu, hambi nha mumumanyile u mwene mono yali ho yuli kuwulawa ha mwamulizo. Nghumwandicilenyi nanye mo wazelelo, vyono mumusumile ayulya u mubi.

1 Yohana 3:12

Cilece kuwa nha Kayini mono yatongwa na ayulya u Mubi, yakawa kumuwulaga u mwanakwawe. Na ku sokoci yamuwulaga? Ku soko i metumo gakwe gali mabi, ninga i metumo go mwanakwawe gali maswanu!

1 Yohana 5:18

Ninga cimanyile vyono muli wose mono yakondya kuwa mwana wo Mulungu, siketumaga wubi, ku soko u Mwana wo Mulungu yakumukamisa. Na yuyo u Mubi si kosuma kumutamisa yaye.